Tito 3:11 - La'aqtaqa Ñim Lo'onatac 'Enauacna 2013

¹¹ Cha'aye mashe qaỹaỹaten que'eca shiỹaxaua da sa nateneueegue da ỹataqta 'eesa napaxaguenataxanaxac. Cha'aye da lasouaxashet, nachera da yo'oq naqa'en da ỹataqta isomapec.

Nuevo Testamento Toba Sur

¹¹ Cha'ayi mashi qaÿaÿaten que'eca shiÿaxaua da sa nateneueegue da ÿaÿamaqchiguiñi. Cha'ayi da lasouaxashit nachida da yi'oq naq'en da ÿataqta isomapec.

Nuevo Testamento Toba Sombrero Negro

¹¹ Joote auayaten queda'me qom naq'aeta ga'me jiyaĝaua qama'le nechiyoĝojoĝola't, nataq'aen mach'e najouaĝatoue ga'me mach'e loeco.

Tito 3:11 Referans Kwoze

Hebreos 10:26

Cha'aye da nache qarhuennataxa da qolaqto'ot da so'otaq ca qarasouaxashet da huo'otaq mashe sauattonaq dam 'eesa lapaxaguenataxanaxac Ñim Lo'onatac 'Enauacna, nache qaica ca ishet da qaltaq sanaqot Ñimaye da yaqto' ỹapalaxat na qarasouaxashetpi.

Hechos 15:24

Cha'aye qomi' qara'axaỹaxac da huo'o na shiỹaxauapi chegoqchiguiña ne'ena, da saishet da qaramaxashecpi da qami' nqo'onalo da qami' sa ỹalemaxa't. Qaq naua la'aqtaxanaxaco namayepi ỹo'ot da sa qauaỹaañi ca qoñiitec.

Juan 3:18

Ca ỹa'amaqten na Llalec Ñim Lo'onatac 'Enauacna, nache camaye saishet da huo'o ca nhuaxanaguec. Qalaxaye cam sa ỹa'amaqten Namaye, nache sogote da huetalec da huo'o da nhuaxanaguec qanqa'en, souaxat da saishet da ỹa'amaqten na 'oonolec Llalec Ñim Lo'onatac 'Enauacna.

Lucas 19:22

Nache som nta'a 'enapeco': «'Am no'onataxanaxanec qauemaic. Da maiche 'ara'aqtac, nachera da sachegoxotchigui da sauo'o ca 'anhuaxanaguec. 'Am 'auaỹateetac mque' da aỹem sa qaramchigui da sacona cam sa ỹalamaxat, qataq da ñeqat ana ala cam saq ỹañiguishec.

Tito 1:11

Namayepi iuen da qaỹapoguilo naua ala'api, cha'aye ỹataqta sa nhuoona't naqa'en na nhuo' le'ecpi, souaxat da dapaxaguenataxaatapeguec na sa lataxac, cha'aye choche nshetaique da nauec ana anom da ỹachegoxotaigui da latenataxanaxac.

2 Timoteo 2:14

Saishet da 'axaañi da 'auennataxanaxanec na shiỹaxauapi de'era sheetega yaqto' saishet da icoua'ai. Ỹataqta ỹauaachigui 'anqa'en Ñim Lo'onatac 'Enauacna da qonapega na 'amqaanataxanaxaicpi da saishet da ncotatega't, cha'aye de'era cotaxac, damaye saishet da huo'o ca ltaunaxanaxac, nachaqrata da na'aqchet nam na'axaỹaxaatega.

Romanos 3:19

Cha'aye qomi' saỹaanaq da 'enauac nam 'enapec nam namaxasoxonaxacpi maye chegoqo'ot so Moisés, ỹalamaqchigui nam hueto'ot ne'ena namaxasoxonaxacpi. Qaq 'era da 'eetec yaqto' saishet da huo'o ca 'eetega da qaica ca ỹasouaxat, qataq yaqto' 'enauac na shiỹaxauapi ana 'alhua ỹaỹaten da huo'o da lasouaxashet hueto'ot Ñim Lo'onatac 'Enauacna.

Hechos 13:46

Qalaxaye so Pablo qataq so Bernabé saishet da ñe'erelec da la'aqtaxanaxa'c. Nache co'ollaq ime, nache 'ena'apo': –Da la'aqtac Ñim Lo'onatac 'Enauacna, damaye iuen da hua'auñi da qami' sa'aqtaxanaxama maye qami' judiopi. Qalaxaye nagui ye qami' saishet da qauacoñiiguet, qataq qoñiỹapec ye sa iuen da qauacoñiiguet da nca'alaxa maye chochaq tatec, qaq qomi' nagui, saxaigui nam saishet da judiopi da sa'aqtaxanaxam.

Lucas 7:30

Qalaxaye nam fariseopi, qataq nam dapaxaguenataxaatapeguec na namaxasoxonaxacpi saishet da ỹaỹamaxaren da ỹalaxaguet Ñim Lo'onatac 'Enauacna qataq saishet da ỹaỹamaxaren da nachelaxan so Juan.

Hechos 23:25

Nataqa'en so nta'a ỹauo'o aso ỹamaxaguelo lere so huataxanaqpi maye huetalec da 'eeta':

Tito 1:14

qataq nale'en da sa iqocha'a na choche na'aqtaxanaxacpi maye chegaqaigui na judiopi, qataq na lamaxasoxonaxac nam saishet da ỹaconeguet da 'eesa lataxac.