Ãfũŋá 15:13 - Ị́jọ́ Úꞌdí rĩ

¹³ Lẽtáŋá mídrị́ aꞌdélépi ku rĩ sĩ, íꞌde ꞌbá míní anzélé rĩ kí drị̃. Ũkpõ mídrị̂ sĩ mi kí andre tẽ, ãngũ ãlá míní sĩ uꞌájó rĩ gá.

Aringa

¹³ Lẽtáŋá mídrị́ aꞌdélépi ku rĩ sĩ, íꞌde ꞌbá míní anzélé rĩ kí drị̃. Ũkpõ mídrị̂ sĩ mi kí andre tẽ, ãngũ ãlá míní sĩ uꞌájó rĩ gá.

Ãfũŋá 15:13 Referans Kwoze

1 Pétẽrõ 1:5

Ãdróŋá la tã la mba ũkpõ ĩꞌdidrị́ ãmbógó rĩ sĩ ĩminí kpere ĩmĩ patáŋá ꞌdĩ ịsụ́ agá, ĩminí ásị́ tị̃jó drị̃ la gá rĩ sĩ. Ála ĩꞌdi iꞌda ụ́ꞌdụ́ ãsị̃jó rĩ sĩ, ꞌbá pírí kí ĩꞌdi ndre rá.

Ẽfésõ 2:4

Wó lẽtáŋá ĩꞌdidrị́ ãmaní ãmbógó rĩ sĩ, Ãdróŋá ásị́ ị̃gbẹ̃ ambamba rĩ,

Íꞌdóŋá 19:16

Lọ́tị̃ ụrụꞌbá la mụ filé fĩfĩ ꞌbo, ãgọbị ị̃rị̃ ꞌdĩ rụ kí ĩꞌdidrị́ ũkû be ãzíla ị̃zẹ́pịka ị̃rị̃ ꞌdã kí abe sĩ kí agụjó táwụ̃nị̃ agá ꞌdãá rĩ sĩ ãmvé ãꞌdusĩku Úpí Ãdróŋâ ásị́ ĩꞌbaní ị̃gbẹ́ ru.

Ãfũŋá 6:6

“Ị́jọ́ ꞌdĩ sĩ, íjọ ꞌbá Ịsịrayị́lị̃ drị̂ ꞌbaní: Ma Úpí ꞌi. Ma ĩmi anzé ị́jọ́ ĩminí adrujó ãtíꞌbó ru ꞌbá Mị̃sị́rị̃ gá ꞌdĩ ꞌbaní rĩ agá rá. Ma ũkpõ mádrị́ ãmbógó rĩ ayú sĩ ꞌbá Mị̃sị́rị̃ gá rĩ ꞌbaní drị̃rịma ũnzí la fẽjó. Ma ĩmi anzé ĩminí adrujó ãtíꞌbó ru rĩ agá rá.

Ãfũŋá 15:16

ụ̃rị̃ ãmbógó la fi kí ásị́ gá nĩ. Drĩ kí drị́ ũkpó mídrị̂ ndre kí pá tu ãvẹ̃vị̃ kóru ụ̃rị̃ sĩ kpere ꞌbá mídrị̂ ꞌbã kí alị agá, Úpí, kpere ꞌbá míní apálé rĩ ꞌbã kí alị agá.

Ãfũŋá 15:17

Mi kí ají ãzíla mi kí iri ꞌbé mídrị̂ drị̃ gá, ãngũ míní idélé míní sĩ uꞌájó rĩ gá Úpí, ãngũ ãlápítí, Úpí míní idélé drị́ mídrị̂ sĩ rĩ ꞌi.

Ãfũŋá 20:2

“Ma Úpí Ãdróŋá mídrị́ ími anzélépi Mị̃sị́rị̃ gâlé, míní ándrá adrujó ãtíꞌbó ru rĩ sĩ rĩ ꞌi.