Ị́jọ́ Uꞌbéŋá 10:21 - Ị́jọ́ Úꞌdí rĩ

²¹ ꞌBá ãlá rĩ ꞌbã ị́jọ́ la ꞌbá ũꞌbí kí ásị́ imbá, wó ꞌbá azalépi aza-azâ rĩ la ru ꞌdị ĩꞌdi ꞌbã ãnị́ ãkõ sĩ.

Aringa

²¹ ꞌBá ãlá rĩ ꞌbã ị́jọ́ la ꞌbá ũꞌbí kí ásị́ imbá, wó ꞌbá azalépi aza-azâ rĩ la ru ꞌdị ĩꞌdi ꞌbã ãnị́ ãkõ sĩ.

Ị́jọ́ Uꞌbéŋá 10:21 Referans Kwoze

Ị́jọ́ Uꞌbéŋá 17:16

Ála séndẽ fẽ ꞌbá azalépi aza-azâ rĩ drị́ gá sĩ ị́jọ́ ụ̃nị̃jó íngoní ru, ịsụ́ ꞌdĩ sĩ ásị́sị́ŋá la gã ị́jọ́ ụ̃nị̃lé úmgbé?

Mãtáyõ 13:19

ꞌBá ị́jọ́ Sụ́rụ́ ꞌBụ̃ gá rĩ drị̂ arelépi rá, wó ífí la vãlépi ku rĩ kí cécé ũri uꞌdelépi gẹ̃rị̃ tị gá rĩ áni. Sĩtánĩ la amụ́ ị́jọ́ Sụ́rụ́ ꞌBụ̃ gá rĩ drị̂ ũlũlé rĩ palé kí ásị́ gá ꞌdâ rá.

Ị́jọ́ Uꞌbéŋá 1:29

Ĩminí ándrá nị̃táŋá gãjó úmgbé ãzíla ĩminí Úpí ụ̃rị̃jó ku,

Ị́jọ́ Uꞌbéŋá 15:4

Ĩdra ꞌbá adrílépi rĩ ĩꞌdi ife ídri fẽlépi rĩ ꞌi, wó ĩdra úlétáŋá ulélépi rĩ la úríndí ịgbẹ́-ịgbệ.

Ị́jọ́ Uꞌbéŋá 5:23

Ĩꞌdi mụ drãlé ĩꞌdi ꞌbã ru tã mbajó ku rĩ sĩ, Ĩꞌdi ãvĩ rá, ãꞌdusĩku aza ĩꞌdidrị̂ trẹ̃yị́.

Ị́jọ́ Uꞌbéŋá 5:12

Mi dó amụ́ ími zịlé, “ꞌBá rĩ, ágã ándrá mání ímbátáŋá sĩ áma imbájó rĩ úmgbé ãjó yã! Ágã ándrá áma itújó rĩ úmgbé ãjó yã!

Ị́jọ́ Uꞌbéŋá 1:31

ĩmi dó mụ gẹ̃rị̃ ĩminí acị́jó ị́jọ́ ũnzĩ agá rĩ ꞌbã sị́mvụ́ ꞌbị̃lé rá ãzíla ị́jọ́ ũnzí ĩminí ngalé rĩ kí fi ĩmi mịfị́ gá trotro.

Ị́jọ́ Uꞌbéŋá 12:18

Ị́jọ́ ꞌa ũrãlé ku rĩ la ꞌbá sõ kãrụ̃ cécé ménéŋá áni, wó ị́jọ́ ꞌbá ũndũwã rú rĩ ꞌbã jọlé rĩ la ꞌbá adrí rá.

1 Pétẽrõ 5:2

Ĩmi ꞌbá kãnị́sã ꞌbã drị̃lẹ́ ru ꞌdĩ ĩmi ucé kãbĩlõ Ãdróŋá drị́ fẽlé ĩmidrị́ ꞌdĩ kí, ãzíla ĩmba kí tã, ĩmi undré kí undrê, adru ĩmi ũŋmĩjó ũŋmĩ rĩ sĩ ku, wó ĩminí ĩmi ásị́ ꞌbãjó lẽjó la rá rĩ sĩ, vâ Ãdróŋá ní lẽlé rĩ áni. Kí ucéjó ũyá sĩ ku, wó ásị́ ãyĩkõ rú la sĩ vâ ásị́ ị̃gbẹ̃ ãyĩkõ rú rĩ sĩ.

Rụ́mị̃ 1:28

ꞌBá ꞌdĩ ꞌbaní ásị́ ꞌbãjó ị́jọ́ ĩꞌbaní Ãdróŋá nị̃jó cé rĩ drị̃ gá ku rĩ sĩ, aꞌbe dó kí mụlé ũrãtáŋá ĩꞌba ãni ũnzíkãnã rĩ trũ drị̃ gá, ị́jọ́ tátí ꞌbã idé kí ku rĩ idéjó.

Mãtáyõ 12:35

ꞌBá múké rĩ la málĩ ĩꞌdidrị̂ sĩ ãko múké rĩ kí ají, ꞌbá ũnzí rĩ la ãko ũnzí rĩ kí ají angájó málĩ ĩꞌdidrị́ ũnzí rĩ kí agá.

Ị́jọ́ Uꞌbéŋá 6:32

Wó ágọ́bị́ ãwụ̃ ngalépi ꞌbá ãzí ꞌbã ũkú be rĩ ꞌbã ũndũwá ꞌdá yụ; ꞌbá ị́jọ́ ꞌdĩ áni rĩ idélépi rĩ ĩꞌdi ru vúŋá ꞌdị.

Ị́jọ́ Uꞌbéŋá 10:11

ꞌBá múké rĩ tị gá ị́jọ́ ídri fẽlépi rĩ la ãfũ nĩ, wó ꞌbá ũnzí rĩ ꞌbã tị la ũmbã aꞌbó cí.

Ị́jọ́ Uꞌbéŋá 1:32

Ị́jọ́ ꞌdĩ sĩ ꞌbá azalépi aza-azâ rĩ kí ũdrã ĩꞌbã kí ũndũwã gãjó úmgbé rĩ sĩ ãzíla ị́jọ́ ĩꞌbã kí ũndũwã gãjó úmgbé rĩ la kí fẽ ị̃lị̃kị̃lé nĩ;

Ị́jọ́ Uꞌbéŋá 5:2

ị́jọ́ ꞌdĩ sĩ mi dó sĩ nị̃ ími tãmba sĩ cé, ãzíla ị́jọ́ pịrị míní jọlé ími tị sĩ rĩ la dó sĩ ị́jọ́ nị̃ŋá mídrị̂ iꞌda.

Ị́jọ́ Uꞌbéŋá 15:7

Tị ꞌbá ũndũwá ru rĩ drị̂ la nị̃táŋá iré, wó ꞌbá azalépi aza-azâ rĩ ꞌbã ásị́ adru ꞌdĩ ꞌbã áni ku.