Ị́jọ́ Uꞌbéŋá 1:11 - Aringa

¹¹ Drĩ kí jọ la míní, “Mí amụ́ ãma abe; ãmụ kí ãma zị̃lé gẹ̃rị̃ gá sĩ ꞌbá ãzí ꞌbã ãrí asujó, lẽ ãmụ kí ꞌbá ị́jọ́ kóru rĩ kí drị̃ tẽlé gẹ̃rị̃ gá sĩ kí ụꞌdị́jó!

Ị́jọ́ Úꞌdí rĩ

¹¹ Drĩ kí jọ la míní, “Mí amụ́ ãma abe; ãmụ kí ãma zị̃lé gẹ̃rị̃ gá sĩ ꞌbá ãzí ꞌbã ãrí asujó, lẽ ãmụ kí ꞌbá ị́jọ́ kóru rĩ kí drị̃ tẽlé gẹ̃rị̃ gá sĩ kí ụꞌdị́jó!

Ị́jọ́ Uꞌbéŋá 1:11 Referans Kwoze

Ị́jọ́ Uꞌbéŋá 1:18

Wó ꞌbá ꞌdĩ áni rĩ kí ímbá ꞌbe ĩꞌbã vúŋá nî, kí vúŋá la drã ímbá ĩꞌbã kí ꞌbelé rĩ sĩ nĩ!

Ị́jọ́ Uꞌbéŋá 12:6

Ị́jọ́ ꞌbá ũnzí rĩ drị̂ ĩꞌdi ꞌbá ꞌdịjó, wó ꞌbá pịrị rĩ ꞌbã ị́jọ́ la ꞌbá ídri pa rá.

Ị́jọ́ Uꞌbéŋá 30:14

ꞌbá ãzí kí sị́ ci cécé ménéŋá áni, kálé ĩꞌbadrị̂ kí cécé ị́lị́ŋá áni, kí sĩ ꞌbá ụ̃nọ́kụ́ drị̃ gá ꞌdâ lẽmẽrí ãzíla ꞌbá ꞌbá kí drĩdríŋĩ gá ꞌdâ ãko kóru rĩ kí na.

Ị́jọ́ Uꞌbéŋá 1:16

ãꞌdusĩku kí cẹ̃ ị́jọ́ ũnzí gâlé ụ́ngụ́lẹ́ sĩ, kí bábá sĩ ꞌbá ãrí asujó.

Ị́jọ́ Uꞌbéŋá 24:15

Íla mi ꞌbá ũnzí rĩ áni ꞌbá ãlá rĩ drị̃ tẽlé sĩ ĩꞌdi ꞌdịjó ĩꞌdidrị́ jó pá gá ku, ãzíla íra ãko ãngũ ĩꞌdiní sĩ uꞌájó rĩ gá rĩ kí ku

Ị́jọ́ Uꞌbéŋá 29:24

ꞌBá ãko ụ̃gụ́ꞌbá ꞌbã ụ̃gụ̃lé rĩ kí nalépi ĩꞌdi be rĩ ĩꞌdi ĩꞌdi ꞌbã mẹ́rọ́ꞌbá ru cénĩ. Drĩ táni ũyõ na icó ị́jọ́ pịrị rĩ jọlé ku.