Ị́jọ́ Uꞌbéŋá 12:4 - Aringa

⁴ Ũkú ádrízã múké rĩ la ágô ní ãrútáŋá ají, wó ũkú drị̃nzá fẽlépi ágô ní rĩ ĩꞌdi cécé ãyánĩ ágô ꞌbã ĩfã ꞌbã sĩ asụ́jó rĩ áni.

Ị́jọ́ Úꞌdí rĩ

⁴ Ũkú ádrízã múké rĩ la ágô ní ãrútáŋá ají, wó ũkú drị̃nzá fẽlépi ágô ní rĩ ĩꞌdi cécé ãyánĩ ágô ꞌbã ĩfã ꞌbã sĩ asụ́jó rĩ áni.

Ị́jọ́ Uꞌbéŋá 12:4 Referans Kwoze

Ị́jọ́ Uꞌbéŋá 14:30

Ásị́ ị̃gbẹ̃ ĩꞌdi ídri ụrụꞌbá drị̂ ꞌi, wó ãjã sĩ ꞌbá ĩfãkã la asụ́-asụ̂.

Ị́jọ́ Uꞌbéŋá 14:1

Ũkú ũndũwá ru rĩ la ĩꞌdi ꞌbã lị́cọ́ sị rá, wó ũkú azalépi aza-azâ rĩ la lị́cọ́ ĩꞌdidrị̂ andi ĩꞌdi ꞌbã drị́ sĩ.

Ị́jọ́ Uꞌbéŋá 21:19

Uꞌájó ãngũ kõtórõ rú rĩ agá rĩ múké ãndânĩ ndẽ uꞌájó ũkú ãwãlépi, ãzíla unulépi ambamba rĩ be rĩ rá.

Ị́jọ́ Uꞌbéŋá 21:9

Míní uꞌájó jó ꞌbã kónã gá lótré gá ꞌdãá rĩ ĩꞌdi múké; ndẽ míní uꞌájó ũkú ãwãlépi unzí rĩ be jó ãlu gá rĩ rá.

Rụ́tụ̃ 3:11

Ụ̃rị̃ ꞌbã rụ mi ku mâ ị̃zẹ́pị, ma ị́jọ́ míní lẽlé rĩ kí idé rá. ꞌBá pírí ãmadrị́ táwụ̃nị̃ agá ꞌdãá rĩ nị̃ kí mi ũkú gbíyã múké la rĩ gá rá.

Ị́jọ́ Uꞌbéŋá 12:5

Ị́jọ́ ꞌbá ãlá rĩ ꞌbã itúlé rĩ kí pịrị, wó ị́jọ́ ꞌbá ũnzí rĩ ꞌbã kí amálé rĩ kí ị́jọ́ ꞌbá uléjó rĩ kî.

Ị́jọ́ Uꞌbéŋá 18:22

ꞌBá ũkú múké rĩ ịsụ́lépi rĩ ịsụ́ ãko mgbã la; ãzíla ĩꞌdi ásị́ ị̃gbẹ̃ ịsụ́ Úpí drị́ rá.

Ị́jọ́ Uꞌbéŋá 11:22

Ũkú ũniyambamba ị́jọ́ nị̃lépi ku rĩ, ĩꞌdi cécé fõrĩfõrĩŋá gólũdĩ rú gĩlé ĩzõgó ũmvu gá rĩ áni.

Ị́jọ́ Uꞌbéŋá 30:23

ũkú lẽlé ku rĩ ꞌbã ágó rụjó rá rĩ ꞌi, ãzíla ĩzóŋá ãtíꞌbó ru rĩ ꞌbã ãmbógó ĩꞌdidrị́ ũkú ru rĩ ꞌbã ágó pajó rĩ ꞌi.

Ị́jọ́ Uꞌbéŋá 31:29

Ĩꞌdi jọ la, “Ũkú múké rĩ kí wẽwẽ rú, wó índẽ kí pírí rá.”