Tito 3:5 - La'aqtaqa Ñim Lo'onatac 'Enauacna 2013

⁵ na'aictaxa qomi' da qaica ca ỹaỹamaqchiguiñi da so'otaq, qalaxaye maiche chegoqchigui da qui'itta lsoxoyec Ñimaye, da qomi' nca'alaxatre'c, qataq qomi' iỹoi' qataq qomi' naralaxa't. Ime, nache qomi' ỹanema da dalaxaic achaalataxac ỹachegoxotchigui naqa'en So Saqcha'a Na'añaxac Qui'itta.

Nuevo Testamento Toba Sur

⁵ nachi qomi' nca'alaxatreec. Qaq de'eda qomi' i'oteque, sa ishit da huo'otaq naigui ca so'otaqtac ÿaÿamaqchiguiñi. Mayi ñimayi qomi' ichoxode'n. Ÿoqo'oyi qomi' nca'alaxatreec co'ollaq saxaigui da achilaxac mayi naigui da dalaxaic qadañoxoc qataq da dalaxaic qanachaalataxac mayi chigoqchigui so Espíritu Santo.

Nuevo Testamento Toba Sombrero Negro

⁵ qama'le qo'mi nec'alaĝatedegue. Dojo' ya'uo ja naqaeda ta'le yajouaĝat da'me jauoqo ga'me chimaqachiñe, dite da'me yajouaĝat da'me yataqata qo'mi yichoĝode'n. Chane'eja ñe'me Lepaqal 'me ja 'nalegue yiyo'y naa'me qadai'li nataq'aen en dalaĝaic da'me qadañoĝoc qama'le qo'mi yadalaĝa't.

Tito 3:5 Referans Kwoze

2 Timoteo 1:9

Ñim Lo'onatac 'Enauacna qomi' nca'alaxatre'c, qataq qomi' iỹaxanalo da yaqto' sanaqot da qanachaalataxac. Qaq de'era qomi' ỹo'oteque, damaye nache 'eetai' da lhuennataxa. Saishet da huo'otaq choche nqopita'a ca qarataxac no'on, maye souaxat da qomi' ỹauoteque, cha'aye mashe ña'araqtaua'a So Cristo Jesús. Qataq nache 'eetai' da qomi' ỹauoteque co'ollaq saxanaqaca ana 'alhua.

1 Corintios 6:11

Qaq huo'o co'ollaxa da qoñiita na 'eeta'am ne'enapi. Qalaxaye Ñim Lo'onatac 'Enauacna mashe qami' ichoxore'n qataq qami' iqui'itaxatte', qataq mashe qami' lalamaqa'ate. Qaq 'enauac de'era chegoqchigui So Qarataxala' Jesucristo qataq So Saqcha'a La'añaxac Ñimaye.

1 Pedro 3:21

Qaq se'eso 'etaxat, nacheso so naigui dam seuenaqtac naxa nagui da so'otaq da achelaxac dam chegoqchigui da Ñim Lo'onatac 'Enauacna qomi' nca'alaxatre'c. Qaq de'era achelaxac maye ỹataqta 'eesa saishet da iỹo da yo'oqchigui qaro'ocỹaxac, nachaqrata da seỹaxanaqot Ñim Lo'onatac 'Enauacna da iỹouec na qarasouaxashetpi, yaqto' saishet da seuennaqtega da huo'o ca qarasouaxashet. Qaq Ñim Lo'onatac 'Enauacna qomi' nca'alaxatre'c, chegoqchigui naqa'en da saxaigui dam qanachelaxac, cha'aye So Jesucristo nca'aleeguesop da nleuaxa, ime, nache taigue da piguem, da nso'ooñi, neta'ague da aloic Ñim Lo'onatac 'Enauacna hueta'a yem ỹataqta ỹo'oxoraq qataq huaña da ilo'ogue 'enauac nam lamaxashecpi Ñim Lo'onatac 'Enauacna qataq 'enauac nam laỹepi maye saqcha'a, maye nataqa'en huo'o da la'añaxac qataq da 'enec.

