Ị́jọ́ Uꞌbéŋá 17:10 - Ị́jọ́ Úꞌdí rĩ

¹⁰ Uzájó ꞌbá ị́jọ́ vãlépi rá rĩ drị̃ gá rĩ la ĩꞌdi ãzã ko múké, ndẽ ꞌbá azalépi aza-azâ rĩ ị̃ndụ́ cojó kẹ̃lị́ká 100 wó ĩꞌdi ãzãkolépi ku rĩ rá.

Aringa

¹⁰ Uzájó ꞌbá ị́jọ́ vãlépi rá rĩ drị̃ gá rĩ la ĩꞌdi ãzã ko múké, ndẽ ꞌbá azalépi aza-azâ rĩ ị̃ndụ́ cojó kẹ̃lị́ká 100 wó ĩꞌdi ãzãkolépi ku rĩ rá.

Ị́jọ́ Uꞌbéŋá 17:10 Referans Kwoze

Ícétáŋá 3:19

Ma ꞌbá mâ lẽlé rá ꞌdĩ kí tre ãzíla ma kí imbá. Lẽ kí ásị́ ꞌbã ve ásị́ ujajó sĩ ị́jọ́ ũnzí aꞌbejó.

Ị́jọ́ Uꞌbéŋá 29:19

Mí icó ãtíꞌbó imbálé ị́jọ́ jọŋá tị sĩ rĩ sĩ áꞌdụ̂sĩ ku. Drĩ kí táni ị́jọ́ míní jọlé rĩ vã rá tí wó icó kí ãzị́ la ngalé ku.

Ị́jọ́ Uꞌbéŋá 27:22

Ídrĩ táni ꞌbá azalépi aza-azâ rĩ sị̃ jị́kị̃ ife sĩ jị́kị̃ agá cécé ãná sị̃lé rĩ áni, mí icó aza drị̃ la gá rĩ ũfũlé ku.

Ị́jọ́ Uꞌbéŋá 19:25

Íco ꞌbá idemará ru rĩ ꞌbã ị̃ndụ́, ꞌbá ũndũwá kóru rĩ kí dó sĩ ímbátáŋá ụ̃nị̃; mí uzá ꞌbá ị́jọ́ vãlépi rá rĩ drị̃ gá, ĩꞌdi dó sĩ ímbátáŋá ꞌbã ị́jọ́ vã.

Ị́jọ́ Uꞌbéŋá 15:5

ꞌBá azalépi aza-azâ rĩ la átẹ́pị ꞌbã ímbátáŋá gã úmgbé, wó ꞌbá ũndũwá ru rĩ la ímbátáŋá lẽ rá.

Ị́jọ́ Uꞌbéŋá 13:1

Ngọ́tị́ŋá ũndũwã trũ rĩ la átẹ́pị̃ ꞌbã ímbátáŋá are rá. Wó ngọ́tị́ŋá drị̃ ũnzí rĩ are ị́jọ́ sĩ uzájó ĩꞌdi drị̃ gá rĩ ku.

Ị́jọ́ Uꞌbéŋá 17:9

ꞌBá ꞌbá ãzí ꞌbã ị́jọ́ ũnzí trũlépi rĩ la lẽtáŋá ndrụ̃, wó ꞌbá ị́jọ́ ũnzí sị́ nalépi ị̃dị́-ị̃dị́ rĩ la wọ̃rị̃ ãníyágágá rĩ iré rá.

Ị́jọ́ Uꞌbéŋá 17:11

ꞌBá ũnzí rĩ la mvu drị̃lẹ́ ĩꞌdidrị̂ rụ́ rĩ sĩ rá, wó ála ãmbógó ásị́ ị̃gbẹ̃ kóru rĩ tị pẽ sĩ mụjó ĩꞌdiní drị̃rịma fẽjó.