Ị́jọ́ Uꞌbéŋá 6:6 - Aringa

⁶ Índre drĩ ĩyé kî, mi ꞌbá ũvúꞌbá ru rĩ; ĩndre drĩ gbíyã ĩꞌbã kí ãzị́ ngajó rĩ kî ãzíla mí adru ũndũwã rú kî áni!

Ị́jọ́ Úꞌdí rĩ

⁶ Índre drĩ ĩyé kî, mi ꞌbá ũvúꞌbá ru rĩ; ĩndre drĩ gbíyã ĩꞌbã kí ãzị́ ngajó rĩ kî ãzíla mí adru ũndũwã rú kî áni!

Ị́jọ́ Uꞌbéŋá 6:6 Referans Kwoze

Ị́jọ́ Uꞌbéŋá 20:4

Ũvúꞌbá sõ ámvụ́ áyi múké rĩ sĩ ku; ị́jọ́ ꞌdĩ sĩ sáwã ãkónã ũkũnãjó rĩ gá icó ãkónã ịsụ́lé ku.

Ị́jọ́ Uꞌbéŋá 18:9

Ũvúꞌbá ají kí ru ꞌbá ãko izalépi rĩ be.

Ị́jọ́ Uꞌbéŋá 6:9

Mi ꞌbá ũvúꞌbá ru ꞌdĩ, ꞌí lẽ ụ́ꞌdụ́ kolé íngõpí yã? Mi angá ụ́ꞌdụ́ gâlé rĩ sĩ ãꞌdụ tụ́ yã?

Ị́jọ́ Uꞌbéŋá 13:4

Ũvúꞌbá drĩ táni ásị́ ꞌbã sĩ ãko ịsụ́jó íngõpí rá tí icó ku, wó ꞌbá ãzị́ ngalépi ũkpó sĩ rĩ la ãko pírí ĩꞌdi ꞌbã lẽlé rĩ kí ịsụ́ rá.

Ị́jọ́ Uꞌbéŋá 30:25

ĩyé kí ũkpó trũ were rú, wó kí ãkónã tãmba ílí sĩ;

Ị́jọ́ Uꞌbéŋá 21:25

ꞌBá ũvú rĩ la drã ãbị́rị́ sĩ la ĩꞌdi ꞌbã ãzị́ ngajó ĩꞌdi ꞌbã drị́ sĩ ku rĩ sĩ.

Ị́jọ́ Uꞌbéŋá 19:15

Ũvũ la ꞌbá fẽ ụ́ꞌdụ́ kolé káyĩ rá; ãzíla ru drị́ alójó ku rĩ la ꞌbání ãbị́rị́ ají.

Ị́jọ́ Uꞌbéŋá 22:13

Ũvúꞌbá la jọ la, “Kẹ̃mị̃ ãmvé ꞌdãá cí! Ádrĩ fũ ãmvêlé, ĩꞌdi áma ci rá!”

Ị́jọ́ Uꞌbéŋá 10:26

Íꞌbã ꞌbá ũvú rĩ míní ãzị́ ngalé ku, ĩꞌdi cécé wáyĩnĩ ũká rĩ ꞌbã ꞌbá sị́ anụ́jó jõku ãcíkã ꞌbã ꞌbá fụjó rĩ áni.

Ị́jọ́ Uꞌbéŋá 19:24

Ũvúꞌbá la ru drị́ su mgbi íná ãtĩjó rá; ãzíla icó íná sulé ru tị gâlé ku.

Ị́jọ́ Uꞌbéŋá 15:19

ꞌBá ũvúꞌbá rĩ ní ị́jọ́ pírí kí mba mbã, wó ꞌbá pịrị rĩ ní ị́jọ́ kí adru múké.

Ị́jọ́ Uꞌbéŋá 1:17

Ĩꞌdi ụ̃rọ̃drị́ kóru míní ímbá ꞌbejó ãriŋa kí dị̃ ndre sĩ la!

Ị́jọ́ Uꞌbéŋá 23:19

Mâ ngọ́tị̂, mí are ị́jọ́, mí dó sĩ adru ũndũwá ru, íꞌbã ími ásị́ sĩ acị́jó gẹ̃rị̃ pịrị rĩ gâ sĩ.

Ị́jọ́ Uꞌbéŋá 30:24

“Ụ̃nọ́kụ́ drị̃ gá ꞌdâ, ãko ãzí ĩmbíráŋá la kí sụ wó ĩgãnã kí ũndũwã sĩ cí:

Ị́jọ́ Uꞌbéŋá 10:4

ꞌBá drị́ alólépi ku rĩ la acá lẽmẽrí, wó ꞌbá ru drị́ alólépi aló-álõ rĩ la adru málĩ trũ.