Ị́jọ́ Uꞌbéŋá 1:7 - Ị́jọ́ Úꞌdí rĩ

⁷ Úpí ụ̃rị̃jó rĩ ĩꞌdi ũndũwã ꞌbã iꞌdóŋá, wó ꞌbá azalépi aza-azâ rĩ gã kí ũndũwá ãzíla ímbátáŋá sĩ ũndũwá ịsụ́jó rĩ úmgbé.

Aringa

⁷ Úpí ụ̃rị̃jó rĩ ĩꞌdi ũndũwã ꞌbã iꞌdóŋá, wó ꞌbá azalépi aza-azâ rĩ gã kí ũndũwá ãzíla ímbátáŋá sĩ ũndũwá ịsụ́jó rĩ úmgbé.

Ị́jọ́ Uꞌbéŋá 1:7 Referans Kwoze

Ị́jọ́ Uꞌbéŋá 9:10

Úpí ụ̃rị̃jó rĩ ĩꞌdi ũndũwã ꞌbã iꞌdóŋá; ãzíla nị̃táŋá Ãdróŋá Ãlá rĩ nị̃jó rĩ ĩꞌdi ị́jọ́ vãŋá.

Ị́jọ́ Uꞌbéŋá 15:33

Úpí ụ̃rị̃jó ri la ꞌbá imbá adrujó ũndũwá ru, ãzíla mi ãrútáŋá ịsụ́ rá la ídrĩ ími iri vụ̃rụ́ rĩ gá.

Ị́jọ́ Uꞌbéŋá 18:2

ꞌBá azalépi aza-azâ rĩ ꞌbã ásị́ ị́jọ́ vãŋá drị̃ gá ku; wó ị́jọ́ ĩꞌdiní lẽlé idélé rĩ sĩ iꞌdajó la ínị̃ ị́jọ́ cé.

Ị́jọ́ Uꞌbéŋá 1:22

“Ĩmi ꞌbá idemará ru ꞌdĩ! Ĩlẽ adrulé ị́jọ́ nị̃ŋá kóru ụ́ꞌdụ́ íngõpí yã? Ĩmi mụ uꞌálé ãyĩkõ sĩ nị̃táŋá ãkõ sĩ sáwã ãzo rú íngõpí yã? Ĩmi ꞌbá azalépi aza-azâ ꞌdĩ ĩmi icó dó ị́jọ́ ụ̃nị̃lé ku yã?

Rụ́mị̃ 1:28

ꞌBá ꞌdĩ ꞌbaní ásị́ ꞌbãjó ị́jọ́ ĩꞌbaní Ãdróŋá nị̃jó cé rĩ drị̃ gá ku rĩ sĩ, aꞌbe dó kí mụlé ũrãtáŋá ĩꞌba ãni ũnzíkãnã rĩ trũ drị̃ gá, ị́jọ́ tátí ꞌbã idé kí ku rĩ idéjó.

Ị́jọ́ Uꞌbéŋá 15:5

ꞌBá azalépi aza-azâ rĩ la átẹ́pị ꞌbã ímbátáŋá gã úmgbé, wó ꞌbá ũndũwá ru rĩ la ímbátáŋá lẽ rá.

Ãzị́táŋá Amviŋá 4:6

Ĩmi ũbĩ ãzị́táŋá ꞌdĩ kí vú múké-múké, ãzíla ị́jọ́ ꞌdĩ kí iꞌda la ꞌbá sụ́rụ́ ãzí gá rĩ ꞌbanî, ĩmi ũndũwá ru ãzíla ꞌbá ị́jọ́ vãlépi rá la kî. Ãndá-ãndá ru drĩ kí ãzị́táŋá ꞌdĩ kí are ị́jọ́ azịlé ꞌdĩ kí abe, kí jọ la, ‘Sụ́rụ́ ãmbógó ꞌdĩ ũndũwá ru ãzíla ꞌbá ala gá ꞌdĩ kí nị̃táŋá trũ.’

Ị́jọ́ Uꞌbéŋá 2:5

ꞌdã ꞌbã ũngúkú gá mi dó nị̃la ála Úpí Ãdróŋá ụ̃rị̃ íngoní ru yã rĩ gá rá, ãzíla mi nị̃táŋá sĩ Úpí nị̃jó rĩ ịsụ́ rá.

Ị́jọ́ Uꞌbéŋá 15:32

ꞌBá ímbátáŋá gãlépi úmgbé rĩ lẽ ru ku, wó ꞌbá ítútáŋá ãꞌị̃lépi rá rĩ la ị́jọ́ vãŋá ịsụ́ rá.

Ị́jọ́ Uꞌbéŋá 23:9

Íjọ ị́jọ́ ꞌbá azalépi aza-azâ rĩ ní ku, ãꞌdusĩku ĩꞌdi ímbátáŋá míní fẽlé ĩꞌdiní rĩ kí ide-ĩdẽ.