Ị́jọ́ Uꞌbéŋá 11:21 - Ị́jọ́ Úꞌdí rĩ

²¹ ꞌBá ị́jọ́ ũnzí idélépi rĩ ꞌbaní ála drị̃rịma fẽ ãndá-ãndá ru, wó ꞌbá ãlá rĩ kí acị́ drị̃lẹ́mmgbọ sĩ.

Aringa

²¹ ꞌBá ị́jọ́ ũnzí idélépi rĩ ꞌbaní ála drị̃rịma fẽ ãndá-ãndá ru, wó ꞌbá ãlá rĩ kí acị́ drị̃lẹ́mmgbọ sĩ.

Ị́jọ́ Uꞌbéŋá 11:21 Referans Kwoze

ꞌEtáŋá 2:39

Ị́jọ́ Ãdróŋá ꞌbã azịlé ꞌdĩ bãsĩ ĩminí anzị ĩmidrị̂ abe, ãzíla ꞌbá Ãdróŋá ꞌbã mụlé umvelé ĩꞌdi rụ́ ꞌdõlé ãngũ álị́ gá ꞌdĩ kí abe.”

Ị́jọ́ Uꞌbéŋá 16:5

Úpí ngụ̃ ꞌbá pírí ãfó ru ásị́ gá rĩ kí ũnzí, icó kí aꞌbelé drị̃rịma kóru ku.

Ị́jọ́ Uꞌbéŋá 13:22

ꞌBá múké rĩ la anzị ĩꞌdidrị̂ ꞌbã anzị ꞌbaní ãwítã aꞌbe, wó ꞌbá ũnzí rĩ ꞌbã málĩ kí ála kí tãmba ꞌbá ãlá rĩ ꞌbanî.

Ãfũŋá 23:2

“Ĩbĩ ũꞌbí ị́jọ́ ũnzí idélépi rĩ kí vú ku. Údrĩ ĩmi umve ị́jọ́ ị̃ndụ́ nzelé sãdínĩ rú dũwánĩ drị̃lẹ́ gá, ĩfi jõ ũꞌbí ꞌbaní ị́jọ́ pịrị rĩ ífí ujajó ĩnzõ rú ku,

Ị́jọ́ Uꞌbéŋá 11:20

Úpí ngụ̃ ꞌbá ásị́ ũnzí rĩ kí ũnzí, wó ĩꞌdi uꞌá ãyĩkõ sĩ la ꞌbá acị́lépi ị́jọ́ múké agá rĩ kî sĩ.

Ị́jọ́ Uꞌbéŋá 11:22

Ũkú ũniyambamba ị́jọ́ nị̃lépi ku rĩ, ĩꞌdi cécé fõrĩfõrĩŋá gólũdĩ rú gĩlé ĩzõgó ũmvu gá rĩ áni.

Ãfũŋá 23:7

“Ĩtõ ꞌbá ĩnzõ sĩ ku ãzíla ĩfẽ ꞌbá ị́jọ́ kóru rĩ ní drãlé ku ãꞌdusĩku ma ꞌbá pírí ị́jọ́ ũnzí ꞌdĩ áni rĩ kí idélépi rĩ kí ị́jọ́ lị rá.

Ị́jọ́ Uꞌbéŋá 12:21

Ị́jọ́ ũnzí icó aꞌdélé ꞌbá ãlá rĩ kí drị̃ gá ku, wó ị́jọ́ ꞌbá ũnzí rĩ ꞌbadrị̂ ꞌbã ngá lú ũcõgõ.