Tito 3:6 - La'aqtaqa Ñim Lo'onatac 'Enauacna 2013

⁶ Qaq Ñimaye ỹachegoxotchigui So Qarca'alaxaqui Jesucristo da qomi' ỹanema So Saqcha'a Na'añaxac Qui'itta.

Nuevo Testamento Toba Sur

⁶ Qaq ñimayi ÿachigoxotchigui so qadca'alaxaqui Jesucristo da qomi' ÿanema so Espíritu Santo, ÿataqta sa naloqnañi.

Nuevo Testamento Toba Sombrero Negro

⁶ Nach'eñe joñe'me Dios qo'mi yeyala'aque 'me na'ya q'aen ñe'me Jesucristo mach'e Qadec'alaĝaiqui.

Tito 3:6 Referans Kwoze

Joel 2:28

Qaq qom ime de'era, nache talec ñaqa'en 'enauac na shiỹaxauapi ca lta'araic ỹa'añaxac, huaña, nache nam qaỹa'alquipi qataq ana qaỹa'allipi, huo'o qome nam ỹa'axata'api, qataq nam ỹa'axaiquipi huo'oi qome naua lchoxonaxaco, qataq na nsoxoppi huo'oi qome naua l-loxoco.

Hechos 10:45

Nache soua judío lashe' maye nnaictagueto so Pedro, soomaye ỹataqta huo'o da la'aalaqa' da So Saqcha'a Na'añaxac Qui'itta nataqa'en ishet da qoỹanem nam saishet da judiopi.

Ezequiel 36:25

Nache qami' seỹoi' qome seỹoxona ca ỹataqta qui'itta 'etaxat, nache seỹouec 'enauac na qarshepaxanaqai, qataq seỹouec da qavio'oxoreñiitac na nqolacpi,

Isaías 44:3

cha'aye Aỹem so'ot qome da ipaxaalec na 'etaxat ye toolec 'alhua, qataq na la'auaxacpi nam 'alhuapi maye deqaqta. Aỹem sanem qome da dalaxaic lca'alaxa ca 'am chegoxoguetpi, qataq ñamaxa qome ca iqouagaxanaqtaic.

Juan 16:7

Qalaxaye ỹataqta 'eesa de'era qami' sa'axatema, maye 'eeta': Aỹem ỹaỹamaqchiguiñi da ashec souaxat da qoñiita. Cha'aye da saishet da ashec, nache ca Saqcha'a Na'añaxac maye qami' itaua'n qataq qami' ỹa'añaqche't saishet da anac. Qalaxaye da Aỹem ashec, nache ñamaq Camaye.

Juan 1:16

Qaq 'enauac da shenaqta saconaxaguet dam chochaq huañi lsallaxa, qaq nachera dam lqouagaxanaqtaic maye nacalec lỹa da qomi' ỹanema.

Proverbios 1:23

Qana'axaỹaxañiỹalo qome naua iviraqtaxanaxaco, yaqto' qami' sanema da iquiyaqteỹaxac, qataq qami' sanema da qauauattoñi na iuennataxacpi.

Tito 1:4

'Am Tito, 'ena'am da 'am ỹalec, cha'aye aỹem 'auachegoxoto'ot da 'arpi'iỹaxac dam qomi' hueto'oto nagui. 'Am samaxa ana ỹere, cha'aye ñeshetaique da 'auaconeguet da nqouagaxanaqtaic, nataqa'en da nchoxonnataxanaxa, qataq da nlagaxayec maye chegoqo'ot Ñim Qarta'a maye Lo'onatac 'Enauacna, qataq So Qarataxala' Jesucristo maye Qarca'alaxaqui.

Efesios 4:2

Ỹataqta qami' huesote' qataq qami' choxonnataxanaxaiqa, qataq qami' hualaxauaiqa, qataq ñi 'oonolec da qoñiita ỹataqta ỹauotec ca lỹa qataq itauan.

