Tito 3:9 - La'aqtaqa Ñim Lo'onatac 'Enauacna 2013

⁹ Qalaxaye 'antela'agueto' na cotaxacpi maye qaica ca naigui, nataqa'en da na'aqtaguec so hua'au nta'alpi, qataq da qanayectega ca nỹa, qataq da qancotatapigui na namaxasoxonaxacpi maye chegoqo'ot so Moisés co'ollaxa. Cha'aye damaye qaica ca taiguet, qataq qaica ca naigui.

Nuevo Testamento Toba Sur

⁹ Qalaxayi 'antela'agueto' na cotaxacpi mayi qaica ca naigui, nataq'en da n'aqtaguec so hua'au nta'alpi, qataq da qanayictega ca nÿa, qataq da qancotatapigui na nqataxacpi mayi chigoqo'ot so Moisés co'olloxochiyi. Cha'ayi damayi qaica ca taiguet, qataq qaica ca naigui.

Nuevo Testamento Toba Sombrero Negro

⁹ Qalaĝaja ena'te aualequete'n gaa'me cotaĝaco jo'ne chiyoĝo's, gaa'me nejenaĝaco jogaa'me toye's jiyaĝa'u, da'me ja niyamaĝadenapega't nataq'aen nale qonejoviñelo jodaa'me Moisés lamaĝajoĝonaĝaco. Nach'enaua uo'oe jo'ne qaya'te liyamaĝa'j nataq'aen qaya'te yelo'teguet.

Tito 3:9 Referans Kwoze

2 Timoteo 2:14

Saishet da 'axaañi da 'auennataxanaxanec na shiỹaxauapi de'era sheetega yaqto' saishet da icoua'ai. Ỹataqta ỹauaachigui 'anqa'en Ñim Lo'onatac 'Enauacna da qonapega na 'amqaanataxanaxaicpi da saishet da ncotatega't, cha'aye de'era cotaxac, damaye saishet da huo'o ca ltaunaxanaxac, nachaqrata da na'aqchet nam na'axaỹaxaatega.

2 Timoteo 2:23

Qataq saisheto' da 'auqocha'a na cotaxacpi maye qaica ca naigui. Cha'aye nam ỹo'ottac de'era, nache saishet da nhuoona't.

1 Timoteo 4:7

Qataq saishet da 'ana'axaỹaxaatega ca na'aqtaxanaxac maye saq 'en maye choche ỹachegoxotchiiya' nam sa ỹa'amaqten So Cristo. Nachaqrata da 'ana'añaxat, cha'aye 'am no'on lapaxaguenatac So Jesucristo.

2 Timoteo 2:16

Qataq 'antela'agueto' nam ltaxaỹaxacpi nam saishet da ỹa'amaqten Ñim Lo'onatac 'Enauacna. Cha'aye naamaye ỹataqta qaica ca naigui. Cha'aye nam ltaxaỹaxac de'era, namayepi ỹataqta nquicta'aguet da ỹataqta qaica ca laỹamqa'.

Tito 1:14

qataq nale'en da sa iqocha'a na choche na'aqtaxanaxacpi maye chegaqaigui na judiopi, qataq na lamaxasoxonaxac nam saishet da ỹaconeguet da 'eesa lataxac.

Da na'aqtaguec so Job 15:3

qataq da ncotatac qalaq no'oiteguelo naua 'ena'ape, qataq sa detaxaiguilo naua na'aqtaqa maye qaica ca naiguilo.

1 Corintios 8:1

Qaq nagui qami' sa'axatema da lataxac ca nallec maye hua'auñi da qoỹanot na choche ne'enaqtacpi maye qanatameetacotpi qataq saq 'en. 'Enauac da shenaqta saỹatenaq de'era. Qalaxaye saỹatenaq de'era nauattonaxanaxac da ỹo'ot da napagaqaanaxac qataq da ño'oxonnaxac ca shiỹaxaua. Qalaxaye da nsoxoyec ỹa'añaqchet da qara'amqaanataxanaxac.

1 Corintios 13:2

Da qaica ca isoxoyec, nache qaica ca naigui da sa'axattac da la'aqtaxanaxac Ñim Lo'onatac 'Enauacna qataq da sheetega da saỹaten nam saqcha'a lapaxañipi Ñimaye. Nataqa'en qaica ca naigui da ipi'iỹaxac Ñim Lo'onatac 'Enauacna, na'aictaxa da ishet da nqochenaxat aca qaỹoqotcheguemec 'alhua.

Santiago 4:1

¿Qauaỹachiñi peta'a da huo'omshe huo'o da loquiaxac qataq da cotaxac maye qami' huetaiguilo? ¡Damaye huo'o, cha'aye saishet da qauañoxoche da qanlliỹañi da qarqopitaxanaqtaiqui na qauem!