Ị́jọ́ Uꞌbéŋá 20:3 - Aringa

³ Ĩꞌdi ị̃nzị̃táŋá ru ꞌbá ãwãŋá gãlépi úmgbé rĩ nî, wó ꞌbá azalépi aza-azâ rĩ la ãwãŋá iꞌdó gbõrú-gbõrú.

Ị́jọ́ Úꞌdí rĩ

³ Ĩꞌdi ị̃nzị̃táŋá ru ꞌbá ãwãŋá gãlépi úmgbé rĩ nî, wó ꞌbá azalépi aza-azâ rĩ la ãwãŋá iꞌdó gbõrú-gbõrú.

Ị́jọ́ Uꞌbéŋá 20:3 Referans Kwoze

Ị́jọ́ Uꞌbéŋá 16:32

ꞌBá ũmbã rụlépi gbõrú ku rĩ ndẽ ꞌbá ũkpó trũ rĩ rá, ãzíla ꞌbá ru ũmbã ụtrị́lépi rá rĩ ndẽ ꞌbá táwụ̃nị̃ ãmbógó rĩ ꞌdụlépi rĩ rá.

Ị́jọ́ Uꞌbéŋá 17:14

Ãwãŋá iꞌdóŋá ĩꞌdi cécé ị̃yị́ tị̃lépi ãngũ ãlu gá ãmbógó rĩ ꞌbã tị nzị̃jó rĩ áni. Ị́jọ́ ꞌdĩ sĩ lẽ mí atrị ãwãŋá ꞌdĩ sĩ ĩmi andi drĩ ĩmi ku rú.

Ị́jọ́ Uꞌbéŋá 19:11

ꞌBá ũndũwá ru rĩ la ũmbã ĩꞌdidrị̂ drị̃ ụtrị́ rá; ĩꞌdi ãrútáŋá ịsụ́ ĩꞌdi ꞌbã ị́jọ́ ũnzí ꞌbã ãrígó tị ũfẽjó ku rĩ sĩ.

Ị́jọ́ Uꞌbéŋá 14:29

ꞌBá ũmbã rụlépi mbẽlẽ ku rĩ ĩꞌdi vãtáŋá trũ, wó ꞌbá ásị́ ãcí rĩ la ru aza iꞌda tọndọlọ.

Ị́jọ́ Uꞌbéŋá 18:6

Ị́jọ́ ꞌbá azalépi aza-azâ rĩ ꞌbã jọlé rĩ la ãwãŋá ají; ị́jọ́ ĩꞌdi ꞌbã jọlé rĩ la ãcóŋá umve ĩꞌdi ụrụ ꞌbá gá.

Ị́jọ́ Uꞌbéŋá 21:24

ꞌBá ãfó trũ ru uꞌélépi ũnzí rĩ, “Rụ́ la idemará ꞌi,” ĩꞌdi ị́jọ́ kí idé ãfó ru ãzíla ãmbõgõ sĩ.

Ị́jọ́ Uꞌbéŋá 14:17

ꞌBá ásị́ ãcí rĩ la ị́jọ́ azajó aza-azâ rĩ kí nga, ála ꞌbá ị́jọ́ ũnzí itúlépi ꞌbá ãzí rụ́ rĩ ngụ̃ ũnzí.

Íꞌdóŋá 13:7

Ị́jọ́ ꞌdĩ sĩ ãwãŋá ꞌde dó ꞌbá málĩ Ịbụrámụ̃ drị̂ kí ucélépi rĩ kí drĩdríŋĩ gá ꞌbá málĩ Lọ́tị̃ drị̂ kí ucélépi rĩ abe. Ụ́ꞌdụ́ ꞌdã sĩ ꞌbá Kãnánĩ rú ãzíla Pẹ̃rẹ́zị̃ drị̂ kí abe ri kí ándrá vâ uꞌálé ãngũ ꞌdã gá ꞌdãá.

Íꞌdóŋá 13:8

ꞌDã ꞌbã ũngúkú gá Ịbụrámụ̃ jọ dó Lọ́tị̃ ní, “Lẽ tátí ãma ãwã mí be ku, ãꞌdusĩku ãma mí be kãká. ꞌBá málĩ mídrị̂ kí ucélépi rĩ kí ꞌbá málĩ mádrị̂ kí ucélépi rĩ abe ꞌbã ãwã kí vâ sĩ ku.

Ị́jọ́ Uꞌbéŋá 26:17

Míní fijó ị́jọ́ mî ãni ku rĩ agá rĩ ĩꞌdi cécé ꞌbá ũcógó rụlépi bị́lẹ́ gá rĩ áni.