Íꞌdóŋá 27:28 - Aringa

²⁸ Ãdróŋá ꞌbã fẽ míní uzogó ꞌbụ̃ gá rĩ ãzíla ꞌbã fẽ ámvụ́ mídrị̂ ꞌbã adru kí ãkónã kalépi ambamba rĩ kî rú! Ãdróŋá ꞌbã fẽ míní ãná ꞌbã kakã ãzíla wáyĩnĩ ꞌbã adru míní wẽwẽ rú.

Ị́jọ́ Úꞌdí rĩ

²⁸ Ãdróŋá ꞌbã fẽ míní uzogó ꞌbụ̃ gá rĩ ãzíla ꞌbã fẽ ámvụ́ mídrị̂ ꞌbã adru kí ãkónã kalépi ambamba rĩ kî rú! Ãdróŋá ꞌbã fẽ míní ãná ꞌbã kakã ãzíla wáyĩnĩ ꞌbã adru míní wẽwẽ rú.

Íꞌdóŋá 27:28 Referans Kwoze

Ãzị́táŋá Amviŋá 33:28

Ị́jọ́ ꞌdĩ sĩ Yãkóꞌbõ la dó sĩ uꞌá ásị́ ị̃gbẹ́ agá ị́jọ́ kóru, kídí Yãkóꞌbõ drị̂ lú ĩꞌdi ãni áꞌdụ̂sĩ ãngũ múké ãná trũ ãzíla wáyĩnĩ trũ, ꞌbụ̃ ꞌbã sĩ andrẹlị́ ũsũjó drị̃ la gá rĩ gá.

Ãzị́táŋá Amviŋá 33:13

Mụ́sã jọ ị́jọ́ sụ́rụ́ Yụ̃sụ́fụ̃ drị̂ drị̃ gá, “Úpí ꞌbã wi sụ̃sụ́ ụ̃nọ́kụ́ ĩꞌdidrị̂ drị̃ gá uzogó ũnĩ ambamba ꞌbụ̃ gá ãzíla ị̃yị́ ụ̃nọ́kụ́ ị̃ndụ́ gá vụ̃rụ̂lé rĩ sĩ;

Ãzị́táŋá Amviŋá 32:2

Ímbátáŋá mádrị̂ la ꞌdị ĩmi drị̃ gá uzogó áni; ãzíla ị́jọ́ mádrị̂ la ka ĩmi drị̃ gá cécé andrẹlị́ ꞌbã kalé rĩ áni, cécé uzogó ꞌbã ꞌdịjó ãko dụlépi úꞌdí rĩ kí drị̃ gá rĩ áni, cécé uzogó ꞌbã ꞌdịjó ĩrí ãráŋá rĩ drị̃ gá rĩ áni.

Ãzị́táŋá Amviŋá 7:13

Ĩꞌdi ĩmi lẽ ãzíla ĩminí sụ̃sụ́ wi, ĩmi dó sĩ kpẹ̃ ãzíla ĩmi adru anzị trũ ũꞌbí ru, ĩꞌdi ĩminí sụ̃sụ́ wi ámvụ́ ĩmidrị̂ kí drị̃ gá, ị́jọ́ ꞌdĩ sĩ ãná, wáyĩnĩ úꞌdí rĩ ãzíla ãdu kí dó sĩ adru ĩminí cí ãzíla ĩꞌdi ĩminí sụ̃sụ́ wi ãnãkpá ĩmidrị́ tị́, kãbĩlõ, ị̃ndrị́ ꞌdĩ kí drị̃ gá, ãngũ ándrá ĩꞌdi ꞌbã ũyõ najó ĩmĩ áyị́pịka ꞌbaní rĩ ĩꞌdi dó sĩ mụ fẽlé la ĩminî.

Íꞌdóŋá 49:20

“Ásẹ̃rị̃ ꞌbã ãngũ la adru ãkónã ní úsã rú, ĩꞌdi rú ãkónã ãjị́ ambamba úpí ní icólé nalé rá rĩ kí ũfũ nĩ.

Íꞌdóŋá 45:18

ãzíla ĩmi ají ĩmi átẹ́pị̃ ꞌi ꞌbá ĩmi drị́ko gá rĩ kí abe vúlé má rụ́ ꞌdõlé. Ma ĩminí ãngũ Mị̃sị́rị̃ gá ꞌdâ ũniyambamba ãndânĩ rĩ fẽ, ãzíla ĩmi dó sĩ ãyĩkõ ãngũ ꞌdĩ drị̂ ịsụ́.’

Íꞌdóŋá 27:39

Ĩsákã jọ ĩꞌdiní, “Uzogó ꞌbụ̃ gá la dó míní ꞌdáyụ, ãngũ ãzí ãkónã ũfũlépi múké la la adru míní ꞌdáyụ.

Íꞌdóŋá 27:37

Ĩsákã umvi Ị́sãwụ̃ ní, “Áꞌbã dó ĩꞌdi úpí ru ími drị̃lẹ́ gá ꞌbo, ãzíla áꞌbã ĩꞌdi ꞌbã kãká kí adrujó ĩꞌdi ꞌbã ãtíꞌbó ru ꞌbo. Áfẽ ĩꞌdiní ãná kí wáyĩnĩ trũ ꞌbo. Mâ ngọ́pị, ãko ãzí mání icólé idélé míní rá la dó ꞌdáyụ.”

Íꞌdóŋá 49:25

Ĩꞌdi Ãdróŋá mí átẹ́pị ꞌbadrị́ ími ãzã kolépi rĩ ꞌi, Ũkpó ꞌDị́pị míní sụ̃sụ́ wilépi rĩ ꞌbã wi míní sụ̃sụ́ uzogó, ị̃tụ́ ãlá ꞌbụ̃ gá rĩ drị̂ trũ, ꞌbã wi míní sụ̃sụ́ ãko ụ̃nọ́kụ́ ị̃ndụ́ gá mgbi rĩ ꞌbadrị̂ ãzíla ꞌbã wi míní sụ̃sụ́ ĩbã sụ́ ãzíla mvájólé drị̂ kî abe.

Ị́jọ́ Uꞌbéŋá 3:20

ũndũwã ĩꞌdidrị̂ sĩ fẽ ị̃yị́ kị́rị́ rĩ ꞌbaní agbẹ́lé angájó vũ gâlé ãzíla fẽ uzogó ní ꞌdịjó angájó ụ̃rụ́ꞌbụ̃ gá ꞌbụ̃ gâlé.

Ị́jọ́ Uꞌbéŋá 19:12

Úpí ꞌbã ũmbã ĩꞌdi cécé kẹ̃mị̃ ní awájó rĩ áni; wó ĩꞌdi ꞌbã ásị́ ị̃gbẹ̃ ĩꞌdi cécé andrẹlị́ká kalépi ásé drị̃ gá rĩ áni.