Ị́jọ́ Uꞌbéŋá 11:11 - Ị́jọ́ Úꞌdí rĩ

¹¹ Sụ̃sụ́ ꞌbá ãlá rĩ ꞌbaní wilé ị́jọ́ pịrị sĩ rĩ sĩ táwụ̃nị̃ rụ́ la ru inga ụrụgá, wó ị́jọ́ ꞌbá ũnzí rĩ ꞌbã kí jọlé rĩ sĩ táwụ̃nị̃ la andi rá.

Aringa

¹¹ Sụ̃sụ́ ꞌbá ãlá rĩ ꞌbaní wilé ị́jọ́ pịrị sĩ rĩ sĩ táwụ̃nị̃ rụ́ la ru inga ụrụgá, wó ị́jọ́ ꞌbá ũnzí rĩ ꞌbã kí jọlé rĩ sĩ táwụ̃nị̃ la andi rá.

Ị́jọ́ Uꞌbéŋá 11:11 Referans Kwoze

Ị́jọ́ Uꞌbéŋá 14:34

Ị́jọ́ mgbã rĩ la sụ́rụ́ inga ụrụ gá nĩ, wó ị́jọ́ ũnzĩ la sụ́rụ́ ní drị̃nzá ajị́.

Ị́jọ́ Uꞌbéŋá 29:8

ꞌBá idemará ru rĩ kí táwụ̃nị̃ ꞌa usa ũmbã sĩ, wó ꞌbá ũndũwã rú ri kí ũmbã ịgbẹ rá.

Yãkóꞌbõ 3:6

Ĩdra ĩꞌdi cécé ãcí áni, ĩꞌdi ụrụꞌbá ꞌbã wókõ galépi ị́jọ́ ũnzí sĩ tré rĩ ꞌi, ĩꞌdi ꞌbá ꞌbã mgbã rĩ iza pírí. Ĩꞌdi ꞌbá ꞌbã ídri ãcí su ãcí ukólépi ku rĩ sĩ rá.

Íꞌdóŋá 45:8

“Ị́jọ́ ꞌdĩ sĩ adru ĩmi ãpẽ áma tị ꞌdõlé ĩmi ꞌi la ku wó Ãdróŋá ꞌi. Fẽ má acá úpí Fãráwũ ní ꞌbá ímbátáŋá fẽlépi rĩ rú. Ma ãmbógó ru ĩꞌdidrị́ ãngũ rĩ drị̃ gá ꞌdâ pírí; ma ãngũ Mị̃sị́rị̃ drị̂ drị̃ ce pírí ma ꞌi.

Ị́jọ́ Uꞌbéŋá 11:10

ꞌBá ãlá rĩ ꞌbã málĩ drị̃ kí tụtụ̃ táwụ̃nị̃ agá ãyĩkõ la adru cí, ꞌbá ũnzí rĩ drị̃ kí ị̃lị̃kị̃; ꞌbá kí uzá ãyĩkõ sĩ.

Ị́jọ́ Uꞌbéŋá 11:12

ꞌBá ĩꞌdi ꞌbã jĩránĩ idélépi rĩ la aza-ãzã, wó ꞌbá ị́jọ́ vãlépi rá rĩ la ĩyãŋã tú.

Ị́jọ́ Uꞌbéŋá 28:2

Sụ́rụ́ Ãdróŋâ gãlépi sĩ rĩ ꞌbã drị̃lẹ́ kí adru wẽwẽ rú, wó sụ́rụ́ drị̃lẹ́ la ꞌbã kí sĩ adrujó ũndũwã rú ãzíla ị́jọ́ vãŋá trũ rĩ la pá tu ũkpó ru.