Efesios 3:8

Cha'aye na'aictaxa da aỹem ỹataqta qaica ca ỹa'amaqchec da salectaigui na lalamaxatpi Ñim Lo'onatac 'Enauacna, qalaxaye Ñimaye aỹem ỹami' de'era ña'achecỹaxac da sa'axatem na saishet da judiopi da no'on na'axaỹaxac maye ỹa'axat nam chegoqo'ot lqouagaxanaqtaicpi So Cristo maye qaica ca ishet da naloqten.

Romanos 8:2

Qaq nagui da mashe ña'araqtaua'a Somaye, nache So Saqcha'a Na'añaxac Qui'itta, qomi' ilotegueto qataq qomi' ỹanema da qarca'alaxa qataq qomi' isoueeguesopa da ñe'etaxaloxo qataq da nleuaxa.

Hechos 2:33

Qaq ỹoqo'oye Ñim Lo'onatac 'Enauacna ỹacoosop da ỹaueegue da piguem, nache ỹana'ague da aloic. Huaña, nache Somaye ỹaconeguet So Saqcha'a Na'añaxac Qui'itta maye ỹachaxanapeguem co'ollaxa Ñim Lta'a da ỹanem Somaye. Ime, nache Somaye qomi' ỹanema se'eso Saqcha'a Na'añaxac Qui'itta maye nataqa'en qomi' ỹachaxanapecoto co'ollaxa. Qaq nachera de'era qauloitagui qataq qaua'aqaitega nagui.

Juan 7:37

Qaq som pa'atec na'a'q soua na'axa'te maye laloxoqui' da qanayenaiguilo naua npe'lolqa, qo'oipaq lcouepi som ỹataqta ỹactec da la'amaqchec. Nache se'eso na'a'q nachaañi So Jesús, nache ỹataqta nlamaxaren da detaqa, 'eeta': –Ca huo'o na laquip, qaq no'on da Aỹem naua'a, yaqto' nỹom.

Juan 4:10

Nache So Jesús 'enapeco': –'Am saishet da 'auaỹaten dam huotaique 'am ỹanem Ñim Lo'onatac 'Enauacna, qataq nataqa'en saishet da Aỹem 'auauatton. Cha'ayectaxa da 'auaỹaten, nache 'am Aỹem 'auỹaxanot taxa ca 'etaxat, nache Aỹem 'am sanem ca 'etaxat maye chegaqaigui da nca'alaxa.

Isaías 32:15

Qalaxaye dam saqcha'a la'añaxac Ñim Nataxala' qaltaq qomi' ñe'eguelaxalo qome nache na toolec 'alhua ỹe'eguelaxa qome da ishet da qoỹanaxaalec, qataq nam no'on 'alhua ñaxaalec qome ana qalota qo'oipaqpi.

Romanos 2:4

Ñim Lo'onatac 'Enauacna ỹataqta soxoraic qataq ỹataqta lta'araic da lhualaxavic qataq ishet da lhueneguet 'enauac nam qauempi maye qauo'ocheetac. Qalaxaye saishet qome da qaupicheetega da nam qauo'ocheetacpi qaica ca naigui. Ñim Lo'onatac 'Enauacna ỹataqta huotaxanaqtaqaic, qaq ỹoqo'oye huotaique da ntouen ñi 'oonolec da qoñiita, nache qaỹa'axañiiñi na qauem.

1 Timoteo 6:17

Qaq cam hueto'ot da yo'oqchigui nsallaxa, qonapega da saishet da na'amaqten, qataq saishet da pe'etega da lsallaxa, cha'aye saq qalaq da deqat 'enauac nam hueto'ot. Nachaqrata da qonapega da ỹauo'o da naquitaxac Ñim Lo'onatac 'Enauacna, cha'aye Ñimaye ỹataqta soxoraic, qataq ishet da qomi' ỹanema ca seuenaqtac, da yaqto' ishet da ñetonaqtapigui'.