Ị́jọ́ Uꞌbéŋá 19:12 - Ị́jọ́ Úꞌdí rĩ

¹² Úpí ꞌbã ũmbã ĩꞌdi cécé kẹ̃mị̃ ní awájó rĩ áni; wó ĩꞌdi ꞌbã ásị́ ị̃gbẹ̃ ĩꞌdi cécé andrẹlị́ká kalépi ásé drị̃ gá rĩ áni.

Aringa

¹² Úpí ꞌbã ũmbã ĩꞌdi cécé kẹ̃mị̃ ní awájó rĩ áni; wó ĩꞌdi ꞌbã ásị́ ị̃gbẹ̃ ĩꞌdi cécé andrẹlị́ká kalépi ásé drị̃ gá rĩ áni.

Ị́jọ́ Uꞌbéŋá 19:12 Referans Kwoze

Ị́jọ́ Uꞌbéŋá 20:2

Úpí ꞌbã ũmbã ĩꞌdi cécé kẹ̃mị̃ ꞌbã awájó rĩ áni, ꞌbá ĩꞌdiní adrã fẽlépi rĩ la drã ndrụ̃.

Ị́jọ́ Uꞌbéŋá 28:15

ꞌBá lẽmẽrí ri kí adru ũkpõ kóru drị̃lẹ́ ũnzí rĩ drị́, ĩꞌdi cécé kẹ̃mị̃ awálépi jõku ụ̃bọ̃gụ̃ ru afụlépi ꞌbá rụ́ rĩ áni.

Íꞌdóŋá 27:28

Ãdróŋá ꞌbã fẽ míní uzogó ꞌbụ̃ gá rĩ ãzíla ꞌbã fẽ ámvụ́ mídrị̂ ꞌbã adru kí ãkónã kalépi ambamba rĩ kî rú! Ãdróŋá ꞌbã fẽ míní ãná ꞌbã kakã ãzíla wáyĩnĩ ꞌbã adru míní wẽwẽ rú.

Ãzị́táŋá Amviŋá 33:28

Ị́jọ́ ꞌdĩ sĩ Yãkóꞌbõ la dó sĩ uꞌá ásị́ ị̃gbẹ́ agá ị́jọ́ kóru, kídí Yãkóꞌbõ drị̂ lú ĩꞌdi ãni áꞌdụ̂sĩ ãngũ múké ãná trũ ãzíla wáyĩnĩ trũ, ꞌbụ̃ ꞌbã sĩ andrẹlị́ ũsũjó drị̃ la gá rĩ gá.