Ị́jọ́ Uꞌbéŋá 15:27 - Ị́jọ́ Úꞌdí rĩ

²⁷ ꞌBá rọ̃mmgbọ́ ru rĩ la ũcõgõ ají lị́cọ́ ĩꞌdidrị̂ nî, wó ꞌbá ị́jọ́ sĩ ꞌbá mịfị́ sajó ãko ãzí sĩ rĩ gãlépi úmgbé rĩ la uꞌá ílí ãzo rú.

Aringa

²⁷ ꞌBá rọ̃mmgbọ́ ru rĩ la ũcõgõ ají lị́cọ́ ĩꞌdidrị̂ nî, wó ꞌbá ị́jọ́ sĩ ꞌbá mịfị́ sajó ãko ãzí sĩ rĩ gãlépi úmgbé rĩ la uꞌá ílí ãzo rú.

Ị́jọ́ Uꞌbéŋá 15:27 Referans Kwoze

Ị́jọ́ Uꞌbéŋá 1:19

Málĩ ịsụ́lé gẹ̃rị̃ ũnzí sĩ rĩ la sáwã pírí sĩ drã ajị́ ꞌbá rọ̃mmgbọ́ ru rĩ drị̃ gá, ị́jọ́ ꞌdĩ áni rĩ la ru idé ꞌbá rọ̃mmgbọ́ ru rĩ ụrụꞌbá gá rá.

Ãfũŋá 23:8

“Ĩfẽ ꞌbá ãzí ꞌbã sa ĩmi mịfị́ ãko ãzí sĩ ku, ãꞌdusĩku ꞌbá mịfị́ sajó ãko ãzí sĩ rĩ la ꞌbá mịfị́ ãzụ̃ sĩ ị́jọ́ pịrị rĩ ndrejó cí. ꞌBá mịfị́ sajó ãko ãzí sĩ rĩ la ꞌbá ị́jọ́ pịrị rĩ ngalépi rĩ fẽ ị́jọ́ pịrị rĩ ꞌbã ífí ujajó ndú.

Ị́jọ́ Uꞌbéŋá 11:29

ꞌBá cãndí ajílépi ꞌbá ĩꞌdidrị́ kogá rĩ ꞌbaní rĩ ịsụ́ ãko ãzí ãwítã ru la ku, ꞌbá azalépi aza-azâ rĩ la adru ãtíꞌbó ꞌbá ũndũwá trũ rĩ ãni.

Ãzị́táŋá Amviŋá 16:19

ꞌBá ị́jọ́ lịlẹ́pi rĩ ꞌbã atrị ị́jọ́ lịlẹ́ mgbã rĩ ku, jõku ꞌba uya ꞌbá kí ku. Mí aꞌị́ séndẽ sĩ ꞌbá mịfị́ sajó rĩ ku, ãꞌdusĩku ĩꞌdi ꞌbá ũndũwã rú rĩ ꞌbã mịfị́ ãsã cí ãzíla ꞌbá ị́jọ́ mgbãrĩ idélépi rĩ fẽ ị́jọ́ pịrị rĩ ujalé ị́jọ́ ũnzí ru.

Ãfũŋá 18:21

Ũꞌbãjó la ꞌdĩ drị̃ gá, lẽ mí ũpẽ ꞌbá icólépi rá rĩ kí, lẽ ꞌba adru kí ꞌbá idélépi ụ̃rị̃ sĩ Ãdróŋá sĩ rĩ kî, icójó ásị́ tịjó kí drị̃ gá rá ãzíla ꞌbá séndẽ sĩ ꞌba mịfị́ sajó rĩ ngụ̃lépi ũnzí rĩ kî. Íꞌbã kí ãmbogo rú ị́jọ́ lịlẹ́ ꞌbá álĩfũ drị̂ kí, ꞌbá túrú drị̂ kí, ꞌbá kãlị́ tõwú drị̂ kí, ãzíla ꞌbá mụdrị́ drị̂ kí drị̃lẹ́ gá.

