Ị́jọ́ Uꞌbéŋá 1:31 - Aringa

³¹ ĩmi dó mụ gẹ̃rị̃ ĩminí acị́jó ị́jọ́ ũnzĩ agá rĩ ꞌbã sị́mvụ́ ꞌbị̃lé rá ãzíla ị́jọ́ ũnzí ĩminí ngalé rĩ kí fi ĩmi mịfị́ gá trotro.

Ị́jọ́ Úꞌdí rĩ

³¹ ĩmi dó mụ gẹ̃rị̃ ĩminí acị́jó ị́jọ́ ũnzĩ agá rĩ ꞌbã sị́mvụ́ ꞌbị̃lé rá ãzíla ị́jọ́ ũnzí ĩminí ngalé rĩ kí fi ĩmi mịfị́ gá trotro.

Ị́jọ́ Uꞌbéŋá 1:31 Referans Kwoze

Ị́jọ́ Uꞌbéŋá 14:14

Ála ꞌbá ãꞌị̃táŋá kóru rĩ kí ũfẽ ị́jọ́ ũnzí ĩꞌbadrị̂ kî sĩ, ãzíla ála ꞌbá ãlá rĩ kí ũfẽ ị́jọ́ múké ĩꞌbã kí ngalé rĩ kî sĩ.

Ị́jọ́ Uꞌbéŋá 22:8

ꞌBá ásị́ ũnzĩ ngalépi rĩ la drị̃lẹ́ ũnzĩ tra áyụ, ị́jọ́ ũnzí ĩꞌdi ꞌbã ngalé rĩ la ãsị̃ rá.

Ị́jọ́ Uꞌbéŋá 5:22

Ị́jọ́ ũnzí ꞌbá ũnzí rĩ ꞌbã idélé rĩ la adru ĩꞌdiní ímbá ru; ĩbáká ị́jọ́ ũnzí ĩꞌdidrị̂ drị̂ la ĩꞌdi vúŋá rụ.

Ị́jọ́ Uꞌbéŋá 5:23

Ĩꞌdi mụ drãlé ĩꞌdi ꞌbã ru tã mbajó ku rĩ sĩ, Ĩꞌdi ãvĩ rá, ãꞌdusĩku aza ĩꞌdidrị̂ trẹ̃yị́.

Ị́jọ́ Uꞌbéŋá 8:36

Wó ꞌbá áma ịsụ́lépi ku rĩ adrá ru cénĩ; ꞌBá pírí áma ngụ̃lépi ũnzí rĩ lẽ kí drã.”

Ị́jọ́ Uꞌbéŋá 12:14

Ị́jọ́ ãfũlépi ími tị gá múké rĩ la míní ụ̃rọ̃drị́ ají, ãzíla ãzị́ ngalé ũkpó sĩ rĩ la ụ̃rọ̃drị́ ají rá.

Ị́jọ́ Uꞌbéŋá 13:2

ꞌBá la ãko múké rĩ ịsụ́ nalé ị́jọ́ múké ãfũlépi ĩꞌdi ꞌbã tị gá rĩ sĩ, wó ꞌbá mũlũmbẽ rú rĩ kí ásị́ gá ị́jọ́ ũmbã rú rĩ la uvá gbũlá-gbũlá nĩ.