Ãfũŋá 15:1 - Ị́jọ́ Úꞌdí rĩ

¹ Mụ́sã kí ꞌbá Ịsịrayị́lị̃ drị̂ kí abe ngo kí úngó ꞌdĩ Úpí nî: “Ma úngó ngo Úpí ní, ãꞌdusĩku ndẽ ãꞌdị́ rá înga rú la ụrụgá. Fãrásĩ kí ꞌbá cẹ̃lépi drị̃ la gá rĩ abe uꞌbé kí ị̃yị́ agá.

Aringa

¹ Mụ́sã kí ꞌbá Ịsịrayị́lị̃ drị̂ kí abe ngo kí úngó ꞌdĩ Úpí nî: “Ma úngó ngo Úpí ní, ãꞌdusĩku ndẽ ãꞌdị́ rá înga rú la ụrụgá. Fãrásĩ kí ꞌbá cẹ̃lépi drị̃ la gá rĩ abe uꞌbé kí ị̃yị́ agá.

Ãfũŋá 15:1 Referans Kwoze

Ícétáŋá 15:3

Kí úngó Mụ́sã ãtíꞌbó Ãdróŋá drị́ rĩ drị̂ ngo agá Kãbĩlõmvá drị̂ be: “Úpí Ãdróŋá Ũkpó ꞌDị́pị, ị́jọ́ mî idélé rĩ kí ãmbógótẽté ru ãzíla ụ̃sụ̃táŋá ru, mi Úpí sụ́rụ́ pírí ꞌbadrị̂, gẹ̃rị̃ mídrị̂ kí ũniyambamba rú ãzíla pịrị-pịrị.

Ãfũŋá 15:21

Mị́rị́yãmũ ngo úngó ĩꞌbanî “Ma úngó ngo Úpí ní, ãꞌdusĩku ndẽ ãꞌdị́ rá înga rụ́ la ụrụgá. Fãrásĩ kí ꞌbá cẹ̃lépi drị̃ la gá rĩ kí abe uꞌbé kí ị̃yị́ agá.”

Kõlõsáyĩ 2:15

Ãdróŋá fẽ Ngọ́pị̃ Kúrísĩtõ ndẽ ũpĩ ãzíla úríndí ũnzí Sĩtánĩ drị́ ꞌbá kí rụlépi rĩ ꞌbã ũkpõ, iꞌda ĩꞌdi tọndọlọ ꞌbá pírí ní ụ́ꞌdụ́ ĩꞌdi ipajó mũsãláꞌbã sị́ gá, ãzíla ĩꞌdi ꞌbã drãjó ꞌdã sĩ.

Ãfũŋá 18:11

Ánị̃ dó úꞌdîꞌda Úpí ndẽ ãmbõgõ sĩ ãdroŋa ãzí ꞌbá ꞌbã kí ị̃nzị̃lé ãzí rĩ kí pírí rá, ãꞌdusĩku idé ị́jọ́ ꞌdĩ kí ꞌbá Mị̃sị́rị̃ rú ꞌdĩ ꞌba rụ́ ꞌdĩ sĩ kí ꞌbá Ịsịrayị́lị̃ drị̂ kí uꞌé agá ũnzí.”

Ãfũŋá 14:27

Mụ́sã ĩjũ dó drị́ Mĩrĩ drị̃ gá, ãzíla ãngũ ꞌbã ụwị́ agá ꞌdĩ Mĩrĩ ãgõ dó ũkpó ĩꞌdiní údu rĩ trũ vúlé. ꞌBá Mị̃sị́rị̃ drị̂ ꞌbã kí apá agá, Úpí iti kí ị̃yị́ agá lé.

Ị́jọ́ Uꞌbéŋá 29:6

ꞌBá ị́jọ́ ũnzí ngalépi rĩ la gbã ị́jọ́ ũnzĩ ĩꞌdidrị̂ gá nĩ, wó ꞌbá ị́jọ́ pịrị rĩ ngalépi rĩ la úngó ngo ãzíla ĩꞌdi adru ãyĩkõ sĩ.

Ãfũŋá 14:26

ꞌDã ꞌbã ũngúkú gá Úpí jọ Mụ́sã nî, “Mí ĩjũ ími drị́ Mĩrĩ drị̃ gá, ị́jọ́ ꞌdĩ sĩ ị̃yị̂ la dó sĩ ãgõ vúlé ꞌdõlé ꞌbá Mị̃sị́rị̃ drị̂ kí ịmvụ́jó fãrásĩ ãzíla ꞌbá cẹ̃lépi fãrásĩ sĩ rĩ kí abe.”