Ị́jọ́ Uꞌbéŋá 29:4

Úpí ị́jọ́ lịlẹ́pi pịrị rĩ la fẽ sụ́rụ́ ĩꞌdidrị̂ la pá tu ũkpó ru, wó drĩ ru lẽ mịfị́ saŋá sĩ, sụ́rụ́ ĩꞌdidrị̂ la andi rá.

Ị́jọ́ Uꞌbéŋá 28:16

Drị̃lẹ́ ị́jọ́ vãlépi ku rĩ ĩꞌdi ꞌbá kí ĩkpã-ĩkpã, wó ꞌbá ãko ịsụ́lé gẹ̃rị̃ pịrị rĩ sĩ ku rĩ ngụ̃lépi ũnzí rĩ la uꞌá ídri rú ụ́ꞌdụ́ ãzo rú.

Ị́jọ́ Uꞌbéŋá 20:21

ꞌBá ãwítã ịsụ́lépi mbẽlẽ iꞌdóŋá gá rĩ, icó adrulé drị̃lẹ́ba rú ãsị̃ŋá gá ku.

Ị́jọ́ Uꞌbéŋá 11:19

ꞌBá pá tulépi ị́jọ́ mgbã rĩ drị̃ gá rĩ la ídri ịsụ́, wó ꞌbá ị́jọ́ ũnzí ngalépi rĩ la drã rá.

Ãzị́táŋá Amviŋá 7:26

Mí ají ãdroŋa idélé drị́ sĩ ꞌdĩ kí ꞌbã ãzí mídrị́ lị́cọ́ gá ku, ídrĩ kí ají rá áwãtáŋá kí wãjó rĩ la ru uja ími drị̃ gá. Lẽ íngụ̃ ãko ꞌdĩ kí ũnzí ãꞌdusĩku Ãdróŋá wã kí rá.”

1 Tị̃mị̃tị́yọ̃ 6:9

ꞌBá lẽlépi acálépi kụ́rẹ́nị́ ru rĩ kí aꞌdé ụ̃ꞌbị̃táŋá agá ãzíla kí gbã mãtégõ gá, ị́jọ́ ũnzí ĩꞌba ãni aza rú ĩꞌbaní lẽlé ꞌdĩ kí kí agụ drã gá ãzíla ị̃lị̃kị̃jó.

1 Tị̃mị̃tị́yọ̃ 6:10

Lẽtáŋá séndẽ lẽjó rĩ ĩꞌdi ízókí ị́jọ́ ũnzí pírí ꞌbadrị́ rĩ ꞌi. ꞌBá séndẽ lẽlépi ịsụ́lépi ambamba rĩ kí ndrụ̃ la gẹ̃rị̃ ũnzí sĩ. Ị́jọ́ ꞌdĩ fẽ aꞌbe kí ãꞌị̃táŋá Yẹ́sụ̃ agá rĩ rá, ũcõgõ la kí ásị́ lị, kí dó úꞌdîꞌda drị̃ cị ị́jọ́ ũnzí drị́.

Ị́jọ́ Uꞌbéŋá 15:26

Úpí ngụ̃ ígátáŋá ꞌbá ũnzí rĩ ꞌbadrị̂ ũnzí, wó ị́jọ́ jọlé ásị́ ị̃gbẹ̃ sĩ rĩ la ĩꞌdiní ãyĩkõ fẽ nĩ.

Ị́jọ́ Uꞌbéŋá 23:4

Mí iza ími ũkpó pírí sĩ málĩ ndrụ̃jó ku, mí adru ũndũwã rú sĩ ị́jọ́ ꞌdĩ drị̃ atrịjó,

Ị́jọ́ Uꞌbéŋá 28:25

ꞌBá rọ̃mmgbọ́ trũ rĩ la ãcóŋá ají ꞌbá kí drĩdríŋĩ gá, wó ásị́ ꞌbãjó Úpí drị̃ gá rĩ la drị̃lẹ́ba fẽ.