Íꞌdóŋá 11:8 - Aringa

⁸ Ị́jọ́ ꞌdĩ sĩ Úpí iré dó sĩ kí ãngũ drị̃ gá ꞌdâ pírí ãzíla ãzị́ ĩꞌbadrị́ táwụ̃nị̃ sịjó ꞌdã tu dó sĩ pá cí.

Ị́jọ́ Úꞌdí rĩ

⁸ Ị́jọ́ ꞌdĩ sĩ Úpí iré dó sĩ kí ãngũ drị̃ gá ꞌdâ pírí ãzíla ãzị́ ĩꞌbadrị́ táwụ̃nị̃ sịjó ꞌdã tu dó sĩ pá cí.

Íꞌdóŋá 11:8 Referans Kwoze

Ãzị́táŋá Amviŋá 32:8

Ãdróŋá Ụrụgá ãndânĩ rĩ fẽ ãngũ sụ́rụ́ ꞌbaní ãwítã rú rĩ kí nĩ; ĩꞌdi mụ ꞌbá pírí ꞌbaní ãngũ sĩ rijó rĩ kí awalé ꞌbo, sĩ ĩꞌbaní lõkókõrí kãlãfe sụ́rụ́ anzị Ịsịrayị́lị̃ drị̂ kí vú sĩ.

Íꞌdóŋá 10:32

ꞌBá ꞌdĩ ãfũ kí pírí ũri Núwã drị̂ agá, sụ́rụ́ ĩꞌbadrị̂ kí trũ, ãwí ĩꞌbã kí sĩ ãfũjó rĩ trũ, ãzíla ãngũ ĩꞌbadrị̂ abe. Sụ́rụ́ pírí ãfũ kí irélé ụ̃nọ́kụ́ drị̃ gá ꞌdâ ꞌbá ꞌdĩ kí agá ị̃yị́ ándrá tị̃lépi rĩ ꞌbã vúlé gá.

Íꞌdóŋá 10:25

Anzị Ị̃bẹ́rị̃ drị̂ kí ị̃rị̃: Ãlu rĩ rụ́ Pẽlégĩ ꞌi ãꞌdusĩku ụ́ꞌdụ́ ꞌdã sĩ ꞌbá ụ̃nọ́kụ́ gá rĩ awa kí ándrá ru rá ãzíla úꞌda ándrá ádrị́pị̃ ꞌbã rụ́ Yõkĩtánĩ ꞌi.

Íꞌdóŋá 11:9

Táwụ̃nị̃ ãmbógó ꞌdã rụ́ la Bãbélị̃ ꞌi ífí la Úpí usa ándrá ꞌbá kí tị ꞌdãá. Iré dó sĩ kí kpékpé ãngũ drị̃ gá ꞌdãá pírí.

Íꞌdóŋá 11:4

ꞌDã ꞌbã ũngúkú gá jọ kí, “Lẽ ãma amụ́ kí ãmaní táwụ̃nị̃ sịlé jó gõrófã rú la trũ drị̃ la ꞌbã ca wị́lị́wị́lị́ ꞌbụ̃ gâlé, ãma rụ́ ꞌbã kụ rú dó sĩ, ãma dó sĩ uꞌá ãngũ ãlu gá ãzíla ãma iré rú dó sĩ ụ̃nọ́kụ́ drị̃ gá ꞌdâ pírí ku.”

Íꞌdóŋá 49:7

Áwã ũmbã ĩꞌbadrị́ ãcí ꞌdĩ rá ãzíla ũmbã ĩꞌbadrị̂ ũnzí-ũnzí, ma kí iré Yãkóꞌbõ agá ꞌdâ ãzíla kí awa ndú-ndú Ịsịrayị́lị̃ agá ꞌdâ.

Íꞌdóŋá 10:5

ꞌDĩ kí ꞌbá uꞌálépi ị̃yị́ tị gá ãzíla ãngũ ru ụlị́lépi ị̃yị́ agá rĩ agá rĩ kî, awa kí ru sụ́rụ́ ĩꞌbadrị̂ kí vú sĩ ãzíla kí vâ pírí tị ndú-ndú jọ.