1 Pedro 1:3

Ỹataqta sho'oxorenaq Ñim Lo'onatac 'Enauacna maye Lta'a So Qarataxala' Jesucristo, cha'aye chegoqchigui co'ollaq nca'aleeguesop da nleuaxa Somaye da Ñimaye naralaxat imauec da qanachaalataxac. Na'aictaxa da saishet da saxaguet da Ñim Lo'onatac 'Enauacna qomi' ỹauoteque, qalaxaye chegoqchigui da lta'araic lsoxoyec Ñimaye, nache naralaxat da qarataxac qataq qomi' ỹanema da 'itchiguiñi qarca'alaxa,

Romanos 12:2

Qataq saishet da qoquiitague' da lataxac 'enauac na huetalec ana 'alhua. Nachaqrata da qanaralaxache' naua qarhuennataxacolli'. Qaq 'era da ishet da qauaỹachiñi maye ỹaỹamaxareeta Ñim Lo'onatac 'Enauacna, 'eeta': Cam 'onaxaic qataq cam qaỹaỹamaxareeta qataq cam nalochiguiñi.

Efesios 2:4

Qalaxaye Ñim Lo'onatac 'Enauacna ỹataqta lta'araic da lchoxonnataxanaxa qataq da lauoche da shenaqta.

Efesios 5:26

Ỹo'ot Somaye de'era, cha'aye ỹauotaique da iqui'itaxatta na 'amqaanataxanaxaicpi, irolec na 'etaxat da iỹo qataq da la'aqtac.

Salmos 51:10

'Am Ñatamnaxala', ñaq aỹem 'aỹa'anaigui qome aca qui'itta nquiyaqte, qataq 'aỹa'anem so saqcha'a ica'alaxa da saq 'am ca'ai.

Romanos 11:6

Qalaxaye Ñim Lo'onatac 'Enauacna lca'aua'a cha'aye Ñimaye soxoraic, qaq saishet da chegoqchigui cam ỹo'ot namayepi cam taiguet da yaqto' qalca'aua'a. Qaq damaye ishet da nache 'eetec de'era, cha'aye Ñimaye ỹataqta 'eesa da soxoraic.

Hebreos 4:16

Qaq ỹoqo'oye da huo'o ca qarhuenaxanaxa, nache no'on da maiche sauoqo'o da qanaquitaxac da ñequigaxaua'a ca hueta'a Ñim Lo'onatac 'Enauacna. Qaq Ñimaye qomi' itaua'n, cha'aye ỹataqta soxoraic, qataq qomi' lauotaqa'ate.

Colosenses 3:10

Qataq nagui mashe dalaxaic da qoviitaigui qarataxaqui. Ỹataqta 'eesa da qami' shiỹaxau' dalaxaiqa, qanquiquiita'aguet da qoñiỹa'am Ñim Lo'onatac 'Enauacna maye maiche qami' lo'onataqa qataq nquictauec da ỹataqta qauauattoñiita Ñimaye.

Salmos 86:15

Qalaxaye 'Am Nataxala', 'Am Atamnaxala', 'am nhualaxaunaxaic qataq 'am choxonnataxanaxaic.

Gálatas 2:16

Qalaxaye qomi' ỹataqta saỹaanaqta da Ñim Lo'onatac 'Enauacna ỹaconeguet cam ỹataqta huo'o da lpi'iỹaxac So Jesucristo, qaq qaica ca nca'alec da chegoqchigui da ỹalaxaguet na namaxasoxonaxacpi. Qaq ỹoqo'oye qomi' sa'amaqtenaq So Jesucristo, da yaqto' ishet da qomi' ỹaỹamaxareete' Ñim Lo'onatac 'Enauacna souaxat de'era qarpi'iỹaxac Ñimaye. Cha'aye saishet da huo'o ca ỹaỹamaxareeta Ñim Lo'onatac 'Enauacna souaxat da ỹo'ottac na namaxasoxonaxacpi.

Romanos 3:20

Da sepagaqtelec na namaxasoxonaxacpi, nache saishet da ỹa'axat da qaica ca qarasouaxashet da hueto'ot Ñim Lo'onatac 'Enauacna; cha'aye na namaxasoxonaxacpi ỹo'ot da qomi' saỹatenaqta da qomi' 'etaxaloxoiqa.

