Tito 3:8 - La'aqtaqa Ñim Lo'onatac 'Enauacna 2013

⁸ Qaq de'era sheetega ỹataqta 'eesa. Ỹoqo'oye ñeshetaique da ỹataqta 'auapaxaguenataxanec, yaqto' 'enauac na ỹa'amaqten Ñim Lo'onatac 'Enauacna ỹataqta npogoxoinapegue' da ỹo'ot ca ỹaỹamaqchiguiñi. De'era sheetega ỹataqta 'onaxaic, qataq huo'o naq naigui.

Nuevo Testamento Toba Sur

⁸ Qaq de'eda shiitega ÿataqta 'eesa. Qaq ÿoqo'oyi ñishitaique da ÿataqta 'au'axat, yaqto' 'enauac na i'amaqten ñi Dios ÿataqta npogoxoinapegue' da i'ot ca ÿaÿamaqchiguiñi. De'eda shiitega ÿataqta 'onaxaic, qataq huo'o naq naigui.

Nuevo Testamento Toba Sombrero Negro

⁸ Dojo' yataqachiñe eja, nataq'aen jepaquetapega ta'le a'viyelaĝatalo'te jogaa'me, qaedi jogaa'me jo'ne p'iida'a joñe'me Dios yemeda'a da'me yauote ga'me jo'ne 'noota; dojo' napaĝaguenataĝanaĝac yataqachiñe onaĝaic nataq'aen ena'uaque yiyamaĝatem.

Tito 3:8 Referans Kwoze

Tito 3:14

Nataqa'en na qarqaỹañicpi 'amqaanataxanaxaicpi, 'onaxaic da ỹaỹaten da ỹo'ot ca no'on, qataq da itauan cam huo'o da lhuenaxanaxa, yaqto' da nachaalataxac namayepi ỹataqta huo'o da naigui.

Tito 2:14

Somaye nañan co'ollaxa da qomi' ileualeguete, cha'aye nshetaique da qomi' nca'alaxateeguesopa na qauemsat, qataq qomi' iqui'itaxa't da ỹauo'oi qomi' lalamaqa'ate, qataq da yaqto' so'otaq ca ỹaỹamaqchiguiñi.

Tito 1:9

Qataq ỹataqta na'añaxatec da na'aqtac maye 'eesa lataxac dam mashe qaỹapaxaguenec, yaqto' nataqa'en ishet da ỹa'añaqchet ca lỹa da irolec da no'oita napaxaguenataxanaxac, qataq nloqtenec ca depa'aguenataxaatac.

Tito 3:1

'Auennataxanaxanec na 'amqaanataxanaxaicpi da iuen da ỹachaxana da lalaxayec na nta'alpi maye 'amaqtaqaicpi qataq na ltauapi. Qataq nache 'eetai' da lhuotta da ỹo'ot ca ỹaỹamaqchiguiñi.

1 Pedro 1:21

Chegoqchigui So Cristo da qami' qaua'amaqchiñi Ñim Lo'onatac 'Enauacna, ñim ỹe'eguelaxalec da nca'alec naqa'en Somaye, nache ỹami' da llo'oxoyec da lo'onataxanaxac. Qaq ỹoqo'oye qami' qauacheeto'ot da qanaquitaxaqui Ñim Lo'onatac 'Enauacna qataq ỹataqta 'itchiguiñi qanqa'eñi da Ñimaye qami' ỹanema cam qami' ỹachaxanapeguema.

1 Timoteo 1:15

Qaq de'era ỹataqta 'eesa, qataq saishet da qaiqoleguet da So Cristo Jesús naỹa ana 'alhua da nca'alaxatec na shiỹaxauapi 'etaxaloxoicpi, ivira'a aỹem, maye ỹactec da aỹem 'etaxaloxoic.

Romanos 4:5

Qalaxaye Ñim Lo'onatac 'Enauacna ỹa'axat da qaica ca lasouaxashet ca 'etaxaloxoic, na'aictaxa da que'eca 'etaxaloxoic qaica ca ỹo'ot da huo'otaq taiguet da ỹaconeguet damaye, cha'aye Ñim Lo'onatac 'Enauacna ỹaỹamaxareeta camaye souaxat da huo'o da lpi'iỹaxac.

Juan 12:44

Nache So Jesús ỹataqta nlamaxaren da detaqa, 'eeta': –Ca Aỹem ỹa'amaqten, camaye saishet da Nachaqaỹemta da Aỹem ỹa'amaqten, cha'aye nataqa'en Ñim Ita'a maye Aỹem namaq.

