Ị́jọ́ Uꞌbéŋá 12:18 - Aringa

¹⁸ Ị́jọ́ ꞌa ũrãlé ku rĩ la ꞌbá sõ kãrụ̃ cécé ménéŋá áni, wó ị́jọ́ ꞌbá ũndũwã rú rĩ ꞌbã jọlé rĩ la ꞌbá adrí rá.

Ị́jọ́ Úꞌdí rĩ

¹⁸ Ị́jọ́ ꞌa ũrãlé ku rĩ la ꞌbá sõ kãrụ̃ cécé ménéŋá áni, wó ị́jọ́ ꞌbá ũndũwã rú rĩ ꞌbã jọlé rĩ la ꞌbá adrí rá.

Ị́jọ́ Uꞌbéŋá 12:18 Referans Kwoze

Ị́jọ́ Uꞌbéŋá 16:24

Ị́jọ́ jọlé ásị́ ị̃gbẹ̃ sĩ rĩ ĩꞌdi cécé ãnụ́ áni, ĩꞌdi ị̃lị́-ị̃lị́ ru ꞌbá ꞌbã úríndí ní ãzíla ĩꞌdi ꞌbá ụrụꞌbá ꞌbã ãlá ru.

Ị́jọ́ Uꞌbéŋá 15:4

Ĩdra ꞌbá adrílépi rĩ ĩꞌdi ife ídri fẽlépi rĩ ꞌi, wó ĩdra úlétáŋá ulélépi rĩ la úríndí ịgbẹ́-ịgbệ.

Ị́jọ́ Uꞌbéŋá 25:18

ꞌBá ị́jọ́ ị̃ndụ́ nzelépi ĩꞌdi ꞌbã jĩránĩ drị̃ gá ĩnzõ rú rĩ, ĩꞌdi ꞌbá adrá cécé túré jõku ménéŋá jõku ꞌé sị́ ãcí rĩ áni.

Ị́jọ́ Uꞌbéŋá 15:7

Tị ꞌbá ũndũwá ru rĩ drị̂ la nị̃táŋá iré, wó ꞌbá azalépi aza-azâ rĩ ꞌbã ásị́ adru ꞌdĩ ꞌbã áni ku.

Ị́jọ́ Uꞌbéŋá 13:17

ꞌBá ị́jọ́ ũnzí ujílépi rĩ la aꞌdé ị́jọ́ ũcõgõ rú rĩ agá rá, wó ꞌbá ị́jọ́ pịrị rĩ ujílépi rĩ la ꞌbá adrí.

Ị́jọ́ Uꞌbéŋá 4:22

ãꞌdusĩku kí ídri fẽ ꞌbá kí ịsụ́lépi rĩ ꞌbanî ãzíla kí ꞌbá ụrụꞌbá adrí rá.

Ị́jọ́ Uꞌbéŋá 12:17

Sãdínĩ pịrị rĩ la ị́jọ́ mgbã rĩ jọ, wó sãdínĩ pịrị ku rĩ la ĩnzõ jọ.