Ị́jọ́ Uꞌbéŋá 1:22 - Aringa

²² “Ĩmi ꞌbá idemará ru ꞌdĩ! Ĩlẽ adrulé ị́jọ́ nị̃ŋá kóru ụ́ꞌdụ́ íngõpí yã? Ĩmi mụ uꞌálé ãyĩkõ sĩ nị̃táŋá ãkõ sĩ sáwã ãzo rú íngõpí yã? Ĩmi ꞌbá azalépi aza-azâ ꞌdĩ ĩmi icó dó ị́jọ́ ụ̃nị̃lé ku yã?

Ị́jọ́ Úꞌdí rĩ

²² “Ĩmi ꞌbá idemará ru ꞌdĩ! Ĩlẽ adrulé ị́jọ́ nị̃ŋá kóru ụ́ꞌdụ́ íngõpí yã? Ĩmi mụ uꞌálé ãyĩkõ sĩ nị̃táŋá ãkõ sĩ sáwã ãzo rú íngõpí yã? Ĩmi ꞌbá azalépi aza-azâ ꞌdĩ ĩmi icó dó ị́jọ́ ụ̃nị̃lé ku yã?

Ị́jọ́ Uꞌbéŋá 1:22 Referans Kwoze

Ị́jọ́ Uꞌbéŋá 5:12

Mi dó amụ́ ími zịlé, “ꞌBá rĩ, ágã ándrá mání ímbátáŋá sĩ áma imbájó rĩ úmgbé ãjó yã! Ágã ándrá áma itújó rĩ úmgbé ãjó yã!

Ị́jọ́ Uꞌbéŋá 1:29

Ĩminí ándrá nị̃táŋá gãjó úmgbé ãzíla ĩminí Úpí ụ̃rị̃jó ku,

Ị́jọ́ Uꞌbéŋá 21:11

Údrĩ ꞌbá ꞌbá kí idelépi rĩ ní drị̃rịma fẽ, ꞌbá ũndũwã kóru rĩ la ũndũwá ịsụ́ rá; údrĩ ꞌbá ũndũwã trũ rĩ ímbá ĩꞌdi ímbátáŋá ãꞌị̃ rá.

Ị́jọ́ Uꞌbéŋá 19:29

Ídé drị̃rịma bábá ꞌbá idemará ru rĩ ꞌba nî; ãzíla ꞌbá azalépi aza-azâ rĩ kí ála kí ũngúkú co rá.

Ị́jọ́ Uꞌbéŋá 15:12

ꞌBá ꞌbá idelépi ide idê rĩ lẽ ítútáŋá ku, icó ị́jọ́ zịlé ꞌbá ũndũwá ru rĩ ꞌbã tị gá ku.

Ị́jọ́ Uꞌbéŋá 14:6

ꞌBá ãfó trũ rĩ la ũndũwá ndrụ̃ rá ãzíla icó ịsụ́lé la ku, wó ꞌbá vãtáŋá trũ rĩ la ị́jọ́ ụ̃nị̃ mbẽlẽŋá ru.

Ị́jọ́ Uꞌbéŋá 8:5

Ĩmi ꞌbá ũrãtáŋá were ꞌdĩ, ĩmi ụ̃nị̃ ị́jọ́ lịlẹ́ pịrị rĩ ꞌi. Ĩmi ꞌbá azalépi aza-azâ ꞌdĩ lẽ ĩmi adru ásị́sị́ŋá sĩ ị́jọ́ vãjó rĩ trũ.

Ị́jọ́ Uꞌbéŋá 7:7

ándre kãrị́lẹ̃ ãzí ị́jọ́ nị̃lépi ku la kî, kí agá ꞌdãá ándre kãrị́lẹ̃ ãzí ũndũwã kóru la.

