Ị́jọ́ Uꞌbéŋá 2:5 - Ị́jọ́ Úꞌdí rĩ

⁵ ꞌdã ꞌbã ũngúkú gá mi dó nị̃la ála Úpí Ãdróŋá ụ̃rị̃ íngoní ru yã rĩ gá rá, ãzíla mi nị̃táŋá sĩ Úpí nị̃jó rĩ ịsụ́ rá.

Aringa

⁵ ꞌdã ꞌbã ũngúkú gá mi dó nị̃la ála Úpí Ãdróŋá ụ̃rị̃ íngoní ru yã rĩ gá rá, ãzíla mi nị̃táŋá sĩ Úpí nị̃jó rĩ ịsụ́ rá.

Ị́jọ́ Uꞌbéŋá 2:5 Referans Kwoze

Ị́jọ́ Uꞌbéŋá 1:7

Úpí ụ̃rị̃jó rĩ ĩꞌdi ũndũwã ꞌbã iꞌdóŋá, wó ꞌbá azalépi aza-azâ rĩ gã kí ũndũwá ãzíla ímbátáŋá sĩ ũndũwá ịsụ́jó rĩ úmgbé.

1 Yõhánã 5:20

Ãnị̃ rá Ãdróŋá Ngọ́pị amụ́ ụ̃nọ́kụ́ ꞌdĩ drị̃ gá rá, ãzíla fẽ ãmaní ị́jọ́ vãŋá ãmaní sĩ Ãdróŋá ꞌbã mgbã rĩ nị̃jó cé. Ãmã dó Ãdróŋá ꞌbã mgbã rĩ agá, ãꞌdusĩku ãmã adrujó Ngọ́pị̃ Yẹ́sụ̃ Kúrísĩtõ agá rĩ sĩ. ꞌDĩ Ãdróŋá mgbã rĩ ãzíla ĩꞌdi ídri ukólépi ku rĩ ꞌi.

Lụ́kã 10:22

“Mâ Átẹ́pị fẽ ãko pírí kí mádrị́ ꞌbo. ꞌBá ãzí ãlu Ngọ́pị̃ nị̃lépi ĩꞌdi ãꞌdi ꞌi cé la yụ pẽ lú Átẹ́pị̃ ꞌi, ꞌbá ãzí ãlu vâ Átẹ́pị̃ nị̃lépi ĩꞌdi ãꞌdi ꞌi cé la yụ pẽ lú Ngọ́pị̃ ꞌi, ãzíla ꞌbá Ngọ́pị̃ ꞌbã ũpẽlé sĩ Átẹ́pị̃ iꞌdajó la ĩꞌbanî rĩ ꞌi.”

Mãtáyõ 11:27

“Mâ Átẹ́pị fẽ ãko pírí kí mádrị́ ꞌbo, ꞌbá ãzí ãlu Ngọ́pị̃ nị̃lépi cé la yụ pẽ lú Átẹ́pị̃ ꞌi, ãzíla ꞌbá ãzí Átẹ́pị̃ nị̃lépi cé la yụ pẽ lú Ngọ́pị̃ ꞌi ãzíla ꞌbá Ngọ́pị̃ ꞌbã ũpẽlé sĩ Átẹ́pị̃ iꞌdajó ĩꞌbanî rĩ ꞌi.

Ị́jọ́ Uꞌbéŋá 9:10

Úpí ụ̃rị̃jó rĩ ĩꞌdi ũndũwã ꞌbã iꞌdóŋá; ãzíla nị̃táŋá Ãdróŋá Ãlá rĩ nị̃jó rĩ ĩꞌdi ị́jọ́ vãŋá.

Yõhánã 17:3

Ídri ukólépi ku rĩ ĩꞌdi ị́jọ́ ꞌbá ꞌbã kí ími nị̃jó mi Ãdróŋá mgbã rĩ ídri rĩ ꞌi, ãzíla mí ãpẽ ma mî Ngọ́pị Yẹ́sụ̃ Kúrísĩtõ tị mi ꞌi rĩ ꞌi.

Ị́jọ́ Uꞌbéŋá 8:17

Álẽ ꞌbá pírí áma lẽlépi rĩ kí rá, ãzíla ꞌbá áma ndrụ̃lépi rĩ kí áma ịsụ́ rá.

Ị́jọ́ Uꞌbéŋá 28:7

Ngọ́tị́ŋá ãzị́táŋá tãmbalépi rá rĩ ĩꞌdi ngọ́tị́ŋá ũndũwã rú rĩ ꞌi, wó ngọ́tị́ŋá wọ̃rị̃ ꞌbãlépi anzị rọ̃mmgbọ́ ru rĩ kí abe rĩ la drị̃nzá ají átẹ́pị̃ nî.