Rụ́tụ̃ 3:11 - Aringa

¹¹ Ụ̃rị̃ ꞌbã rụ mi ku mâ ị̃zẹ́pị, ma ị́jọ́ míní lẽlé rĩ kí idé rá. ꞌBá pírí ãmadrị́ táwụ̃nị̃ agá ꞌdãá rĩ nị̃ kí mi ũkú gbíyã múké la rĩ gá rá.

Ị́jọ́ Úꞌdí rĩ

¹¹ Ụ̃rị̃ ꞌbã rụ mi ku mâ ị̃zẹ́pị, ma ị́jọ́ míní lẽlé rĩ kí idé rá. ꞌBá pírí ãmadrị́ táwụ̃nị̃ agá ꞌdãá rĩ nị̃ kí mi ũkú gbíyã múké la rĩ gá rá.

Rụ́tụ̃ 3:11 Referans Kwoze

Ị́jọ́ Uꞌbéŋá 31:10

Ãꞌdi icó ũkú ádrízã múké rĩ ịsụ́lé rá la nĩ yã? Ãjẹ̃ ĩꞌdidrị̂ ndẽ írã ãjẹ̃ rú gụlépi pãrã-pãrã rĩ rá.

Ị́jọ́ Uꞌbéŋá 12:4

Ũkú ádrízã múké rĩ la ágô ní ãrútáŋá ají, wó ũkú drị̃nzá fẽlépi ágô ní rĩ ĩꞌdi cécé ãyánĩ ágô ꞌbã ĩfã ꞌbã sĩ asụ́jó rĩ áni.

Rụ́tụ̃ 3:12

Ádrĩ táni adru agá mí ágô ꞌbã kãká tí, ꞌbá ãzí ãni rú kãká ru icólépi ími tãmbalépi la cí.

Íꞌdóŋá 26:24

Ị́nị́ ꞌdã sĩ Úpí iꞌda ru ĩꞌdiní jọ, “Ma Ãdróŋá mí átẹ́pị Ịbụrahị́mụ̃ drị̂ ꞌi. Mí idé ụ̃rị̃ sĩ ku, ãꞌdusĩku ma mí be cí; ma míní sụ̃sụ́ wi rá, ma vâ anzị mídrị́ mụlé tịlé drị̃lẹ́ gâlé rĩ kí fẽ kpẹ̃lé wẽwẽ rú ãtíꞌbó mádrị́ Ịbụrahị́mụ̃ ꞌbã ị́jọ́ sĩ.”