Ị́jọ́ Uꞌbéŋá 6:9

Mi ꞌbá ũvúꞌbá ru ꞌdĩ, ꞌí lẽ ụ́ꞌdụ́ kolé íngõpí yã? Mi angá ụ́ꞌdụ́ gâlé rĩ sĩ ãꞌdụ tụ́ yã?

Ị́jọ́ Uꞌbéŋá 3:34

Úpí la ꞌbá idemará ru rĩ kí ide ĩdẽ wó ĩꞌdi ásị́ ị̃gbẹ̃ fẽ ꞌbá ru irilépi vụ̃rụ́lẹ́ rĩ nî.

Ị́jọ́ Uꞌbéŋá 1:7

Úpí ụ̃rị̃jó rĩ ĩꞌdi ũndũwã ꞌbã iꞌdóŋá, wó ꞌbá azalépi aza-azâ rĩ gã kí ũndũwá ãzíla ímbátáŋá sĩ ũndũwá ịsụ́jó rĩ úmgbé.

Ị́jọ́ Uꞌbéŋá 1:4

Kí ꞌbá ũndũwã kọ́lị rĩ fẽ acálé ũndũwã trũ ãzíla kãrị́lẹ̃ kí imbá sĩ adrujó vãtáŋá trũ ãzíla sĩ ị́jọ́ kí ụ̃tị̃jó múké-múké.

Ãfũŋá 16:28

ꞌDã ꞌbã ũngúkú gá Úpí jọ Mụ́sã nî ꞌbã jọ, “ꞌBá Ịsịrayị́lị̃ drị́ ꞌdĩ ĩmi ãzị́táŋá mádrị̂ kí gã tã mbalé úmgbé ụ́ꞌdụ́ íngõpí yã?

Ãfũŋá 10:3

Ị́jọ́ ꞌdĩ sĩ Mụ́sã kí Ãrọ́nị̃ be mụ kí dó Fãráwũ rụ̂lé ãzíla jọ kí ĩꞌdiní, “Úpí Ãdróŋá ꞌbá Ĩbũrãníyã rú rĩ ꞌbadrị̂ jọ: ‘Mi gã áma tị arelé úmgbé ụ́ꞌdụ́ íngõpí yã? Lẽ mí aꞌbe ꞌbá mádrị̂ ꞌbã mụ kî, ị́jọ́ ꞌdĩ sĩ kí dó sĩ mụ áma ị̃nzị̃lé kõtórõ agâlé.

Ị́jọ́ Uꞌbéŋá 1:21

Ãngũ ꞌbá ꞌbã kí sĩ nujó wũ rĩ gá ĩꞌdi ꞌbá umve ụ́ꞌdụ́kọ́ sĩ rere kẹ̃jị́tị táwụ̃nị̃ drị̂ gá, ĩꞌdĩ jọ la:

Ị́jọ́ Uꞌbéŋá 1:32

Ị́jọ́ ꞌdĩ sĩ ꞌbá azalépi aza-azâ rĩ kí ũdrã ĩꞌbã kí ũndũwã gãjó úmgbé rĩ sĩ ãzíla ị́jọ́ ĩꞌbã kí ũndũwã gãjó úmgbé rĩ la kí fẽ ị̃lị̃kị̃lé nĩ;

Ị́jọ́ Uꞌbéŋá 21:24

ꞌBá ãfó trũ ru uꞌélépi ũnzí rĩ, “Rụ́ la idemará ꞌi,” ĩꞌdi ị́jọ́ kí idé ãfó ru ãzíla ãmbõgõ sĩ.

Ị́jọ́ Uꞌbéŋá 22:3

ꞌBá ị́jọ́ ꞌa uyalépi ũndũwá sĩ rĩ la ị́jọ́ ũnzí amụ́lépi rĩ ndre údu rú ãzíla ĩꞌdi ru zị̃ rá, wó ꞌbá ũndũwá kóru rĩ la mụ drị̃ gá ãzíla ĩꞌdi fi drị̃lẹ́ ũnzĩ amụ́lépi rĩ agá nĩ.