Ị́jọ́ Uꞌbéŋá 14:3 - Aringa

³ ꞌBá azalépi aza-azâ ị́jọ́ jọlépi tị pépé sĩ ãfó sĩ rĩ la kẹ̃lị́ká umve ĩꞌdi ũngúkú gá, wó ꞌbá ũndũwã rú rĩ ꞌbã ĩdra la ĩꞌdi tãmba rá.

Ị́jọ́ Úꞌdí rĩ

³ ꞌBá azalépi aza-azâ ị́jọ́ jọlépi tị pépé sĩ ãfó sĩ rĩ la kẹ̃lị́ká umve ĩꞌdi ũngúkú gá, wó ꞌbá ũndũwã rú rĩ ꞌbã ĩdra la ĩꞌdi tãmba rá.

Ị́jọ́ Uꞌbéŋá 14:3 Referans Kwoze

Ị́jọ́ Uꞌbéŋá 12:6

Ị́jọ́ ꞌbá ũnzí rĩ drị̂ ĩꞌdi ꞌbá ꞌdịjó, wó ꞌbá pịrị rĩ ꞌbã ị́jọ́ la ꞌbá ídri pa rá.

Ị́jọ́ Uꞌbéŋá 28:25

ꞌBá rọ̃mmgbọ́ trũ rĩ la ãcóŋá ají ꞌbá kí drĩdríŋĩ gá, wó ásị́ ꞌbãjó Úpí drị̃ gá rĩ la drị̃lẹ́ba fẽ.

Ị́jọ́ Uꞌbéŋá 22:8

ꞌBá ásị́ ũnzĩ ngalépi rĩ la drị̃lẹ́ ũnzĩ tra áyụ, ị́jọ́ ũnzí ĩꞌdi ꞌbã ngalé rĩ la ãsị̃ rá.

Ị́jọ́ Uꞌbéŋá 21:24

ꞌBá ãfó trũ ru uꞌélépi ũnzí rĩ, “Rụ́ la idemará ꞌi,” ĩꞌdi ị́jọ́ kí idé ãfó ru ãzíla ãmbõgõ sĩ.

Ị́jọ́ Uꞌbéŋá 18:6

Ị́jọ́ ꞌbá azalépi aza-azâ rĩ ꞌbã jọlé rĩ la ãwãŋá ají; ị́jọ́ ĩꞌdi ꞌbã jọlé rĩ la ãcóŋá umve ĩꞌdi ụrụ ꞌbá gá.

Ị́jọ́ Uꞌbéŋá 14:4

Lị́cọ́ mọ́nị̃gọ́ ámvụ́ sõlépi rĩ kóru rĩ gá ãkónã la adru ĩrá gá yụ, wó ꞌbá mọ́nị̃gọ́ ámvụ́ sõlépi rĩ trũ rĩ drị́ ãkónã la ãfũ ŋãnã.

Ị́jọ́ Uꞌbéŋá 13:3

ꞌBá ru tị tãmbalépi rá rĩ la ru ídri tãmba, wó ꞌbá ị́jọ́ jọlépi pépé rĩ la ru drị̃ gá lị́kị̃ ají.

Ị́jọ́ Uꞌbéŋá 18:7

Ị́jọ́ ꞌbá azalépi aza-azâ rĩ ꞌbã jọlé rĩ la ĩꞌdiní lị́kị̃ ají; ãzíla ị́jọ́ ãfũlépi ĩꞌdi tị gá rĩ ímbá ĩꞌdidrị̂ ꞌi.