Ị́jọ́ Uꞌbéŋá 18:3 - Ị́jọ́ Úꞌdí rĩ

³ Ị́jọ́ ũnzí kí drị̃nzá be acị́ ãngũ ãlu gá, ãzíla drị̃nzá la ãrútáŋá ãkõ fẽ.

Aringa

³ Ị́jọ́ ũnzí kí drị̃nzá be acị́ ãngũ ãlu gá, ãzíla drị̃nzá la ãrútáŋá ãkõ fẽ.

Ị́jọ́ Uꞌbéŋá 18:3 Referans Kwoze

Ị́jọ́ Uꞌbéŋá 22:10

Ídrĩ ꞌbá idemará ru rĩ dro ãmvé, ãgátã gaŋá la fũ rá, ãwãŋá ãzíla úꞌdáŋá la ukó rá.

1 Pétẽrõ 4:14

Údrĩ ĩmi uꞌdá rụ́ Kúrísĩtõ drị́ gá rĩ sĩ, ĩmi drị̃lẹ́ba rú, ãꞌdusĩku Úríndí dị̃zã rú Ãdróŋá drị̂ ꞌbã rijó ĩmi drị̃ gá rĩ sĩ.

Ị́jọ́ Uꞌbéŋá 29:16

Drị̃lẹ́ ũnzí rĩ kí kãlãfe drĩ tụtụ̃, ị́jọ́ ũnzí la vâ tụtụ̃, wó ꞌbá ãlá rĩ kí ꞌbá ũnzí rĩ kí ꞌbã aꞌdéŋá ndre cé.

Ị́jọ́ Uꞌbéŋá 11:2

Ãfó la ꞌbá drị̃ gá drị̃nzá ají, wó ꞌbá ru irilépi vụ̃rụ́lé rĩ ũndũwã rú.

1 Pétẽrõ 4:4

ꞌBá Ãdróŋâ nị̃lépi ku ꞌdĩ kí uꞌá ụ̃sụ̃táŋá sĩ ị́jọ́ ĩminí ĩmi icíjó ị́jọ́ ũnzíkãnã drị̃nzá ru ꞌdĩ kí idéjó ĩꞌba abe ãlu ku rĩ sĩ, kí dó sĩ ĩmi uꞌdá ũnzíkãnã rú.

Ị́jọ́ Uꞌbéŋá 18:2

ꞌBá azalépi aza-azâ rĩ ꞌbã ásị́ ị́jọ́ vãŋá drị̃ gá ku; wó ị́jọ́ ĩꞌdiní lẽlé idélé rĩ sĩ iꞌdajó la ínị̃ ị́jọ́ cé.

Ị́jọ́ Uꞌbéŋá 18:4

Ị́jọ́ jọlé ũndũwã sĩ rĩ ĩꞌdi cécé ị̃yị́ mgbi rĩ áni; ãzíla ũndũwã ĩꞌdi cécé ị̃yị́ kídí ru dịlépi dị̃-dị̃ rĩ áni.

Ị́jọ́ Uꞌbéŋá 13:5

ꞌBá ãlá rĩ ngụ̃ kí ĩnzõ ũnzí, wó ꞌbá ũnzí rĩ kí drị̃nzá ají.