Ị́jọ́ Uꞌbéŋá 13:19 - Aringa

¹⁹ Ị́jọ́ ími ásị́ ꞌbã lẽlé rĩ ịsụ́jó rá rĩ la ãyĩkõ fẽ ími úríndí ní, wó ꞌbá azalépi aza-azâ rĩ lẽ kí ị́jọ́ ũnzí aꞌbelé ku.

Ị́jọ́ Úꞌdí rĩ

¹⁹ Ị́jọ́ ími ásị́ ꞌbã lẽlé rĩ ịsụ́jó rá rĩ la ãyĩkõ fẽ ími úríndí ní, wó ꞌbá azalépi aza-azâ rĩ lẽ kí ị́jọ́ ũnzí aꞌbelé ku.

Ị́jọ́ Uꞌbéŋá 13:19 Referans Kwoze

Ị́jọ́ Uꞌbéŋá 29:27

ꞌBá múké rĩ ngụ̃ kí ꞌbá ũnzí rĩ kí ũnzí ãzíla ꞌbá ũnzí rĩ ngụ̃ kí ꞌbá múké rĩ kí ũnzí.

Ị́jọ́ Uꞌbéŋá 13:12

Ị́jọ́ míní ásị́ tị̃jó rĩ drĩ ru idé ku ĩꞌdi ími ásị́ fẽ acálé ãyánĩ rú, wó ị́jọ́ míní ásị́ tị̃jó rĩ drĩ ru idé rá ĩꞌdi ími ásị́ fẽ acálé ãyĩkõ sĩ.

Ị́jọ́ Uꞌbéŋá 16:17

ꞌBá ãlá rĩ kí acị́ gẹ̃rị̃ kí agụlépi ị́jọ́ ũnzí gá ku rĩ kí agâ sĩ, ꞌbá ĩꞌdi ꞌbã gẹ̃rị̃ tãmbalépi rá rĩ la ru ídri tãmba rá.

Ị́jọ́ Uꞌbéŋá 16:6

Lẽtáŋá kí ãꞌị̃táŋá be kí ꞌbá trũ ị́jọ́ ũnzí agá, Úpí ụ̃rị̃jó rĩ la ꞌbá fẽ ị́jọ́ ũnzí aꞌbejó nĩ.

Ị́jọ́ Uꞌbéŋá 3:7

Íꞌbã jõ ími ũndũwã ambamba rĩ gá ku, íru Úpí ꞌi ãzíla mí idé jõ ị́jọ́ ũnzí ku.

Ị́jọ́ Uꞌbéŋá 13:18

ꞌBá ímbátáŋá lẽlépi ku rĩ la adru lẽmẽrí ãzíla ĩꞌdi drị̃nzá ịsụ́, wó ꞌbá ímbátáŋá sĩ ĩꞌdi itújó rĩ ãꞌị̃lépi rá rĩ la ãrútáŋá ịsụ́ rá.

Ị́jọ́ Uꞌbéŋá 13:20

ꞌBá acị́lépi ꞌbá ũndũwã rú rĩ be rĩ la adru ũndũwã rú, wó ꞌbá wọ̃rị̃ rụlépi ꞌbá azalépi aza-azâ rĩ be rĩ la ị́jọ́ ũnzí ají ĩꞌdi drị̃ gá rá.

Ị́jọ́ Uꞌbéŋá 29:10

ꞌBá ꞌbá ụꞌdị́lépi rĩ kí ꞌbá ị́jọ́ pịrị rĩ ngalépi rĩ kí ngụ̃ ũnzí, wó kí gẹ̃rị̃ ndrụ̃ sĩ lẽjó ꞌbá ị́jọ́ pịrị rĩ ngalépi rĩ kí ꞌdịjó rá.