Ị́jọ́ Uꞌbéŋá 27:3 - Aringa

³ Írã kí cínákí be pírí ãnzị rú, wó ꞌbá azalépi aza-azâ rĩ la ásị́ ãzá fẽ ndẽ ãko ị̃rị̃ ꞌdĩ kí ãnzị sĩ pírí rá.

Ị́jọ́ Úꞌdí rĩ

³ Írã kí cínákí be pírí ãnzị rú, wó ꞌbá azalépi aza-azâ rĩ la ásị́ ãzá fẽ ndẽ ãko ị̃rị̃ ꞌdĩ kí ãnzị sĩ pírí rá.

Ị́jọ́ Uꞌbéŋá 27:3 Referans Kwoze

Ị́jọ́ Uꞌbéŋá 17:12

Drị̃ ụfụjó ụ̃bọ̃gụ̃ mváŋá la ꞌdụjó rá rĩ be rĩ, ndẽ drị̃ ụfụjó ꞌbá azalépi aza-azâ ĩꞌdi ꞌbã aza ngalépi rĩ be rĩ rá.

Íꞌdóŋá 49:7

Áwã ũmbã ĩꞌbadrị́ ãcí ꞌdĩ rá ãzíla ũmbã ĩꞌbadrị̂ ũnzí-ũnzí, ma kí iré Yãkóꞌbõ agá ꞌdâ ãzíla kí awa ndú-ndú Ịsịrayị́lị̃ agá ꞌdâ.

Ị́jọ́ Uꞌbéŋá 12:16

ꞌBá azalépi aza-azâ rĩ la ũmbã ĩꞌdidrị̂ iꞌda cọtị́, wó ꞌbá ũndũwá rú rĩ la ĩyãŋã tútú údrĩ táni ĩꞌdi uꞌdá rĩ gá.

Ị́jọ́ Uꞌbéŋá 27:2

Mí ịpị́ mi ími tị sĩ cénĩ ku, ꞌbá ãzí ndú la ꞌbã ịpị́ mi nĩ, mí ịpị́ mi cénĩ-cénĩ rú ku.

Ị́jọ́ Uꞌbéŋá 27:4

Ũmbã ĩꞌdi ũnzí ãzíla ásị́ ãcĩ ĩꞌdi lị́kị̃, wó ãjã ndẽ ãko ꞌdĩ kí ũnzĩkãnã sĩ pírí rá.