Ị́jọ́ Uꞌbéŋá 15:14 - Ị́jọ́ Úꞌdí rĩ

¹⁴ ꞌBá ũndũwã rú rĩ ꞌbã ásị́ la ụ̃nị̃táŋá ndrụ̃, wó ꞌbá azalépi aza-azâ rĩ la aza na ãkónã rú.

Aringa

¹⁴ ꞌBá ũndũwã rú rĩ ꞌbã ásị́ la ụ̃nị̃táŋá ndrụ̃, wó ꞌbá azalépi aza-azâ rĩ la aza na ãkónã rú.

Ị́jọ́ Uꞌbéŋá 15:14 Referans Kwoze

Ị́jọ́ Uꞌbéŋá 9:9

Mí imbá ꞌbá ũndũwã rú rĩ ãzíla ũndũwã ĩꞌdidrị̂ la zo drị̃ gá, mí imbá ꞌbá ãlá rĩ, ĩꞌdi ị́jọ́ nị̃ rá ãzíla ĩꞌdi trũ mụ drị̃ gá.

Ị́jọ́ Uꞌbéŋá 18:15

ꞌBá ũndũwã trũ rĩ kí sáwã pírí sĩ bábá ị́jọ́ ụ̃nị̃jó; kí bị́lẹ́ mmgbọ rú sĩ ị́jọ́ lẽlé ụ̃nị̃lé rĩ arejó.

2 Pétẽrõ 3:18

Wó ĩzo ásị́ ị̃gbẹ̃ ãzíla nị̃táŋá Úpí ãma ãni ꞌBá ꞌbá Palépi ꞌdĩ Yẹ́sụ̃ Kúrísĩtõ drị̂ agá. Dị̃zã ꞌbã adru ĩꞌdiní iꞌdójó ãzíla jã ꞌdâ. Ámĩnã.

ꞌEtáŋá 17:11

ꞌBá Yãhụ́dị̃ rú Bẽréyã gá rĩ kí ndẽ kí dó ꞌbá Tẹ̃sãlọ̃nị́kị̃ gâlé rĩ kí ásị́ ị̃gbẹ̃ sĩ rá. ꞌBã kí bị́lẹ́ ásị́ káyĩ sĩ ị́jọ́ jọlé rĩ arejó, ãzíla ụ́ꞌdụ́ ãlu-ãlu sĩ ri kí vâ ị́jọ́ sĩlé bụ́kụ̃ gá rĩ lãlé ndrejó la ị́jọ́ Páwụ̃lọ̃ ꞌbã jọlé rĩ kí ãndá-ãndá ru yã áni.

Ị́jọ́ Uꞌbéŋá 1:5

Lẽ ꞌbá ũndũwá ru rĩ ꞌbã are ị́jọ́ ꞌdĩ kí ãzíla ꞌbã ũꞌbã kí ị́jọ́ ĩꞌdi ꞌbã ụ̃nị̃lé ꞌbo rĩ kí drị̃ gá, ĩꞌdi ꞌbá ụ̃nị̃táŋá trũ rĩ drị̃ ce ị́jọ́ pịrị rĩ ngajó,

Ị́jọ́ Uꞌbéŋá 12:23

ꞌBá ũndũwá rú rĩ icé kí ru ũndũwã ĩꞌbadrị̂ sĩ ku, wó ꞌbá azalépi aza-azâ rĩ kí aza ĩꞌbadrị̂ iꞌda tọndọlọ.

Ị́jọ́ Uꞌbéŋá 15:15

Ídri ꞌbá ĩkpãlé ĩkpã-ĩkpã rĩ ꞌbadrị̂ la adru sáwã pírí sĩ ũcõgõ rú, wó ꞌbá ásị́ agá ãyĩkõ rú rĩ la uꞌá sáwã pírí sĩ ãyĩkõ sĩ.