Ị́jọ́ Uꞌbéŋá 16:17 - Ị́jọ́ Úꞌdí rĩ

¹⁷ ꞌBá ãlá rĩ kí acị́ gẹ̃rị̃ kí agụlépi ị́jọ́ ũnzí gá ku rĩ kí agâ sĩ, ꞌbá ĩꞌdi ꞌbã gẹ̃rị̃ tãmbalépi rá rĩ la ru ídri tãmba rá.

Aringa

¹⁷ ꞌBá ãlá rĩ kí acị́ gẹ̃rị̃ kí agụlépi ị́jọ́ ũnzí gá ku rĩ kí agâ sĩ, ꞌbá ĩꞌdi ꞌbã gẹ̃rị̃ tãmbalépi rá rĩ la ru ídri tãmba rá.

Ị́jọ́ Uꞌbéŋá 16:17 Referans Kwoze

Ị́jọ́ Uꞌbéŋá 19:16

ꞌBá ãzị́táŋá tãmbalépi rĩ mba ru ídri tã rá; wó ꞌbá ãzị́táŋá tãmbalépi ku rĩ la drã rá.

Ị́jọ́ Uꞌbéŋá 10:9

ꞌBá ị́jọ́ pịrị rĩ ngalépi rĩ la acị́ ụ̃rị̃ kóru, wó ꞌbá ị́jọ́ pịrị rĩ ngalépi ku rĩ ị́jọ́ la ĩꞌdi ịsụ́ rá.

Ícétáŋá 3:10

Míní ị́jọ́ mání azịlé míní rĩ kí tãmbajó, ãzíla ị́jọ́ kí tajó ásị́ jã sĩ rĩ sĩ, ma ími tãmba ũcõgõ drụ́zị́ amụ́lépi ꞌbá ụ̃nọ́kụ́ drị̃ gá ꞌdĩ kí ụ̃ꞌbị̃jó pírí rĩ sĩ rá.

Yụ́dã 1:21

Ĩmba ĩmi tã lẽtáŋá Ãdróŋá drị̂ agá, ĩminí ásị́ ị̃gbẹ̃ Úpí ãma ãni Yẹ́sụ̃ Kúrísĩtõ drị́ rĩ sĩ ĩmi ajíjó ídri ukólépi ku rĩ agá rĩ tẽjó.

Ẽbũrãníyã 10:39

Ãma adru ꞌbá ĩtrĩlépi gõlépi vúlé, ãzíla mụlépi lị́kị̃ gá rĩ kî ku, wó ꞌbá ãꞌị̃táŋâ trũ ãzíla ru palépi rá ꞌdĩ kî.

ꞌEtáŋá 24:16

Ị́jọ́ ꞌdĩ sĩ, ma dó áma itú bábá ụ́ꞌdụ́ pírí sĩ ị́jọ́ ãlá mání icólé idélé rĩ idéjó Ãdróŋâ drị̃lẹ́ gá ãzíla ꞌbá ꞌbá ru rĩ drị̃lẹ́ gá.

ꞌEtáŋá 10:35

Sụ́rụ́ wẽwẽ rú ꞌdĩ kí agá ꞌdâ, ãꞌị̃ ꞌbá ĩꞌdi rụ́ ịcụ́lépi ãzíla ꞌbá ị́jọ́ mgbã ngalépi rĩ kí rá.

Mãtáyõ 24:13

Wó ꞌbá pá tulépi ũkpó ru kpere ãsị̃ŋá gá rĩ la ru pa rá.

Yụ́dã 1:24

Dị̃zã ꞌbã adru pírí Ãdróŋá ní ĩꞌdi ꞌbá icólépi ĩmi tãmbalépi ĩminí sĩ aꞌdéjó ị́jọ́ ũnzí agá ku rĩ ꞌi, ãzíla ĩꞌdi mụ ĩmi iꞌdalé dị̃zã ĩꞌdidrị́ ãlá ꞌdã agá ãyĩkõ ãmbógó la trũ ị́jọ́ ũnzî kóru rá.

Ị́jọ́ Uꞌbéŋá 4:23

Ị́jọ́ ꞌdĩ kí agâ sĩ pírí, ímba ími ásị́ tã, ãꞌdusĩku ĩꞌdi kídí ídri drị̂ ꞌi.

Ị́jọ́ Uꞌbéŋá 21:23

ꞌBá ru tị tãmbalépi ĩdra be rá rĩ mba ru tã ị́jọ́ ũnzí gá rá.

Ị́jọ́ Uꞌbéŋá 22:5

Gẹ̃rị̃ ꞌbá ũnzí rĩ ꞌbadrị̂ kí agá ụ̃cị́kị́ kí mãtégõ be cí, wó ꞌbá ru tãmbalépi mba-mbã rĩ acị́ gẹ̃rị̃ ĩꞌbãdrị̂ kí agâ sĩ ku.