Ị́jọ́ Uꞌbéŋá 14:17 - Ị́jọ́ Úꞌdí rĩ

¹⁷ ꞌBá ásị́ ãcí rĩ la ị́jọ́ azajó aza-azâ rĩ kí nga, ála ꞌbá ị́jọ́ ũnzí itúlépi ꞌbá ãzí rụ́ rĩ ngụ̃ ũnzí.

Aringa

¹⁷ ꞌBá ásị́ ãcí rĩ la ị́jọ́ azajó aza-azâ rĩ kí nga, ála ꞌbá ị́jọ́ ũnzí itúlépi ꞌbá ãzí rụ́ rĩ ngụ̃ ũnzí.

Ị́jọ́ Uꞌbéŋá 14:17 Referans Kwoze

Ị́jọ́ Uꞌbéŋá 14:29

ꞌBá ũmbã rụlépi mbẽlẽ ku rĩ ĩꞌdi vãtáŋá trũ, wó ꞌbá ásị́ ãcí rĩ la ru aza iꞌda tọndọlọ.

Ị́jọ́ Uꞌbéŋá 29:22

ꞌBá ũmbá rĩ la ãcóŋá ajị́ ãzíla ꞌbá ásị́ ãcí rĩ la ị́jọ́ ũnzí idé wẽwẽ rú.

Yãkóꞌbõ 1:19

Má ádrị́pịka ãzíla má ãmvọpịka mání lẽlé ꞌdĩ, lẽ ĩnị̃ ị́jọ́ ꞌdĩ ꞌi, ĩmi pírí ꞌbã adru kí ꞌbá ị́jọ́ arelépi mbẽlẽ rú, wó gbágbá kóru, ãzíla idélépi ũmbã sĩ mbẽlẽ ku íni la kî.

Ị́jọ́ Uꞌbéŋá 15:18

ꞌBá ásị́ ãcí rĩ la ãgátã ají, wó ꞌbá ị́jọ́ talépi rĩ la ãwãŋá atrị rá.

Ị́jọ́ Uꞌbéŋá 22:24

Írụ wọ̃rị̃ ꞌbá ásị́ ãcí rĩ be ku, mí uꞌá ꞌbá ũmbã rụlépi mbẽlẽ rĩ be ku,

Ị́jọ́ Uꞌbéŋá 16:32

ꞌBá ũmbã rụlépi gbõrú ku rĩ ndẽ ꞌbá ũkpó trũ rĩ rá, ãzíla ꞌbá ru ũmbã ụtrị́lépi rá rĩ ndẽ ꞌbá táwụ̃nị̃ ãmbógó rĩ ꞌdụlépi rĩ rá.

Ị́jọ́ Uꞌbéŋá 12:16

ꞌBá azalépi aza-azâ rĩ la ũmbã ĩꞌdidrị̂ iꞌda cọtị́, wó ꞌbá ũndũwá rú rĩ la ĩyãŋã tútú údrĩ táni ĩꞌdi uꞌdá rĩ gá.

Ị́jọ́ Uꞌbéŋá 12:2

ꞌBá múké rĩ la ásị́ ị̃gbẹ̃ ịsụ́ Úpí drị́, wó ĩꞌdi ị́jọ́ lị ꞌbá ũnzí rĩ drị̃ gá rá.

Ị́jọ́ Uꞌbéŋá 6:18

ꞌbá ị́jọ́ ũnzí itúlépi kí ásị́ gá rĩ kí, ꞌbá cẹ̃lépi ị́jọ́ ũnzí gá mbẽlẽ rú rĩ kí,

Ị́jọ́ Uꞌbéŋá 14:16

ꞌBá ũndũwá ru rĩ la idé ụ̃rị̃ sĩ ãzíla ĩꞌdi ru uná ị́jọ́ ũnzí sĩ uná-unâ, wó ꞌbá azalépi aza-azâ rĩ la ị́jọ́ cí rĩ nga kpí gbõ rú ũrã ꞌa la ku rú.

Ị́jọ́ Uꞌbéŋá 14:18

ꞌBá azalépi aza-azâ rĩ la ũndũwá ãkõ ịsụ́ ãwítã rú, wó ꞌbá ũndũwá ru rĩ la nị̃táŋá ịsụ́.

Ị́jọ́ Uꞌbéŋá 20:3

Ĩꞌdi ị̃nzị̃táŋá ru ꞌbá ãwãŋá gãlépi úmgbé rĩ nî, wó ꞌbá azalépi aza-azâ rĩ la ãwãŋá iꞌdó gbõrú-gbõrú.