Ị́jọ́ Uꞌbéŋá 13:3 - Aringa

³ ꞌBá ru tị tãmbalépi rá rĩ la ru ídri tãmba, wó ꞌbá ị́jọ́ jọlépi pépé rĩ la ru drị̃ gá lị́kị̃ ají.

Ị́jọ́ Úꞌdí rĩ

³ ꞌBá ru tị tãmbalépi rá rĩ la ru ídri tãmba, wó ꞌbá ị́jọ́ jọlépi pépé rĩ la ru drị̃ gá lị́kị̃ ají.

Ị́jọ́ Uꞌbéŋá 13:3 Referans Kwoze

Ị́jọ́ Uꞌbéŋá 21:23

ꞌBá ru tị tãmbalépi ĩdra be rá rĩ mba ru tã ị́jọ́ ũnzí gá rá.

Ị́jọ́ Uꞌbéŋá 18:21

Drã kí ídri be ũkpó la kí ĩdra drị́; wó ꞌbá ị́jọ́ jọlépi ambamba rĩ la ũyá la ịsụ́ rá.

Ị́jọ́ Uꞌbéŋá 18:7

Ị́jọ́ ꞌbá azalépi aza-azâ rĩ ꞌbã jọlé rĩ la ĩꞌdiní lị́kị̃ ají; ãzíla ị́jọ́ ãfũlépi ĩꞌdi tị gá rĩ ímbá ĩꞌdidrị̂ ꞌi.

Ị́jọ́ Uꞌbéŋá 10:19

Ị́jọ́ jọlé ambamba rĩ agá ị́jọ́ ũnzí ĩcẽ ku, wó ꞌbá ũndũwã rú rĩ la ĩyãŋã tú.

Ị́jọ́ Uꞌbéŋá 20:19

ꞌBá káláŋá ujílépi rĩ la ị́jọ́ sírĩ rú ri kí iyá ãmvé ị́jọ́ ꞌdĩ sĩ mí uꞌá ꞌbá tị ãcí rĩ be ku.

Ị́jọ́ Uꞌbéŋá 12:13

ꞌBá ũnzí rĩ kí gbã mãtégõ gá ị́jọ́ ũnzí ĩꞌbaní jọlé rĩ kí sĩ, wó ꞌbá ãlá rĩ kí ru pa ị́jọ́ ũnzí agá rá.

Ị́jọ́ Uꞌbéŋá 10:14

ꞌBá ũndũwã rú rĩ la ị́jọ́ nị̃ŋá tã mba rá, wó ꞌbá azalépi aza-azâ rĩ la lị́kị̃ umve ĩꞌdi ꞌbã tị sĩ.

Ị́jọ́ Uꞌbéŋá 13:4

Ũvúꞌbá drĩ táni ásị́ ꞌbã sĩ ãko ịsụ́jó íngõpí rá tí icó ku, wó ꞌbá ãzị́ ngalépi ũkpó sĩ rĩ la ãko pírí ĩꞌdi ꞌbã lẽlé rĩ kí ịsụ́ rá.

Ị́jọ́ Uꞌbéŋá 10:8

ꞌBá ũndũwã rú rĩ la ãzị́táŋá ãꞌị̃ ĩꞌdi ꞌbã ásị́sị́ŋá gá rá, wó ꞌbá azalépi aza-azâ rĩ la lị́kị̃ drị̃ lị.

Ị́jọ́ Uꞌbéŋá 14:3

ꞌBá azalépi aza-azâ ị́jọ́ jọlépi tị pépé sĩ ãfó sĩ rĩ la kẹ̃lị́ká umve ĩꞌdi ũngúkú gá, wó ꞌbá ũndũwã rú rĩ ꞌbã ĩdra la ĩꞌdi tãmba rá.