1 Pedro 2:10

Qami' co'ollaxa saishet da qami' lalamaqa'ate Ñim Lo'onatac 'Enauacna, qalaxaye nagui ỹataqta qami' lalamaqa'ate Ñimaye. Ñim Lo'onatac 'Enauacna co'ollaxa saishet da qami' ichoxoreeta'ape, qalaxaye nagui Ñimaye ỹataqta qami' lauotaqa'ate.

Efesios 4:23

Qataq qami' iuen da ỹataqta qanaralaxache imauec da qarhuennataqai qataq ỹataqta qami' 'eesora qataq ỹataqta qami' qui'itte', yaqto' ipacchigui da lataxac ca shiỹaxaua maye Ñim Lo'onatac 'Enauacna ỹe'eguelaxalec da ỹo'ot da yaqto' 'eeta'am Ñimaye.

Lucas 1:78

Ñim Lo'onatac 'Enauacna ỹataqta lta'araic da lauotaxanaqtaic da shenaqta, ỹoqo'oye chegoqtot naqa'en na piguem da qomi' namaxalo ca Qarca'alaxaqui, 'ena'am naqa'en añi nala' da nnoxoosheguem ye dalaxaic na'a'q.

Lucas 1:54

Qataq itauan na Israel le'ecpi maye lamaxashecpi, qataq saishet da ỹaxanec da lauotaxanaqtaic namayepi.

Lucas 1:50

Ñimaye nache 'eetai' da ỹauotec 'enauac nam ỹo'oxoreetac Ñimaye.

Miqueas 7:18

Qaq ¿negue't ca Atamnaxala' da 'eeta'am 'am, da 'auapalaxat na lasouaxashetpi qataq sa 'aulogui da saỹalaq nam saq 'amaqtaq maye no'onañi co'ollaxa 'aralamaxat nhuo' le'ecpi? Qataq saishet da nache 'eetai' da 'arayeloxo, cha'aye nache 'eetai' da lta'araic 'arauotaxanaqtaic da shenaqta.

Salmos 143:2

Saishet qome da 'anmittac ne'ena 'aramaxashec, cha'aye qaica ca 'enapec qaica ca ỹasouaxat da 'am datato'ot.

Salmos 130:7

qami' Israel le'ecpi, qauachiỹa'aguet qome Ñim Nataxala', cha'aye Ñimaye hueto'ot da nauotaxanaqtaic qataq da nca'alaxa.

Da na'aqtaguec so Job 25:4

Qaq ¿peta'a huo'o ca choche shiỹaxaua, da 'enapec no'on da lataxac, qataq qaica ca ỹasouaxat da ỹauaachigui Ñim Lo'onatac 'Enauacna?

Tito 3:4

Qalaxaye Ñim Lo'onatac 'Enauacna maye Qarca'alaxaqui, ỹachaxanalo qomi' da lchoxonnataxanaxa qataq da lauotaxanaqtaic 'enauac na shiỹaxauapi, nache qomi' nca'alaxatre'c

Romanos 9:30

¿Negue't ca lỹa ishet da ỹa'aqtac? Ye nam laỹepi shiỹaxauapi maye saishet da nhuo' le'ecpi, namayepi qaica cam ỹo'ot cam yaqto' Ñim Lo'onatac 'Enauacna ishet da ỹaỹamaxareeta, qalaxaye nachena nam ỹaỹamaxareeta Ñim Lo'onatac 'Enauacna, souaxat da huo'o da lpi'iỹaxac.

Romanos 9:16

Qaq ỹoqo'oye ca lca'aguishec Ñim Lo'onatac 'Enauacna, saishet da nacheca cam shiỹaxaua maye maiche huotaique da qalca'ateua'a huo'otaq cam ỹo'ot da na'añaxataxac da huotaique da qalca'ateua'a camaye, cha'aye nachaqcata cam maiche chegoqchigui da nqouaguec Ñim Lo'onatac 'Enauacna.

