Ị́jọ́ Uꞌbéŋá 17:2 - Aringa

² Ãtíꞌbó ũndũwã trũ rĩ la adru úpí ru úpí ngọ́pị drị̃nzá ajílépi rĩ drị̃lẹ́ gá; ãzíla ĩꞌdi ãko úpí ꞌbã ngọ́pịka ꞌbadrị́ ãwítã rú rĩ kí awa ĩꞌba abe.

Ị́jọ́ Úꞌdí rĩ

² Ãtíꞌbó ũndũwã trũ rĩ la adru úpí ru úpí ngọ́pị drị̃nzá ajílépi rĩ drị̃lẹ́ gá; ãzíla ĩꞌdi ãko úpí ꞌbã ngọ́pịka ꞌbadrị́ ãwítã rú rĩ kí awa ĩꞌba abe.

Ị́jọ́ Uꞌbéŋá 17:2 Referans Kwoze

Ị́jọ́ Uꞌbéŋá 10:5

Ngọ́tị́ŋá ũndũwã rú rĩ la ãkónã ũkũnã ílí sĩ, wó ngọ́tị́ŋá ụ́ꞌdụ́ kolépi sáwã ãkónã ũkũnãjó rĩ sĩ rĩ ĩꞌdi ngọ́tị́ŋá drị̃nzá ajílépi rĩ.

Ị́jọ́ Uꞌbéŋá 19:26

ꞌBá átẹ́pị̃ ní ũcõgõ fẽlépi ãzíla ãndrẽ drolépi lị́cọ́ agá rá rĩ; ĩꞌdi ngọ́tị́ŋá drị̃nzá ãzíla ásị́ ị̃gbẹ̃ ãkõ ajílépi la.

Ị́jọ́ Uꞌbéŋá 14:35

Úpí la uꞌá ãtíꞌbó ũndũwá ru rĩ ní ãyĩkõ sĩ, wó ĩꞌdi drị̃rịma fẽ ãtíꞌbó ĩꞌdiní drị̃nzá fẽlépi rĩ ní rá.

Ị́jọ́ Uꞌbéŋá 29:15

Ídrĩ anzị mídrị̂ kí ị̃ndụ́ co sĩ kí itújó rá, kí adru ũndũwã rú, wó ngọ́tị́ŋá aꞌbelé ị̃ndụ́ colé ku rĩ la drị̃nzá ají ãndrẽ nî.

Ị́jọ́ Uꞌbéŋá 11:29

ꞌBá cãndí ajílépi ꞌbá ĩꞌdidrị́ kogá rĩ ꞌbaní rĩ ịsụ́ ãko ãzí ãwítã ru la ku, ꞌbá azalépi aza-azâ rĩ la adru ãtíꞌbó ꞌbá ũndũwá trũ rĩ ãni.

Ị́jọ́ Uꞌbéŋá 17:1

Ĩꞌdi múké íná ĩsá ị̃gbẹ́ rĩ najó ásị́ ị̃gbẹ̃ sĩ ãzíla ịjọjọŋá kóru ndẽ lị́cọ́ ụ̃mụ̃ najó ãzíla sĩ ãwãjó ala gá ãwã-ãwã rĩ rá.

Ị́jọ́ Uꞌbéŋá 17:3

Ála gólũdĩ kí ụ̃ꞌbị̃ sílĩvã be ãcí sĩ, wó Úpí la ásị́ ꞌbádrị̂ ụ̃ꞌbị̃ nĩ.