Ị́jọ́ Uꞌbéŋá 8:14 - Aringa

¹⁴ Ị́jọ́ amáŋá pịrị rĩ ãzíla ị́jọ́ lịŋá múké rĩ kí má ãni; Ị́jọ́ vãŋá ãzíla ũkpõ kí má ãni.

Ị́jọ́ Úꞌdí rĩ

¹⁴ Ị́jọ́ amáŋá pịrị rĩ ãzíla ị́jọ́ lịŋá múké rĩ kí má ãni; Ị́jọ́ vãŋá ãzíla ũkpõ kí má ãni.

Ị́jọ́ Uꞌbéŋá 8:14 Referans Kwoze

Ị́jọ́ Uꞌbéŋá 24:5

ꞌBá ũndũwã rú rĩ ĩꞌdi ũkpó trũ ãzíla nị̃táŋá ĩꞌdidrị̂ la ĩꞌdiní ũkpõ fẽ drị̃ gá drị̃ gá,

Ị́jọ́ Uꞌbéŋá 1:25

Ĩminí ímbátáŋá mádrị̂ kí gãjó pírí úmgbé ãzíla ị́jọ́ mání uzájó ĩmi drị̃ gá rĩ ãꞌị̃jó ku rĩ sĩ,

Ị́jọ́ Uꞌbéŋá 3:21

Mâ ngọ́pị, ímba ị́jọ́ lịŋá pịrị rĩ tã ãzíla ị́jọ́ amáŋá mgbã rĩ be; lẽ ị́jọ́ ꞌdĩ ꞌbã ãvĩ kí ími drị̃ gá ku;

Ị́jọ́ Uꞌbéŋá 18:1

ꞌBá ru icílépi ꞌbá abe ku ị́jọ́ ũrãlépi ru drị̃ gá áꞌdụ̂sĩ rĩ la; ị́jọ́ ꞌbá pírí ꞌbã kí nị̃lé cé ĩꞌdi pịrị rĩ gã úmgbé.

Ị́jọ́ Uꞌbéŋá 19:20

Mí are ị́jọ́ sĩ ími bụ̃rọ̃ jọjó rĩ ãzíla mí ãꞌị̃ ímbátáŋá rá; ị́jọ́ ꞌdĩ sĩ mi dó sĩ drụ́zị́ drị̃lẹ́ gâlé adru ũndũwá ru.