Ị́jọ́ Uꞌbéŋá 20:4 - Aringa

⁴ Ũvúꞌbá sõ ámvụ́ áyi múké rĩ sĩ ku; ị́jọ́ ꞌdĩ sĩ sáwã ãkónã ũkũnãjó rĩ gá icó ãkónã ịsụ́lé ku.

Ị́jọ́ Úꞌdí rĩ

⁴ Ũvúꞌbá sõ ámvụ́ áyi múké rĩ sĩ ku; ị́jọ́ ꞌdĩ sĩ sáwã ãkónã ũkũnãjó rĩ gá icó ãkónã ịsụ́lé ku.

Ị́jọ́ Uꞌbéŋá 20:4 Referans Kwoze

Ị́jọ́ Uꞌbéŋá 10:4

ꞌBá drị́ alólépi ku rĩ la acá lẽmẽrí, wó ꞌbá ru drị́ alólépi aló-álõ rĩ la adru málĩ trũ.

Ị́jọ́ Uꞌbéŋá 19:15

Ũvũ la ꞌbá fẽ ụ́ꞌdụ́ kolé káyĩ rá; ãzíla ru drị́ alójó ku rĩ la ꞌbání ãbị́rị́ ají.

Ị́jọ́ Uꞌbéŋá 13:4

Ũvúꞌbá drĩ táni ásị́ ꞌbã sĩ ãko ịsụ́jó íngõpí rá tí icó ku, wó ꞌbá ãzị́ ngalépi ũkpó sĩ rĩ la ãko pírí ĩꞌdi ꞌbã lẽlé rĩ kí ịsụ́ rá.

Ị́jọ́ Uꞌbéŋá 24:34

lẽmẽrĩ la amụ́ ími drị̃ gá cécé ụ̃gụ́ꞌbá áni, ãko ãkõ la ími ra cécé ụ̃gụ́ꞌbá ụ́sụ trũ rĩ ꞌbã amụ́jó ími rajó rĩ áni.

Ị́jọ́ Uꞌbéŋá 19:24

Ũvúꞌbá la ru drị́ su mgbi íná ãtĩjó rá; ãzíla icó íná sulé ru tị gâlé ku.

Ị́jọ́ Uꞌbéŋá 6:6

Índre drĩ ĩyé kî, mi ꞌbá ũvúꞌbá ru rĩ; ĩndre drĩ gbíyã ĩꞌbã kí ãzị́ ngajó rĩ kî ãzíla mí adru ũndũwã rú kî áni!

Ị́jọ́ Uꞌbéŋá 20:5

Ị́jọ́ ꞌbá ꞌbã ásị́ gá rĩ ĩꞌdi ị̃yị́ kị́rị́ rĩ áni, wó ꞌbá vãtáŋá trũ rĩ la ị́jọ́ la uvá rá rĩ gá nĩ.

Ị́jọ́ Uꞌbéŋá 21:25

ꞌBá ũvú rĩ la drã ãbị́rị́ sĩ la ĩꞌdi ꞌbã ãzị́ ngajó ĩꞌdi ꞌbã drị́ sĩ ku rĩ sĩ.