Ị́jọ́ Uꞌbéŋá 16:2 - Ị́jọ́ Úꞌdí rĩ

² ꞌBá la icó ũrãlé la ị́jọ́ ĩꞌdidrị̂ kí pírí múké, wó Úpí la ꞌbá ꞌbã ásị́sị́ŋá ụ̃ꞌbị̃ nĩ.

Aringa

² ꞌBá la icó ũrãlé la ị́jọ́ ĩꞌdidrị̂ kí pírí múké, wó Úpí la ꞌbá ꞌbã ásị́sị́ŋá ụ̃ꞌbị̃ nĩ.

Ị́jọ́ Uꞌbéŋá 16:2 Referans Kwoze

Ị́jọ́ Uꞌbéŋá 21:2

Gẹ̃rị̃ pírí ꞌbá ꞌbá ru rĩ drị̂ kí indré ĩꞌdi mịfị́ gá múké, wó Úpí la ị́jọ́ ꞌbá ásị́ gá rĩ amá nĩ.

Lụ́kã 16:15

Yẹ́sụ̃ jọ ĩꞌbaní, “Ĩmi ĩmi ꞌbã ꞌbá múké la ru ꞌbá kí mẹ́lẹ́tị gá cénĩ, wó Ãdróŋá nị̃ ĩmi ásị́ rá. Ãko ꞌbá ꞌbã kí ị́jọ́ ꞌbãlé ũkpó ꞌdĩ kí, Ãdróŋá drị̃lẹ́ gá ãko ãzí ngụ̃lé ũnzí la.

Ị́jọ́ Uꞌbéŋá 30:12

ꞌBá ãzí kí ru ꞌbã ꞌbá ãlá ru kí drị̃ sĩ cénĩ, wó íni ꞌdĩ ũnzõ kí ru ị́jọ́ ũnzí sĩ.

Ị́jọ́ Uꞌbéŋá 24:12

Ídrĩ jọ la, “Wó ãnị̃ ị́jọ́ ꞌdĩ kí drị̃ gá ị́jọ́ ãzí ku.” Ãdróŋá ị́jọ́ ꞌbá ásị́ gá rĩ ndrelépi cé, ãzíla ími ídri tãmbalépi nĩ rĩ nị̃ ị́jọ́ drị̃ la gá ku yã? Icó ꞌbá ãlu-ãlu ũfẽlé ị́jọ́ ĩꞌdi ꞌbã ngalé rĩ kí sĩ ku yã?

Ị́jọ́ Uꞌbéŋá 5:21

Ãꞌdusĩku Úpí la ị́jọ́ ꞌbá ꞌbã ngalé rĩ kí undré, ãzíla mịfị́ ĩꞌdidrị̂ la ãngũ ĩꞌdi ꞌbã sĩ mụjó rĩ kí undré pírí.

Ị́jọ́ Uꞌbéŋá 16:25

Gẹ̃rị̃ ãzí la iꞌdá ími drị̃lẹ́ gá ꞌdâ ãlá ru, wó ãsị̃ŋá gá ĩꞌdi ími agụ drã gá.

Ícétáŋá 2:23

Ma ꞌbá ĩꞌdi vú bĩlépi rĩ kí ụꞌdị́ rá, ꞌbá kãnị́sã Ãdróŋá drị̂ agá rĩ kí sĩ nị̃ la ánị̃ ũrãtáŋá ꞌbá ásị́ gá rĩ kí pírí cé, ị́jọ́ ĩꞌbaní lẽlé rĩ abe. Ma ꞌbá ãlu-ãlu ũfẽ ị́jọ́ ĩꞌdiní idélé rĩ vú sĩ.

Ícétáŋá 2:18

“Ísĩ wárágã mãlãyíkã kãnị́sã Ãdróŋá drị́ Tãyị̃tị́rã gá rĩ ní íni: Ị́jọ́ ꞌdĩ angá kí Ãdróŋá Ngọ́pị drị́, mịfị́ la ãngũ ndrejó rĩ la dị̃ cécé ãcí kolépi bẹ̃kụ̃-bẹ̃kụ̃ rĩ áni, pá la ꞌbã lẽrẽlẽrẽ dị̃jó rĩ cécé aya akálépi ãcí sĩ rĩ ꞌbã ãcí ꞌbã dị̃lé rĩ áni.

Ị́jọ́ Uꞌbéŋá 12:15

Ị́jọ́ ꞌbá azalépi aza-azâ rĩ drị̂ kí adru ĩꞌdi mịfị́ gá pịrị, wó ꞌbá ũndũwã rú rĩ la ị́jọ́ jọlé ĩꞌdiní ímbátáŋá rũ rĩ are rá.

Ị́jọ́ Uꞌbéŋá 17:3

Ála gólũdĩ kí ụ̃ꞌbị̃ sílĩvã be ãcí sĩ, wó Úpí la ásị́ ꞌbádrị̂ ụ̃ꞌbị̃ nĩ.