Ị́jọ́ Uꞌbéŋá 12:25 - Aringa

²⁵ Ásị́ umvúŋá la fẽ ãyĩkõ la adru ꞌbá ásị́ gá ꞌdáyụ, wó ị́jọ́ jọŋá ásị́ ị̃gbẹ̃ sĩ rĩ la ꞌbá ásị́ gá ãyĩkõ ají rá.

Ị́jọ́ Úꞌdí rĩ

²⁵ Ásị́ umvúŋá la fẽ ãyĩkõ la adru ꞌbá ásị́ gá ꞌdáyụ, wó ị́jọ́ jọŋá ásị́ ị̃gbẹ̃ sĩ rĩ la ꞌbá ásị́ gá ãyĩkõ ají rá.

Ị́jọ́ Uꞌbéŋá 12:25 Referans Kwoze

Ị́jọ́ Uꞌbéŋá 16:24

Ị́jọ́ jọlé ásị́ ị̃gbẹ̃ sĩ rĩ ĩꞌdi cécé ãnụ́ áni, ĩꞌdi ị̃lị́-ị̃lị́ ru ꞌbá ꞌbã úríndí ní ãzíla ĩꞌdi ꞌbá ụrụꞌbá ꞌbã ãlá ru.

Ị́jọ́ Uꞌbéŋá 15:13

Ásị́ ãyĩkõ rú rĩ la ꞌbá ꞌbã mẹ́lẹ́tị fẽ dị̃lé dị̃-dị̃, wó ũcõgõ ásị́ gá rĩ la úríndí ịgbẹ́ cĩrĩ.

Ị́jọ́ Uꞌbéŋá 17:22

Ásị́ ãyĩkõ rú rĩ ĩꞌdi írúwá múké rĩ; wó ásị́ ũcõgõ rú rĩ la ími fẽ drãlé jãjã rú.

Ị́jọ́ Uꞌbéŋá 15:23

ꞌBá la adru ãyĩkõ sĩ umvitáŋá múké ãfũlépi ĩꞌdi tị gá rĩ sĩ, ị́jọ́ umvilé sáwã pịrị rĩ agá rĩ ꞌbã ũnĩ dó ni yã!

Ị́jọ́ Uꞌbéŋá 12:18

Ị́jọ́ ꞌa ũrãlé ku rĩ la ꞌbá sõ kãrụ̃ cécé ménéŋá áni, wó ị́jọ́ ꞌbá ũndũwã rú rĩ ꞌbã jọlé rĩ la ꞌbá adrí rá.

Ị́jọ́ Uꞌbéŋá 27:9

Ãdu ngụ̃lépi ãjị́ trũ vĩrĩ rĩ kí lũbánĩ be ãyĩkõ fẽ ásị́ ní, wọ̃rị́ ígátáŋá pịrị rĩ fẽlépi rĩ la ãyĩkõ fẽ gẹ̃rị̃ ãlu ꞌdĩ sĩ.

Ị́jọ́ Uꞌbéŋá 18:14

ꞌBá ꞌbã ásị́ la icó ãyánĩ ụrụꞌbá gá rĩ tị talé rá; wó ꞌbá ãzí ásị́ drĩ nũ rá ĩꞌdi dó icó ãyánĩ tị talé íngoní ru?

Ị́jọ́ Uꞌbéŋá 25:11

Ị́jọ́ jọlé múké sáwã múké rĩ agá rĩ ĩꞌdi cécé gólũdĩ ãlá ꞌbãlé ãkójó sílĩvã rú rĩ agá rĩ áni.

Ị́jọ́ Uꞌbéŋá 15:15

Ídri ꞌbá ĩkpãlé ĩkpã-ĩkpã rĩ ꞌbadrị̂ la adru sáwã pírí sĩ ũcõgõ rú, wó ꞌbá ásị́ agá ãyĩkõ rú rĩ la uꞌá sáwã pírí sĩ ãyĩkõ sĩ.

Ị́jọ́ Uꞌbéŋá 14:10

Ãyĩkõ mídrị̂ ꞌbãngá mí ãni; ũcõgõ mídrị̂ ꞌbãngá mí ãni, mí icó kí alelé ꞌbá ãzí be ku.

Ị́jọ́ Uꞌbéŋá 12:26

ꞌBá ãlá rĩ la ĩꞌdi ꞌbã wọ̃rị̂ tã mba rá, wó gẹ̃rị̃ ꞌbá ũnzí rĩ drị̂ la kí agụ wọ̃rị̂ be bụ́lụ́ gá.

Ị́jọ́ Uꞌbéŋá 15:30

Mẹ́lẹ́tị ãlá rĩ la ꞌbá ásị́ ní ãyĩkõ fẽ, wó ị́jọ́ mgbã rĩ la ụrụꞌbá ãlá rĩ fẽ nĩ.