Ị́jọ́ Uꞌbéŋá 16:20 - Ị́jọ́ Úꞌdí rĩ

²⁰ ꞌBá ímbátáŋá arelépi rá rĩ la adru málĩ trũ, ꞌbá ásị́ ꞌbãlépi Úpí drị̃ gá rá rĩ la adru drị̃lẹ́ba rú.

Aringa

²⁰ ꞌBá ímbátáŋá arelépi rá rĩ la adru málĩ trũ, ꞌbá ásị́ ꞌbãlépi Úpí drị̃ gá rá rĩ la adru drị̃lẹ́ba rú.

Ị́jọ́ Uꞌbéŋá 16:20 Referans Kwoze

Ị́jọ́ Uꞌbéŋá 19:8

ꞌBá ũndũwã ịsụ́lépi rĩ lẽ ídri ĩꞌdidrị̂ rá; ꞌbá vãtáŋá trũ rĩ la drị̃lẹ́ba ịsụ́ rá.

Mãtáyõ 10:16

“Ĩndre drĩ ma ĩmi tị pẽ cécé kãbĩlõ kí áni uꞌájó ụ̃bọ̃gụ̃ kí drĩdríŋĩ gá. Ị́jọ́ ꞌdĩ sĩ, ĩmi adru ũndũwã rú ị̃nị̃ áni ãzíla ị́jộ kóru ãmámũ áni.

Ị́jọ́ Uꞌbéŋá 8:35

ꞌBá áma ịsụ́lépi rĩ ĩꞌdi ídri ịsụ́, ãzíla Úpí la uꞌá ĩꞌdiní ãyĩkõ sĩ.

Ị́jọ́ Uꞌbéŋá 13:15

ꞌBá ũndũwã rú rĩ la ị̃nzị̃táŋá ịsụ́ rá, wó ꞌbá ũndũwã kóru rĩ la ị̃lị̃kị̃ rá.

Ị́jọ́ Uꞌbéŋá 17:2

Ãtíꞌbó ũndũwã trũ rĩ la adru úpí ru úpí ngọ́pị drị̃nzá ajílépi rĩ drị̃lẹ́ gá; ãzíla ĩꞌdi ãko úpí ꞌbã ngọ́pịka ꞌbadrị́ ãwítã rú rĩ kí awa ĩꞌba abe.

Ị́jọ́ Uꞌbéŋá 13:13

Ídrĩ ímbátáŋá ide idê mi ị́jọ́ ndrụ̃, wó ꞌbá ãzị́táŋá tãmbalépi rĩ la ụ̃rọ̃drị́ la ịsụ́ rá.