Ị́jọ́ Uꞌbéŋá 10:11 - Aringa

¹¹ ꞌBá múké rĩ tị gá ị́jọ́ ídri fẽlépi rĩ la ãfũ nĩ, wó ꞌbá ũnzí rĩ ꞌbã tị la ũmbã aꞌbó cí.

Ị́jọ́ Úꞌdí rĩ

¹¹ ꞌBá múké rĩ tị gá ị́jọ́ ídri fẽlépi rĩ la ãfũ nĩ, wó ꞌbá ũnzí rĩ ꞌbã tị la ũmbã aꞌbó cí.

Ị́jọ́ Uꞌbéŋá 10:11 Referans Kwoze

Ị́jọ́ Uꞌbéŋá 13:14

Ímbátáŋá ꞌbá ũndũwã rú rĩ ꞌbã fẽlé rĩ ĩꞌdi kídí ídri drị̂ ꞌi, ĩꞌdi ꞌbá pa ímbá drã drị̂ agá.

Ị́jọ́ Uꞌbéŋá 10:6

ꞌBá múké rĩ kí drị̃lẹ́ba ịsụ́ rá, wó ꞌbá ũnzí rĩ la ũmbã zị̃ ĩꞌdi ꞌbã ásị́ gá.

Ị́jọ́ Uꞌbéŋá 18:4

Ị́jọ́ jọlé ũndũwã sĩ rĩ ĩꞌdi cécé ị̃yị́ mgbi rĩ áni; ãzíla ũndũwã ĩꞌdi cécé ị̃yị́ kídí ru dịlépi dị̃-dị̃ rĩ áni.

Ị́jọ́ Uꞌbéŋá 20:15

Ị́jọ́ jọlé nị̃táŋá sĩ rĩ ãjẹ̃ rú ndẽ gólũdĩ ãzíla ŋálí ãjẹ̃ rú rĩ kí rá.

Ị́jọ́ Uꞌbéŋá 15:7

Tị ꞌbá ũndũwá ru rĩ drị̂ la nị̃táŋá iré, wó ꞌbá azalépi aza-azâ rĩ ꞌbã ásị́ adru ꞌdĩ ꞌbã áni ku.

Ị́jọ́ Uꞌbéŋá 10:32

ꞌBá ãlá rĩ kí ị́jọ́ múké rĩ kí jọ, wó ꞌbá ũnzí rĩ kí tị la ĩnzõ jọ.

Ị́jọ́ Uꞌbéŋá 15:4

Ĩdra ꞌbá adrílépi rĩ ĩꞌdi ife ídri fẽlépi rĩ ꞌi, wó ĩdra úlétáŋá ulélépi rĩ la úríndí ịgbẹ́-ịgbệ.