Ị́jọ́ Uꞌbéŋá 14:15 - Ị́jọ́ Úꞌdí rĩ

¹⁵ ꞌBá azalépi aza-azâ rĩ la ị́jọ́ cí jọlé ĩꞌdiní rĩ ãꞌị̃-ãꞌị̃, wó ꞌbá ũndũwá ru rĩ la ị́jọ́ ꞌa ũrã ráká ĩꞌdi nga la ĩndõ.

Aringa

¹⁵ ꞌBá azalépi aza-azâ rĩ la ị́jọ́ cí jọlé ĩꞌdiní rĩ ãꞌị̃-ãꞌị̃, wó ꞌbá ũndũwá ru rĩ la ị́jọ́ ꞌa ũrã ráká ĩꞌdi nga la ĩndõ.

Ị́jọ́ Uꞌbéŋá 14:15 Referans Kwoze

Ẽfésõ 5:17

Wó ĩmi uꞌá ꞌbá azalépi aza-azâ rĩ kí áni ku, lẽ ĩnị̃ ị́jọ́ Úpí ꞌbã lẽlé rĩ áyụ.

Ị́jọ́ Uꞌbéŋá 14:8

ꞌBá ũndũwá rú rĩ nị̃ ꞌi ãꞌdu ị́jọ́ idé yã rĩ gá rá, wó aza ꞌbá azalépi aza-azâ rĩ ꞌbadrị̂ la kí ulé nĩ.

Ị́jọ́ Uꞌbéŋá 27:12

ꞌBá ũndũwá ru rĩ la ị́jọ́ ũnzí ndre ãzíla ĩꞌdi sĩ apá rá, wó ꞌbá ị́jọ́ ũrãlépi ku rĩ lã fi alagá ãzíla ĩꞌdi ĩꞌdi drị̃ gá ũcõgõ ají.

Ị́jọ́ Uꞌbéŋá 4:26

Gẹ̃rị̃ míní acị́jó rĩ ꞌbã adru ị́jọ́ pịrị drị̂ ꞌi ãzíla ị́jọ́ míní ngalé rĩ kí dó sĩ adru pịrị.

1 Yõhánã 4:1

ꞌBá mání lẽlé ambamba ꞌdĩ, ĩmi ãꞌị̃ ị́jọ́ ãfũlépi ꞌbá jọlépi la ꞌi ꞌbá kí imbá ị́jọ́ Úríndí Ãdróŋá drị̂ ꞌbã fẽlé nĩ rĩ sĩ rĩ ku. Ĩmi amá úríndí pírí kí ráká, sĩ nị̃jó la úríndí ꞌdĩ angá Ãdróŋá drị́, ãꞌdusĩku nãbịya ĩnzõ rú ũꞌbí ꞌdĩ mụ kí ụ̃nọ́kụ́ gâlé ꞌdĩ.

Ẽfésõ 4:14

Ãma icó dó sĩ adrulé anzị nírí ru tulé drị̃ gá ãzíla vúlé ãlụ́kụ́kụ̃ ímbátáŋá ĩnzõ rú drị̂ ꞌbã ujílé léru-léru rĩ rú ị̃dị́ ku. ꞌBá ũndũwã ĩnzõ rú ãzíla ị́jọ́ ĩnzõ rú ꞌdĩ kí itúlépi rĩ ícó kí ulélé ku.

ꞌEtáŋá 13:7

Ĩꞌdi ándrá wọ̃rị́ Sẹ̃rẹ̃gị́yọ̃ Páwụ̃lọ̃ ãmbógó ãngũ ị̃yị́ ꞌbã celé trộkị́lịrị rĩ drị̂ ꞌi, vâ ãmbógó ãzí úŋmĩ trũ íni la, pẽ ꞌbá tị mụlé Bãrãnábã kí umvelé Sáwụ̃lọ̃ be ĩꞌdi drị̃lẹ́ gâ sĩ ị́jọ́ Ãdróŋá drị̂ arejó.

Ị́jọ́ Uꞌbéŋá 22:3

ꞌBá ị́jọ́ ꞌa uyalépi ũndũwá sĩ rĩ la ị́jọ́ ũnzí amụ́lépi rĩ ndre údu rú ãzíla ĩꞌdi ru zị̃ rá, wó ꞌbá ũndũwá kóru rĩ la mụ drị̃ gá ãzíla ĩꞌdi fi drị̃lẹ́ ũnzĩ amụ́lépi rĩ agá nĩ.

Ị́jọ́ Uꞌbéŋá 14:14

Ála ꞌbá ãꞌị̃táŋá kóru rĩ kí ũfẽ ị́jọ́ ũnzí ĩꞌbadrị̂ kî sĩ, ãzíla ála ꞌbá ãlá rĩ kí ũfẽ ị́jọ́ múké ĩꞌbã kí ngalé rĩ kî sĩ.

Ị́jọ́ Uꞌbéŋá 14:16

ꞌBá ũndũwá ru rĩ la idé ụ̃rị̃ sĩ ãzíla ĩꞌdi ru uná ị́jọ́ ũnzí sĩ uná-unâ, wó ꞌbá azalépi aza-azâ rĩ la ị́jọ́ cí rĩ nga kpí gbõ rú ũrã ꞌa la ku rú.

Ị́jọ́ Uꞌbéŋá 17:4

ꞌBá ị́jọ́ ũnzí idélépi rĩ kí ị́jọ́ are ꞌbá ũnzí rĩ kí tị gá; ĩnzóꞌbá la ĩnzõ are ĩnzóꞌbá ãzí tị gá.