Juan 5:24

Qaq ỹataqta 'eesa de'era qami' sa'axatema, da ca na'axaỹaxana de'era sa'axattac, qataq ỹa'amaqten Ñim Aỹem namaq, nache camaye mashe inoxoneua'a da lataxac da nca'alaxa maye qaica ca loga't. Qaq camaye nataqa'en saishet da qaỹauo'o qome ca nhuaxanaguec, cha'aye mashe sogote da ca'ai da nleuaxa da inoxoneua'a da nca'alaxa.

Da na'aqtaguec so Job 22:2

¿Peta'a isheto' da huo'o ca shiỹaxaua ỹaanaxanaxaic, nache Ñim Lo'onatac 'Enauacna ishet da huo'o ca naigui naqa'en camaye?

Filemón 1:11

Ne'ena Onésimo soua lỹa't na'axa'te, namaye choche 'arlatac, qaica ca taiguet, qalaxaye nagui namaye ỹataqta qarpe'et.

Salmos 78:22

Souaxat da saishet da pi'iỹa'a Ñim Lo'onatac 'Enauacna, qataq sa ỹa'amaqten da ltaunaxanaxac Ñimaye.

Proverbios 21:28

Ca saq 'en ca ỹa'axat taỹa'a da qailaxachigui, qaq ca ỹaỹaten da na'axaỹaxanaxac qalaq lhuotta'a ca la'aqtac.

2 Corintios 4:13

Naua nanettaleguete ana nere maye huetalec na la'aqtacpi Ñim Lo'onatac 'Enauacna, 'eeta': «Aỹem sa'amaqten Ñim Lo'onatac 'Enauacna, ỹoqo'oye setaqa.» Qomi' nataqa'en sepi'iỹaqa'a Ñimaye, ỹoqo'oye sa'axataqtac da no'on na'axaỹaxac.

Hechos 12:15

Nache qoỹeetego' asomaye, qoỹeeta': –¡Ỹoqta huo'o da 'oic peta'a! Qalaxaye asomaye ỹoqta 'eesa naqa'en da nacheso. Qalaxaye somayepi 'enapeco': –¡'A'i, saishet da nachera; souaxai' nachera da nhuataxaua namaxashec piguem le'ec!

Efesios 4:28

Qaq cam decachetapec co'ollaxa, qalaq no'on da ỹaxaañi nagui da lcachaxac. Chaqrato' da do'onataxan, ỹo'ottac ca maiche lalamaxat lo'onatac, yaqto' ishet da itauan cam huo'o da lhuenaxanaxa.

1 Timoteo 2:8

Ỹoqo'oye sauotaique da na ỹalleppi maye do'onaxaatac, da ivita da nqouagaxauen qalaq ỹachaxaato'oto naua lhua'q Ñim Lo'onatac 'Enauacna qataq ỹaxaañi da ncotatega't qataq da nnota'a't.

1 Timoteo 5:10

Qataq nataqa'en qaỹauattoota souaxat da ỹaỹamaqchiguiñi lo'onataxanaxac. Ỹaỹaten da ilo'ogue na llalaqpi, qataq ỹaỹaten da ilo'oguet ca namaxasoxoic, qataq sa na'amaqten da lataxac da ỹalectaigui na 'amqaanataxanaxaicpi, qataq itauaatac nam huo'o da nque'eenaxac. Qaq 'ena nam ỹo'ot aca nanettaua'a aca naneraxalate anamayepi.

2 Timoteo 1:12

Qaq nachera da huo'omshe huo'o de'era ñeque'eenaxac nagui. Qalaxaye saishet da ñecoqtac souaxat nam sevireguetpi, cha'aye aỹem saỹateeta Ñim hueto'ot de'era ñaquitaxac. Qataq saỹateeta Ñimaye da huo'o da la'añaxac da ỹo'ot da nache queta da qaỹa'axattac da no'on na'axaỹaxac, choche ivitta'a ca loga't ana 'alhua.

Tito 2:7

Qataq 'am ỹataqta 'auachaxana namayepi ca no'on 'aro'onataxanaxac. Da 'auapaxaguenataxaatac qalaq saishet da 'auasaguettac.

Hebreos 10:24

Qataq ñepogoxoinaqapegue' da ñetaunaxa't, qataq ñauotaxa't qataq so'otaq ca ỹaỹamaqchiguiñi.

Mateo 20:4

Nache 'enapega somayepi, 'eeta': «Qami' nataqa'en qanqo'oñiuga qome ye ỹanaxanqa' da qauo'onataxañi. Aỹem ỹataqta sepagaqchiichigui qome aca lasheue ca qaro'onataxanaxaqui.» Nache somayepi jec da do'onataxan.