Ãfũŋá 8:10 - Ị́jọ́ Úꞌdí rĩ

¹⁰ Fãráwũ jọ, “Ízị drụ̃sị̃ mání Ãdróŋá ꞌi.” Mụ́sã umvi, “ꞌBã adru míní jọlé rĩ áni, ị́jọ́ ꞌdĩ sĩ, mi dó sĩ nị̃ la rá ãdróŋá ãzí ndú Úpí ãmadrị́ ꞌdĩ áni la ꞌdá yụ.

Aringa

¹⁰ Fãráwũ jọ, “Ízị drụ̃sị̃ mání Ãdróŋá ꞌi.” Mụ́sã umvi, “ꞌBã adru míní jọlé rĩ áni, ị́jọ́ ꞌdĩ sĩ, mi dó sĩ nị̃ la rá ãdróŋá ãzí ndú Úpí ãmadrị́ ꞌdĩ áni la ꞌdá yụ.

Ãfũŋá 8:10 Referans Kwoze

Ãzị́táŋá Amviŋá 33:26

“Ĩmi ꞌbá Ịsịrayị́lị̃ drị́ ꞌdĩ, ãdróŋá ãzí cécé Ãdróŋá ĩmidrị̂ áni, cẹ̃lépi ꞌbụ̃ gâ sĩ ĩmi ãzã kolépi ũkpó ĩꞌdidrị̂ sĩ, ụ̃rụ́ꞌbụ̃ agâ sĩ rĩ áni la ꞌdáyụ.

Ãfũŋá 9:14

sáwã ꞌdĩ sĩ adru ma drị̃rịma fẽ ãtíꞌbó mídrị̂ ꞌbaní jõku ꞌbá mídrị̂ ꞌbaní áꞌdụ̂sĩ la ku, ma vâ míní drị̃rịma fẽ ĩndĩ. Ị́jọ́ ꞌdĩ sĩ mi dó sĩ nị̃ la rá ꞌbá ãzí mâ áni la ãngũ drị̃ gá ꞌdâ ꞌdáyụ.

Yãkóꞌbõ 4:14

Ĩmi icó nị̃lé la drụ̃sị̃ ãꞌdu la mụ ru idélé ídri ĩmidrị̂ gá nĩ yã rĩ gá ku. Ídri ĩmi agá ꞌdĩ ãꞌdi ãni yã? Ĩmi cécé ũfú ꞌdelépi iꞌdalépi sáwã wereŋá sĩ ãzíla ãvĩlépi rá rĩ áni.

Ị́jọ́ Uꞌbéŋá 27:1

Mí ịpị́ mi ụ́ꞌdụ́ drụ̃sị̃ rĩ sĩ ku, ãꞌdusĩku míní nị̃jọ́ la ãꞌdu la mụ ru idélé ụ́ꞌdụ́ drụ̃sị̃ rĩ gá nĩ yã ku rĩ sĩ.

Ãzị́táŋá Amviŋá 32:31

Mẹ́rọ́ꞌbá ĩꞌbadrị̂ nị̃ kí cé ãdroŋa ĩꞌbadrị̂ kí ũkpõ kóru, adru kí ũkpõ trũ cécé Ãdróŋá Ịsịrayị́lị̃ drị̂ áni ku.

Ãzị́táŋá Amviŋá 4:35

“Iꞌda ĩminí ãko ꞌdĩ kí íni la sĩ ĩminí nị̃jó la Úpí ĩꞌdi Ãdróŋá ru nĩ, ĩꞌdi bụ́lụ́ gá ãdróŋá ãzí ndú la yụ.

Ãfũŋá 15:11

Úpí, ãꞌdi ꞌi ãdroŋa kí agá mî áni la nĩ yã? Ãꞌdi ꞌi mî áni rĩ gá nĩ? Dị̃zã rú ãzíla ãlá ru, Ãzị́ míní ngalé rĩ ụ̃sụ̃táŋá ru

Ãfũŋá 9:29

Mụ́sã umvi, “Ádrĩ fũ táwụ̃nị̃ ꞌdĩ agá ꞌdâ ãmvé ꞌbo, ma áma drị́ aja Úpí drị̃lẹ́ gá ĩꞌdi aꞌị́jó. Ãvi ꞌdĩ la pá tu rá ãzíla sí la adru ꞌdá yụ, mi dó ị́jọ́ ꞌdĩ sĩ nị̃ la ụ̃nọ́kụ́ ꞌdĩ Úpí ãni.

Ãfũŋá 8:9

Mụ́sã jọ Fãráwũ ní, “Ma adru ãyĩkõ sĩ míní Ãdróŋá zịjó, ípẽ sáwã mání sĩ ĩꞌdi zịjó míní ãmbogo mídrị̂ abe rĩ ꞌi. Lẽ ụ́drụ́gọ́ ꞌdĩ ꞌbã fũ kí rú sĩ ĩmidrị́ jó agá rĩ sĩ rá, be la rá la Mĩrĩ Náyĩlĩ agá rĩ ꞌba ace kí nĩ.”

Ãzị́táŋá Amviŋá 3:24

‘Úpí Ãdróŋá Ũkpó ꞌDị́pị, mí iꞌdó dó ãmbõgõ ãzíla drị́ mídrị́ ũkpó trũ rĩ iꞌdalé ãtíꞌbó mídrị̂ ní ꞌbo, ãꞌdusĩku ãdróŋá ãzí ꞌbụ̃ gá jõku ụ̃nọ́kụ́ drị̃ gá ꞌdâ icólépi ãzị́ míní ngalé ꞌdĩ kí ngalépi la ꞌdáyụ.

Ãzị́táŋá Amviŋá 4:39

Ị́jọ́ ꞌdĩ sĩ lẽ ị̃nị̃ dó sĩ ãndrũ rá ãzíla ĩmba ị́jọ́ ꞌdĩ kí tã ĩmi ásị́ gá cí Úpí ĩꞌdi Ãdróŋá ꞌbụ̃ gá ãzíla ụ̃nọ́kụ́ gá rĩ ꞌi, Ãdróŋá ãzí ndú la yụ.