Íꞌdóŋá 49:8 - Aringa

⁸ “Yụ́dã, mî ádrị́pịka kí rú ími ịcụ́-ịcụ̂; ími drị́ la adru mẹ́rọ́ꞌbá mídrị̂ kí imbe gá; mí ádrị́pịka kí rú drị̃ su míní vụ̃rụ́.

Ị́jọ́ Úꞌdí rĩ

⁸ “Yụ́dã, mî ádrị́pịka kí rú ími ịcụ́-ịcụ̂; ími drị́ la adru mẹ́rọ́ꞌbá mídrị̂ kí imbe gá; mí ádrị́pịka kí rú drị̃ su míní vụ̃rụ́.

Íꞌdóŋá 49:8 Referans Kwoze

Íꞌdóŋá 27:29

Sụ́rụ́ ꞌbã adru kí míní ãzị́ ngalé ãtíꞌbó ru, ꞌbá pírí ꞌbã tị̃ kí ãja vụ̃rụ́ ími drị̃lẹ́ gá. Mi adru úpí ru sĩ mí ádrị́pịka kí drị̃ cejó, anzị mî ãndrẽ ꞌbã tịlé rĩ ꞌbã tị̃ kí ãja vụ̃rụ́ ími drị̃lẹ́ gá. Áwãtáŋá ꞌbã adru ꞌbá ími wãlépi rĩ kí drị̃ gá ãzíla drị̃lẹ́ba ꞌbã adru ꞌbá míní sụ̃sụ́ wilépi rĩ kí drị̃ gá.”

Ãzị́táŋá Amviŋá 33:7

Mụ́sã jọ ị́jọ́ sụ́rụ́ Yụ́dã drị̂ drị̃ gá, “Úpí, mí are Yụ́dã ꞌbã áwáŋá ĩꞌdiní ãzãkoma aꞌị́ agá mídrị́. Mí icí kí sụ́rụ́ Ịsịrayị́lị̃ drị̂ kí abe ꞌbá ãlu rụ́ ị̃dị́, ífẽ ĩꞌdiní ũkpó sĩ mẹ́rọ́ꞌbá kí ndẽjó.”

Íꞌdóŋá 29:35

Ịsụ́ vâ ꞌa ãzí rĩ ꞌi, tị ngọ́tị́ ágọ́bị́, jọ, “Úꞌdîꞌda ma dó Úpí ịcụ́ rá.” ꞌDa dó sĩ rụ́ la Yụ́dã ꞌi. Lị dó ru ngọ́tị́ ịsụ́ŋá gá rá.

Íꞌdóŋá 46:12

Anzị Yụ́dã drị̂ kí rụ́: Ị́rị̃ ꞌi, Ũnánĩ ꞌi, Sélã ꞌi, Pẹ̃rẹ́zị̃ ꞌi ãzíla Zérã ꞌi, (wó Ị́rị̃ kí Ũnánĩ be ũdrã kí Kãnánĩ gâlé). Anzị Pẹ̃rẹ́zị̃ drị̂ kí: Hẽzĩrónĩ kí Hãmụ́lị̃ be.

Íꞌdóŋá 42:6

Yụ̃sụ́fụ̃ ꞌbã ándrá adrujó ãmbógó ru ãngũ Mị̃sị́rị̃ drị̂ gá rĩ sĩ, ri ãkónã ụzịlé ꞌbá ụ̃nọ́kụ́ drị̃ gá ꞌdâ rĩ ꞌbaní pírí nĩ. Yụ̃sụ́fụ̃ ꞌbã ádrị́pịka kí mụ acálé ꞌbo tị̃ kí ãja ãzíla su kí drị̃ vụ̃rụ́ ĩꞌdi drị̃lẹ́ gá.