Romanos 4:5

Qalaxaye Ñim Lo'onatac 'Enauacna ỹa'axat da qaica ca lasouaxashet ca 'etaxaloxoic, na'aictaxa da que'eca 'etaxaloxoic qaica ca ỹo'ot da huo'otaq taiguet da ỹaconeguet damaye, cha'aye Ñim Lo'onatac 'Enauacna ỹaỹamaxareeta camaye souaxat da huo'o da lpi'iỹaxac.

Lucas 1:72

Nataqa'en 'enapec da ỹataqta huo'o da lchoxonnataxanaxa som lalamaxatpi, qataq ipaqueelec dam qui'itta naỹamaxataxac.

Isaías 57:12

Qalaxaye sa'axat qome da 'arataxac maye 'aupettega da ỹaỹamaqchiguiñi.

Salmos 86:5

Cha'aye 'Am Nataxala', 'am soxoraic qataq choxonnataxanaxaic, qataq lta'araic da 'arauotaxanaqtaic 'enauac na 'am iỹaxaatacot.

Salmos 62:12

qataq Ñimaye lalamaxat da nsoxoyec, qataq da isheeten ñi 'oonolec, qalaq ipacchigui naqa'en ca lo'onataxanaxac.»

Da na'aqtaguec so Job 15:14

Qaica ca naigui ca shiỹaxaua maye chegaqaigui aca 'alo da 'eetega qui'itta da lataxac, qataq da 'eetega qaica ca lasouaxashet.

Da na'aqtaguec so Job 9:20

Qaq na'aictoxo' da qaica ca ỹasouaxashet, qalaxaye naua ỹa'aqtaqa nachenaua naua aỹem ỹasouaxa't. Qataq na'aictoxo' da no'on da ỹataxac, qalaxaye Ñimaye nache 'ena'am huo'o naqa'en ca ỹasouaxashet,

Deuteronómio 9:5

Cha'aye saishet da nacheca da ỹaỹamaqchiguiñi maye qauo'ochiitac ca huo'omshe qauacoñiỹa yi'iye na'alhua yemayepi, cha'aye Ñim Nataxala' ỹo'orauec qome yemayepi souaxat da qauem lataxac da yaqto' ipacchigui da ỹachaxanapecot co'ollaxa soua hua'au' qarta'alli', Abraham, Isaac qataq Jacob.

Ezequiel 36:25

Nache qami' seỹoi' qome seỹoxona ca ỹataqta qui'itta 'etaxat, nache seỹouec 'enauac na qarshepaxanaqai, qataq seỹouec da qavio'oxoreñiitac na nqolacpi,

Mateo 3:11

Qaq 'eesa da aỹem nagui qami' ñachelaxanguilo na 'etaxat, qaq damaye naigui da qami' qaỹa'axañeere'c naua qauema maye qauo'ocheeta'ape. Qalaxaye cam aỹem nca'attalec, camaye dachelaxanataxana qome So Saqcha'a Na'añaxac Qui'itta qataq ca norec. Qaq camaye ỹataqta ỹactec da la'añaxac, saishet da sheeta'am. Na'aictoxo' da choche aỹem l-latac ỹataqta saishet da ñaloua'a.

Romanos 11:14

Qaq huo'o da ñaquitaxac na saq 'amaqtaq na maiche ỹalamaxat ihuo' le'ecpi maye qami' ndaqta'agueta da Ñim Lo'onatac 'Enauacna nataqa'en ishet da nca'alaxatec namayepi.

Hebreos 10:22

Qaq ỹoqo'oye no'on da ña'añaxataxac de'era qanauochaxac Ñim Lo'onatac 'Enauacna, qataq ỹataqta 'eesa ñaqa'enaq da qarpi'iỹaxac So Cristo. Cha'aye Somaye nacheso so qomi' iỹoueeguesopa na qarasouaxashetpi, 'eeta'am da qomi' iỹoi' da deỹoxona ca 'etaxat maye ỹataqta qui'itta. Qaq ỹoqo'oye mashe qomi' huesoueeguesopa naqa'en na qarasouaxashetpi.