Ị́jọ́ Uꞌbéŋá 16:22 - Aringa

²² Ũndũwã ĩꞌdi kídí ídri drị̂ rú ꞌbá ũndũwá trũ rĩ ꞌbanî, wó ꞌbá azalépi aza-azâ rĩ kí imbájó rĩ ĩꞌdi sáwã izaŋá.

Ị́jọ́ Úꞌdí rĩ

²² Ũndũwã ĩꞌdi kídí ídri drị̂ rú ꞌbá ũndũwá trũ rĩ ꞌbanî, wó ꞌbá azalépi aza-azâ rĩ kí imbájó rĩ ĩꞌdi sáwã izaŋá.

Ị́jọ́ Uꞌbéŋá 16:22 Referans Kwoze

Ị́jọ́ Uꞌbéŋá 13:14

Ímbátáŋá ꞌbá ũndũwã rú rĩ ꞌbã fẽlé rĩ ĩꞌdi kídí ídri drị̂ ꞌi, ĩꞌdi ꞌbá pa ímbá drã drị̂ agá.

Ị́jọ́ Uꞌbéŋá 10:11

ꞌBá múké rĩ tị gá ị́jọ́ ídri fẽlépi rĩ la ãfũ nĩ, wó ꞌbá ũnzí rĩ ꞌbã tị la ũmbã aꞌbó cí.

Ị́jọ́ Uꞌbéŋá 18:4

Ị́jọ́ jọlé ũndũwã sĩ rĩ ĩꞌdi cécé ị̃yị́ mgbi rĩ áni; ãzíla ũndũwã ĩꞌdi cécé ị̃yị́ kídí ru dịlépi dị̃-dị̃ rĩ áni.

Ị́jọ́ Uꞌbéŋá 15:28

ꞌBá múké rĩ kí ị́jọ́ ꞌa ũrã ráká kí umvi la ĩndõ, wó tị ꞌbá ũnzí rĩ ꞌbadrị̂ la ꞌbá ũdũ ãcí áni.

Ị́jọ́ Uꞌbéŋá 15:2

ꞌBá ũndũwá ru rĩ drĩ ị́jọ́ jọ, ĩꞌdi fẽ nị̃táŋá la adru ãjị́ ambamba rú, wó ꞌbá azalépi aza-azâ rĩ tị gá ị́jọ́ ífí kóru rĩ la ãfũ nĩ.

Ị́jọ́ Uꞌbéŋá 14:27

Úpí ụ̃rị̃jó rĩ ĩꞌdi kídí ídri drị̂ ꞌi, ĩꞌdi ꞌbá pa ímbá drã drị̂ agá.

Ị́jọ́ Uꞌbéŋá 3:22

kí ími fẽ adrujó ídri rú, ãzíla adrujó ãyĩkõ sĩ ídri mídrị̂ agá ílí ãzo rú.

Ị́jọ́ Uꞌbéŋá 16:21

ꞌBá ũndũwá ru rĩ ála ĩꞌdi nị̃ ị́jọ́ ĩꞌdiní lịlẹ́ pịrị rĩ sĩ, ị́jọ́ ĩꞌdi ꞌbã jọlé rĩ la ꞌbá kí imbá rá.

Ị́jọ́ Uꞌbéŋá 16:23

ꞌBá ũndũwá trũ rĩ ꞌbã ásị́ la ĩꞌdi imbá sĩ ru tị tã mbajó, ị́jọ́ ĩꞌdi ꞌbã jọlé rĩ la ꞌbá kí imbá rá.

Ị́jọ́ Uꞌbéŋá 18:7

Ị́jọ́ ꞌbá azalépi aza-azâ rĩ ꞌbã jọlé rĩ la ĩꞌdiní lị́kị̃ ají; ãzíla ị́jọ́ ãfũlépi ĩꞌdi tị gá rĩ ímbá ĩꞌdidrị̂ ꞌi.