Ị́jọ́ Uꞌbéŋá 22:5 - Aringa

⁵ Gẹ̃rị̃ ꞌbá ũnzí rĩ ꞌbadrị̂ kí agá ụ̃cị́kị́ kí mãtégõ be cí, wó ꞌbá ru tãmbalépi mba-mbã rĩ acị́ gẹ̃rị̃ ĩꞌbãdrị̂ kí agâ sĩ ku.

Ị́jọ́ Úꞌdí rĩ

⁵ Gẹ̃rị̃ ꞌbá ũnzí rĩ ꞌbadrị̂ kí agá ụ̃cị́kị́ kí mãtégõ be cí, wó ꞌbá ru tãmbalépi mba-mbã rĩ acị́ gẹ̃rị̃ ĩꞌbãdrị̂ kí agâ sĩ ku.

Ị́jọ́ Uꞌbéŋá 22:5 Referans Kwoze

Ị́jọ́ Uꞌbéŋá 15:19

ꞌBá ũvúꞌbá rĩ ní ị́jọ́ pírí kí mba mbã, wó ꞌbá pịrị rĩ ní ị́jọ́ kí adru múké.

Ị́jọ́ Uꞌbéŋá 16:17

ꞌBá ãlá rĩ kí acị́ gẹ̃rị̃ kí agụlépi ị́jọ́ ũnzí gá ku rĩ kí agâ sĩ, ꞌbá ĩꞌdi ꞌbã gẹ̃rị̃ tãmbalépi rá rĩ la ru ídri tãmba rá.

Ị́jọ́ Uꞌbéŋá 19:16

ꞌBá ãzị́táŋá tãmbalépi rĩ mba ru ídri tã rá; wó ꞌbá ãzị́táŋá tãmbalépi ku rĩ la drã rá.

Ị́jọ́ Uꞌbéŋá 13:15

ꞌBá ũndũwã rú rĩ la ị̃nzị̃táŋá ịsụ́ rá, wó ꞌbá ũndũwã kóru rĩ la ị̃lị̃kị̃ rá.

Ị́jọ́ Uꞌbéŋá 13:3

ꞌBá ru tị tãmbalépi rá rĩ la ru ídri tãmba, wó ꞌbá ị́jọ́ jọlépi pépé rĩ la ru drị̃ gá lị́kị̃ ají.

Ị́jọ́ Uꞌbéŋá 22:4

ꞌBá ru irilépi vụ̃rụ́lé ãzíla Úpí ụ̃rị̃lépi rĩ la málĩ, ãrútáŋá ãzíla ídri ịsụ́ rá.

Ị́jọ́ Uꞌbéŋá 29:6

ꞌBá ị́jọ́ ũnzí ngalépi rĩ la gbã ị́jọ́ ũnzĩ ĩꞌdidrị̂ gá nĩ, wó ꞌbá ị́jọ́ pịrị rĩ ngalépi rĩ la úngó ngo ãzíla ĩꞌdi adru ãyĩkõ sĩ.

Ị́jọ́ Uꞌbéŋá 4:19

Wó gẹ̃rị̃ ꞌbá ũnzí rĩ ꞌbadrị̂ ĩꞌdi cécé mụ́dẹ́ ịnịbịrịcịcị rĩ áni; nị̃ kí ãko fẽlépi la kí aꞌdé vũ gá rĩ ãꞌdu yã rĩ gá ku.