Ị́jọ́ Uꞌbéŋá 16:29 - Ị́jọ́ Úꞌdí rĩ

²⁹ ꞌBá ãgọ̃bị̃ rú rĩ la ĩꞌdi ꞌbã jĩránĩ ulé, ãzíla ĩꞌdi drị̃ la ce gẹ̃rị̃ ũnzí rĩ gá.

Aringa

²⁹ ꞌBá ãgọ̃bị̃ rú rĩ la ĩꞌdi ꞌbã jĩránĩ ulé, ãzíla ĩꞌdi drị̃ la ce gẹ̃rị̃ ũnzí rĩ gá.

Ị́jọ́ Uꞌbéŋá 16:29 Referans Kwoze

Ị́jọ́ Uꞌbéŋá 12:26

ꞌBá ãlá rĩ la ĩꞌdi ꞌbã wọ̃rị̂ tã mba rá, wó gẹ̃rị̃ ꞌbá ũnzí rĩ drị̂ la kí agụ wọ̃rị̂ be bụ́lụ́ gá.

Ị́jọ́ Uꞌbéŋá 3:31

Mí idé ãjã ꞌbá ãgọ̃bị̃ ambamba rĩ sĩ ku jõku mí ũbĩ ĩꞌdi pámvú ku,

2 Pétẽrõ 3:17

Ị́jọ́ ꞌdĩ sĩ, mâ wọ̃rị́ka, ĩminí ị́jọ́ ímbáꞌbá ĩnzõ rú ꞌdĩ ꞌbã kí imbálé rĩ nị̃jó cé rĩ sĩ ĩmba ĩmi tã ꞌbá ãbãlépi ꞌdĩ kí sĩ, ꞌbá ị́jọ́ ũnzí idélépi ꞌdĩ ꞌbã agụ rû sĩ ĩmi ãmvé ãzíla ĩmi aꞌdé rû sĩ ãngũ ĩminí sĩ pá tujó ãlá ꞌdĩ kí agá ku be nĩ.

Ị́jọ́ Uꞌbéŋá 11:9

ꞌBá Ãdróŋá ꞌbã ị́jọ́ ãꞌị̃lépi ku rĩ kí jĩránĩ ĩꞌbadrị̂ kí iza ị́jọ́ ãfũlépi kí tị gá rĩ sĩ, wó nị̃táŋá sĩ ꞌbá ãlá rĩ kí ru pá rá.

Ị́jọ́ Uꞌbéŋá 16:28

ꞌBá ũnzí rĩ la fẽ ãcóŋá ní kpẹ̃lé nĩ, káláŋá la fẽ la wọ̃rị̃ mgbã rĩ la iré rá.

Ị́jọ́ Uꞌbéŋá 16:30

ꞌBá ꞌbá ũbĩlépi mịfị́ sĩ kámị́-kámị́ rĩ la ị́jọ́ ũnzí itú, ꞌbá ru tị mũlépi mgbe-mgbe cí rĩ la fẽ ị́jọ́ ũnzí rĩ la ru idé rá.