Ị́jọ́ Uꞌbéŋá 10:14 - Aringa

¹⁴ ꞌBá ũndũwã rú rĩ la ị́jọ́ nị̃ŋá tã mba rá, wó ꞌbá azalépi aza-azâ rĩ la lị́kị̃ umve ĩꞌdi ꞌbã tị sĩ.

Ị́jọ́ Úꞌdí rĩ

¹⁴ ꞌBá ũndũwã rú rĩ la ị́jọ́ nị̃ŋá tã mba rá, wó ꞌbá azalépi aza-azâ rĩ la lị́kị̃ umve ĩꞌdi ꞌbã tị sĩ.

Ị́jọ́ Uꞌbéŋá 10:14 Referans Kwoze

Ị́jọ́ Uꞌbéŋá 18:7

Ị́jọ́ ꞌbá azalépi aza-azâ rĩ ꞌbã jọlé rĩ la ĩꞌdiní lị́kị̃ ají; ãzíla ị́jọ́ ãfũlépi ĩꞌdi tị gá rĩ ímbá ĩꞌdidrị̂ ꞌi.

Ị́jọ́ Uꞌbéŋá 10:8

ꞌBá ũndũwã rú rĩ la ãzị́táŋá ãꞌị̃ ĩꞌdi ꞌbã ásị́sị́ŋá gá rá, wó ꞌbá azalépi aza-azâ rĩ la lị́kị̃ drị̃ lị.

Ị́jọ́ Uꞌbéŋá 13:3

ꞌBá ru tị tãmbalépi rá rĩ la ru ídri tãmba, wó ꞌbá ị́jọ́ jọlépi pépé rĩ la ru drị̃ gá lị́kị̃ ají.

Ị́jọ́ Uꞌbéŋá 10:10

ꞌBá ꞌbá bĩlépi ị́jọ́ ũnzí sĩ mịfị́ sĩ rĩ la cãndí ají, wó ꞌbá ị́jọ́ ũnzí aꞌdálépi rĩ la ásị́-ị̃gbẹ̃ ají.

Ị́jọ́ Uꞌbéŋá 9:9

Mí imbá ꞌbá ũndũwã rú rĩ ãzíla ũndũwã ĩꞌdidrị̂ la zo drị̃ gá, mí imbá ꞌbá ãlá rĩ, ĩꞌdi ị́jọ́ nị̃ rá ãzíla ĩꞌdi trũ mụ drị̃ gá.

Ị́jọ́ Uꞌbéŋá 21:23

ꞌBá ru tị tãmbalépi ĩdra be rá rĩ mba ru tã ị́jọ́ ũnzí gá rá.

Ị́jọ́ Uꞌbéŋá 19:8

ꞌBá ũndũwã ịsụ́lépi rĩ lẽ ídri ĩꞌdidrị̂ rá; ꞌbá vãtáŋá trũ rĩ la drị̃lẹ́ba ịsụ́ rá.

Ị́jọ́ Uꞌbéŋá 18:15

ꞌBá ũndũwã trũ rĩ kí sáwã pírí sĩ bábá ị́jọ́ ụ̃nị̃jó; kí bị́lẹ́ mmgbọ rú sĩ ị́jọ́ lẽlé ụ̃nị̃lé rĩ arejó.

Ị́jọ́ Uꞌbéŋá 18:1

ꞌBá ru icílépi ꞌbá abe ku ị́jọ́ ũrãlépi ru drị̃ gá áꞌdụ̂sĩ rĩ la; ị́jọ́ ꞌbá pírí ꞌbã kí nị̃lé cé ĩꞌdi pịrị rĩ gã úmgbé.

Ị́jọ́ Uꞌbéŋá 1:5

Lẽ ꞌbá ũndũwá ru rĩ ꞌbã are ị́jọ́ ꞌdĩ kí ãzíla ꞌbã ũꞌbã kí ị́jọ́ ĩꞌdi ꞌbã ụ̃nị̃lé ꞌbo rĩ kí drị̃ gá, ĩꞌdi ꞌbá ụ̃nị̃táŋá trũ rĩ drị̃ ce ị́jọ́ pịrị rĩ ngajó,

Ị́jọ́ Uꞌbéŋá 12:23

ꞌBá ũndũwá rú rĩ icé kí ru ũndũwã ĩꞌbadrị̂ sĩ ku, wó ꞌbá azalépi aza-azâ rĩ kí aza ĩꞌbadrị̂ iꞌda tọndọlọ.

Ị́jọ́ Uꞌbéŋá 17:20

ꞌBá ásị́ mũlũmbẽ rú rĩ icó ị́jọ́ múké rĩ kí ịsụ́lé ku; ꞌbá ĩnzõ jọlépi rĩ la fi ị́jọ́ ũnzí agá.