Ị́jọ́ Uꞌbéŋá 18:15 - Ị́jọ́ Úꞌdí rĩ

¹⁵ ꞌBá ũndũwã trũ rĩ kí sáwã pírí sĩ bábá ị́jọ́ ụ̃nị̃jó; kí bị́lẹ́ mmgbọ rú sĩ ị́jọ́ lẽlé ụ̃nị̃lé rĩ arejó.

Aringa

¹⁵ ꞌBá ũndũwã trũ rĩ kí sáwã pírí sĩ bábá ị́jọ́ ụ̃nị̃jó; kí bị́lẹ́ mmgbọ rú sĩ ị́jọ́ lẽlé ụ̃nị̃lé rĩ arejó.

Ị́jọ́ Uꞌbéŋá 18:15 Referans Kwoze

Yãkóꞌbõ 1:5

Wó ꞌbá ãzí ĩmi drĩdríŋĩ gá la drĩ ũndũwã ndrụ̃ sĩ ị́jọ́ Ãdróŋá ꞌbã lẽlé ꞌbã idé rĩ nị̃jó, ꞌbã zị Ãdróŋá ãko pírí fẽlépi ꞌbání ĩndrã kóru, ãzíla vâ ị́jọ́ mî zịlé rĩ ngụ̃lépi ũnzí ku rĩ ꞌi, ĩꞌdi fẽ la ꞌbá pírí ní rá.

Ị́jọ́ Uꞌbéŋá 15:14

ꞌBá ũndũwã rú rĩ ꞌbã ásị́ la ụ̃nị̃táŋá ndrụ̃, wó ꞌbá azalépi aza-azâ rĩ la aza na ãkónã rú.

Lụ́kã 10:39

Mãrị́tã ꞌbã ámvọ́pị Mãríyámũ ri ị́jọ́ arelé Úpî tị gá ĩꞌdiní ĩꞌdi imbá agá ꞌdãá.

Ị́jọ́ Uꞌbéŋá 23:23

Mí ĩgbã míní ị́jọ́ mgbã rĩ ꞌi ãzíla mí ị̃tụ̃ndã ĩꞌdi ku; índrụ̃ míní ũndũwã, ãrútáŋá ãzíla ị́jọ́ vãŋá.

Ị́jọ́ Uꞌbéŋá 9:9

Mí imbá ꞌbá ũndũwã rú rĩ ãzíla ũndũwã ĩꞌdidrị̂ la zo drị̃ gá, mí imbá ꞌbá ãlá rĩ, ĩꞌdi ị́jọ́ nị̃ rá ãzíla ĩꞌdi trũ mụ drị̃ gá.

Ị́jọ́ Uꞌbéŋá 4:7

Ũndũwá ĩꞌdi ụ̃rọ̃drị́ ru, ị́jọ́ ꞌdĩ sĩ lẽ mí ịsụ́ míní ĩꞌdi rá. Ãjẹ̃ la drĩ táni ãko míní trũ adrujó rĩ kí ꞌdụ pírí rá tí, lẽ mí ịsụ́ míní ị́jọ́ vãŋá rá.

Ị́jọ́ Uꞌbéŋá 1:5

Lẽ ꞌbá ũndũwá ru rĩ ꞌbã are ị́jọ́ ꞌdĩ kí ãzíla ꞌbã ũꞌbã kí ị́jọ́ ĩꞌdi ꞌbã ụ̃nị̃lé ꞌbo rĩ kí drị̃ gá, ĩꞌdi ꞌbá ụ̃nị̃táŋá trũ rĩ drị̃ ce ị́jọ́ pịrị rĩ ngajó,

Ị́jọ́ Uꞌbéŋá 10:14

ꞌBá ũndũwã rú rĩ la ị́jọ́ nị̃ŋá tã mba rá, wó ꞌbá azalépi aza-azâ rĩ la lị́kị̃ umve ĩꞌdi ꞌbã tị sĩ.

Ị́jọ́ Uꞌbéŋá 4:5

Índrụ̃ ũndũwã, índrụ̃ míní ị́jọ́ vãŋá; ími drị̃ ꞌbã ãvĩ jõ ị́jọ́ mádrị̂ kí sĩ ku jõku mí uja tị ị́jọ́ la sĩ bụ́lụ́ gá ku.

Ẽfésõ 1:17

Ma Ãdróŋá Úpí ãma ãni Yẹ́sụ̃ Kúrísĩtõ drị́ Átẹ́pị dị̃zã rú rĩ zị sĩ ĩminí ũndũwã Úríndí drị́ gá rĩ fẽjó ãzíla ícétáŋá kí abe, ị́jọ́ ꞌdĩ sĩ ĩmi dó sĩ ĩꞌdi nị̃ ndẽ rá.

Ị́jọ́ Uꞌbéŋá 15:31

Ídrĩ bị́lẹ́ ꞌbã ị́jọ́ sĩ uzájó ími drị̃ gá rĩ kí drị̃ gá rá, mi uꞌá ꞌbá ũndũwã rú rĩ kí drĩdríŋĩ gá rá.