Tito 3:13 - La'aqtaqa Ñim Lo'onatac 'Enauacna 2013

¹³ Ỹataqta 'ampogoxoinapegue' qome da 'autauan so Apolo qataq so Zenas maye nanettalec da taunaxanaxaic. 'Autauaneque soomaye 'enauac na lhueneguesat da llecỹaxa'c, yaqto' qaica ca iue'n.

Nuevo Testamento Toba Sur

¹³ Ÿataqta 'anpogoxoinapegue' qome da 'autauan so Apolo qataq so Zenas mayi l'onataxanaxac da iuejlec ca huo'o ca ÿasouaxat. 'Autauanque soomayi 'enauac na lhueneguesat da lliquiaxa'c, yaqto' qaica ca iue'n.

Nuevo Testamento Toba Sombrero Negro

¹³ Qom maqachaĝa auaqanatet qama'le alecochaĝanaĝaneguet ñe'me taĝayaĝanaĝanec Zenas nataq'aen ñe'me Apolo, auanema yema ga'me youetedaque qaedi quetedalegue da'me leuoĝo'j.

Tito 3:13 Referans Kwoze

Hechos 18:24

Qaq se'esoua na'axa'te nache nvita ye nỹecpi ye Éfeso so judío le'ec le'enaxat Apolo. Somaye lañoqo' ye 'alhua Alejandría, qaq somaye ỹataqta ỹaỹaten da la'aqtaxanaxac, qataq ỹataqta ỹaỹate'n naua lleco naua nanettrañi la'aqtaqa Ñim Lo'onatac 'Enauacna.

Mateo 22:35

Nache huo'o so 'oonolec somayepi som ỹaỹaten na namaxasoxonaxacpi maye quetalec so judiopi, ỹe'eguen So Jesús, nache inat, 'eeta':

Hechos 28:10

Nache somayepi ỹataqta qalota da llo'oxonnataxanaxac da shenaqta. Qaq can ime, nache qaltaq qolaq, nache somayepi qomi' ỹanema 'enauac na qarhuenec de'era qoyecỹaxac.

1 Corintios 16:11

Ỹoqo'oye qaica ca 'oonolec da qoñiita da ỹo'otan somaye. Nachaqrata da qautauñic da llecỹaxac, yaqto' qaica ca da. Cha'aye seuattaique somaye nataqa'en caua lỹa't qarqaỹa't da yaqto' ñauaneto.

Romanos 15:24

nache aỹem iuennataxac da qami' saỹaleguete qome da saigue da España. Qalaxaye saishet da huo'oi caua na'axa'te da qami' soota'agueta qome, qalaxaye saỹaten da huo'o da ñetonaxac da qami' ñamaqtegalo, nataqa'en huo'o da ñaquitaxac da aỹem qautauañi da yaqto' shecto'ot de'era ỹecỹaxac.

Hechos 21:5

Qaq can inoxoore'c soua siete na'axa'te, nache qaltaq qolaq. Nache 'enauac so 'amqaanataxanaxaicpi lỹatac na 'alpi qataq na llalaqpi da qomi' ca'ateueeguelo da laỹe ye nỹecpi. Qaq can seviraqaama so loigue, nache qomi' sa'araxayiñi naua qarllectel, nache ñeqouagaxaunaqtac.

Lucas 14:3

Nache So Jesús, inattac nam dapaxaguenataxaatapeguec na namaxasoxonaxacpi qataq som fariseopi, 'eeta': –¿Ishet peta'a da qaỹasheeta da qanataren ca sa no'on ye na'a'q mataxaqui, qalqo' saishet?

Lucas 11:52

¡Ỹataqta qauem da qa'aita'ague qami' maye qauapaxaguenataxañiiteguec na namaxasoxonaxacpi! Cha'aye qami' ỹataqta qauaỹachiñiita da naigui da 'eetec da qaỹauatton Ñim Lo'onatac 'Enauacna, qalaxaye qaica ca qauo'oche cam ỹachaxan da 'eesa da qauauattoñiita Ñimaye, ivira'a da sa qauashiñim nataqa'en da huo'o ca lỹa maye huotaique ỹauatton Ñimaye.

Lucas 11:45

Nache huo'o som 'oonolec nam dapaxaguenataxaatapeguec na namaxasoxonaxacpi 'enapega So Jesús, 'eeta': –'Am Napaxaguenataxanaq, 'enauac na 'anasaxauec maye talec 'anqa'en na fariseopi, nataqa'en ivira'alo qomi' da qomi' inogoqche't.

Lucas 10:25

Huo'o so dapaxaguenataxaatapeguec na namaxasoxonaxacpi nquigueua'a So Jesús da yaqto' inat da ishet da ỹasateguet so lnataxanaxac maye ỹataqta alaqaic, nache 'eeta': –'Am Napaxaguenataxanaq, ¿chaq negue't ca iuen da so'ot da yaqto' saconeguet ca nca'alaxa maye chochaq tatec?

Lucas 7:30

Qalaxaye nam fariseopi, qataq nam dapaxaguenataxaatapeguec na namaxasoxonaxacpi saishet da ỹaỹamaxaren da ỹalaxaguet Ñim Lo'onatac 'Enauacna qataq saishet da ỹaỹamaxaren da nachelaxan so Juan.

Hechos 15:3

Qaq da llecỹaxa'c soomaye, nache tatrelec ye 'alhua Fenicia qataq ye 'alhua Samaria. Nache da'aqtaxaatrapeguem na 'amqaanataxanaxaicpi judiopi da qalota nam saq judiopi da ỹalat da togoshec la'amqaanataxanaxac, nache quegue Ñim Lo'onatac 'Enauacna. Qaq co'ollaq hua'aqchigui de'era nam judiopi maye ỹa'amaqteetac So Jesús, nache ỹataqta qalota da ntonaxac.

Hechos 19:1

Qaq so Apolo co'ollaq ñaq hueta'a ye nỹecpi ye Corinto, nache so Pablo quetaguilo naua 'aleu' maye netaleguete ana qaỹoqotcheguemec 'alhuapi, choche nvitta'a ye nỹecpi ye Éfeso. Nache huaña yemaye, qaq huo'oi soua ilaleguete maye ỹa'amaqteetrac So Lca'aguishec Ñim Lo'onatac 'Enauacna,

1 Corintios 16:12

Qaq so qarqaỹa Apolo ỹataqta ñachoxoreetacot da ñaq ca'atoiguilo soua qarqaỹa't da qami' nauaneto, qalaxaye somaye ñaq saxanaxa da jec nagui. Qalaxaye jec qom ivita da huo'o ca ldaqa'.