Ị́jọ́ Uꞌbéŋá 19:26 - Ị́jọ́ Úꞌdí rĩ

²⁶ ꞌBá átẹ́pị̃ ní ũcõgõ fẽlépi ãzíla ãndrẽ drolépi lị́cọ́ agá rá rĩ; ĩꞌdi ngọ́tị́ŋá drị̃nzá ãzíla ásị́ ị̃gbẹ̃ ãkõ ajílépi la.

Aringa

²⁶ ꞌBá átẹ́pị̃ ní ũcõgõ fẽlépi ãzíla ãndrẽ drolépi lị́cọ́ agá rá rĩ; ĩꞌdi ngọ́tị́ŋá drị̃nzá ãzíla ásị́ ị̃gbẹ̃ ãkõ ajílépi la.

Ị́jọ́ Uꞌbéŋá 19:26 Referans Kwoze

Ị́jọ́ Uꞌbéŋá 17:2

Ãtíꞌbó ũndũwã trũ rĩ la adru úpí ru úpí ngọ́pị drị̃nzá ajílépi rĩ drị̃lẹ́ gá; ãzíla ĩꞌdi ãko úpí ꞌbã ngọ́pịka ꞌbadrị́ ãwítã rú rĩ kí awa ĩꞌba abe.

Ị́jọ́ Uꞌbéŋá 10:5

Ngọ́tị́ŋá ũndũwã rú rĩ la ãkónã ũkũnã ílí sĩ, wó ngọ́tị́ŋá ụ́ꞌdụ́ kolépi sáwã ãkónã ũkũnãjó rĩ sĩ rĩ ĩꞌdi ngọ́tị́ŋá drị̃nzá ajílépi rĩ.

Lụ́kã 15:30

Wó mî ngọ́tị́ ãko mídrị̂ kí izalépi pírí ãwụ́ꞌbá abe ꞌdĩ la mụ amụ́lé lị́cọ́ gá ꞌbo, mí uja ĩꞌdiní kãjóŋá mũlũkũdũ la lịlé íngoní ru?’

Ị́jọ́ Uꞌbéŋá 30:17

“ꞌBá ápãrákã idélépi átẹ́pị sĩ jõku ãndrẽ idelépi rĩ, kúrúke kí mịfị́ la kí unze tilé rá ãzíla Núgúnúke kí ĩꞌdi ĩzá ti rá.

Ị́jọ́ Uꞌbéŋá 30:11

“ꞌBá ãzí rĩ kí átẹ́pịka kí wãwã, ãzíla fẽ kí ãwãꞌdĩfô ãndreka ꞌbaní ku.

Ị́jọ́ Uꞌbéŋá 28:24

ꞌBá ĩꞌdi ꞌbã átẹ́pị jõku ãndrẽ ralépi jọlẹ́pi la, “ꞌDĩ adru ị́jọ́ ũnzí ku rĩ,” ají kí ru ꞌbá ꞌbá ꞌdịlépi rĩ be.

Ị́jọ́ Uꞌbéŋá 28:14

ꞌBá idélépi ị́jọ́ ũnzí sĩ ụ̃rị̃ sĩ rĩ la drị̃lẹ́ba ịsụ́ rá, wó ꞌbá drị̃ ũnzí rĩ la fi ũcõgõ ãmbógó la agá.

Ị́jọ́ Uꞌbéŋá 28:7

Ngọ́tị́ŋá ãzị́táŋá tãmbalépi rá rĩ ĩꞌdi ngọ́tị́ŋá ũndũwã rú rĩ ꞌi, wó ngọ́tị́ŋá wọ̃rị̃ ꞌbãlépi anzị rọ̃mmgbọ́ ru rĩ kí abe rĩ la drị̃nzá ají átẹ́pị̃ nî.

Ị́jọ́ Uꞌbéŋá 17:25

Ngọ́tị́ŋá azalépi aza-azâ rĩ la ũcõgõ fẽ átẹ́pị̃ ní nĩ; ãzíla ĩꞌdi ãndrẽ ĩꞌdi tịlépi rĩ ní ásị́ ãzá fẽ.

Ị́jọ́ Uꞌbéŋá 10:1

ꞌDĩ kí ị́jọ́ Sũlũmánĩ ꞌbã uꞌbélé rĩ kî: Ngọ́tị́ŋá ũndũwã rú rĩ la átẹ́pị̃ ní ãyĩkõ fẽ, wó ngọ́tị́ŋá azalépi aza-azâ rĩ la ãndrẽ ní ũcõgõ fẽ.

Ị́jọ́ Uꞌbéŋá 19:27

Mâ ngọ́tị̂, ídrĩ gã ímbátáŋá arelé úmgbé; ígã ꞌdã ị́jọ́ nị̃ŋá.